Македонија
Тошковски за бегството на Рамадани: Вистинското прашање е зошто судот одлучил да го стави во куќен притвор

Обид за добивање ситни политички поени и манипулација со јавноста се обвинувањата на опозициската СДСМ за бегството на Блерим Рамадани, реагира министерот за внатрешни работи, Панче Тошковски, во објава на неговиот официјален Фејсбук профил.
Тој уверува дека МВР постапило максимално професионално, а СДСМ наместо да се фокусира на вистинските проблеми и да понуди конструктивни критики, избира да обвинува само за да обвини.
„Во случајот со бегството на Блерим Рамадани, вистинското прашање треба да биде зошто судот одлучил да го стави лицето во куќен притвор наместо во ефективен притвор. Познавам писмени правници и во СДСМ кои ја разбираат поделбата на власта и знаат дека МВР и судот се различни институции, но жално е што раководството на СДСМ и нивната ПР служба ги игнорираат овие факти и обвинуваат за да добијат ситни политички поени“, пишува Тошковски и додва дека Рамадани бил предаден на судот по барање на Интерпол, што е во согласност со позитивните законски прописи.
Поранешниот припадник на ОВК, Блерим Рамадани од Косово, кој на 17 јули беше уапсен на косовско-македонската граница врз основа на потерница од Интерпол издадена на барање од Србија, избегал од куќен притвор.
Тој беше однесен во екстрадиционен притвор во затворот во Шутка, но на 1 август, судот му ја преиначи мерката од „притвор“ во „куќен притвор“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ацо Боцевски-Циганот уапсен во грчкиот град Катерини: беше во бегство 27 години

По 27 години бегство, во Грција е уапсен Ацо Боцевски, познат под прекарот Циганот, македонски државјанин осуден за убиство. Според МВР бил уапсен во грчкиот град Катерини.
„Денеска (26.05.2025) од страна на грчката полиција сме известени дека го лишиле од слобода Ацо Боцевски кој беше баран со меѓународна потерница по наредба на Основен суд Скопје І од 30.06.1998 година за издржување казна затвор во траење од 15 години за извршено кривично дело по член 123 (убиство) од Кривичниот законик на РСМ“, велат од МВР.
Боцевски беше осуден за убиство на Сеат Ибраими, извршено среде бел ден во ноември 1997 во центарот на Скопје.
Македонија
Тошковски: Канцеларија на управни служби во Жеровјане, ги приближуваме услугите до граѓаните

Министерот за внатрешни работи Панче Тошковски заедно со дел од раководството на министерството денеска во Полициското одделение во Жеровјане пушти во употреба нова канцеларија на Управни служби на МВР која ќе ги опслужува жителите на Општините Брвеница и Боговиње.
„Денеска се наоѓаме во рамки на Полициско одделение Жеровјане, во кое отвораме нова канцеларија ја управни служби при Министерството за внатрешни работи. Овие управни служби ќе ги доближат услугите на МВР до сите граѓани коишто живеат во рамки на Општина Брвеница и Општина Боговиње. Зборуваме за околу четириесеттина илјади граѓани коишто ќе можат сите оние потреби како што се вадење на лична карта, пасош и возачка дозвола и сите останати услуги да си ги остварат многу поблизу до местото на живеење и своите домови. Ова е шеста новоотворена канцеларија и продолжуваме да го остваруваме она што сме го велите на нашите граѓани а тоа е приближување на услугите на МВР до секој еден македонски граѓанин. Отпочнавме со Јегуновце, продолживме со Липково, следуваа Сарај и Демир Капија и Желино и еве сега во Желино, продолжуваме со доближување на услугите до граѓаните. Продолжуваме и понатаму, не застануваме тука и верувам дека на секој еден македонски граѓанин во иднина да ги доближиме нашите услуги“, потенцираше Тошковски.
Македонија
УЈП до даночните обврзници и вршителите на сметководствена дејност: Започната е постапка на обнова на јавниот клуч

Управата за јавни приходи ги информира даночните обврзници и вршителите на сметководствена дејност дека е започната постапка на обнова на јавниот клуч, кој се користи во постапката на декриптирање на МПИН пресметките поднесени преку клиентскиот софтвер при нивната обработка.
Соодветно, како што соопштија од таму, ќе има одреден краток прекин во обработката на МПИН пресметките кои се изготвени преку клиентскиот софтвер, кој ќе трае до завршување на процесот на обнова на јавниот клуч.
„Во овој контекст, ги повикуваме даночните обврзници и вршителите на сметководствена дејност да не поднесуваат МПИН пресметки, изготвени преку клиентскиот софтвер, се до завршување на постапката на обнова на јавниот клуч. Сите МПИН пресметки поднесени до оваа објава преку е – пошта [email protected], ќе бидат обработени. Напомнуваме, дека оваа постапка нема да има влијание на обработката на МПИН пресметките поднесени преку системот е-даночни услуги. По завршување на целокупниот процес, Управата за јавни приходи ќе излезе со дополнително соопштение и насоки за понатамошно постапување во однос на преземање на новиот јавен клуч на Управата за јавни приходи и поднесување на МПИН пресметките“, се нагласува во официјалното соопштение од УЈП.