Македонија
Трајко Славески ќе раководи со комисијата за изработка и систематизација на идеи за програма на ВМРО-ДПМНЕ
На вчерашната седница на Извршниот комитет на ВМРО-ДПМНЕ беше составена комисија за изработка и систематизација на идеи и предлози за програма, којa ќе ja предводи Трајко Славевски, информираат од опозициската партија.
„Комисијата составена од професионалци и луѓе докажани во своите области ќе има задача да ги систематизира идеите и предлозите на граѓаните прибрани од непосредните средби со граѓани преку теренските посети и активностите од ‘Летото за Македонија’, што продолжува со несмален интензитет. Воедно, комисијата ќе почне консултации и со професори, експерти и докажани професионалци од повеќе области, како и преставници на целни групи, сè со цел да се изработи програма што ќе биде освежен и реален одговор на потребите на граѓаните“, се наведува во соопштението.
Ќе бидат вклучени и комисиите на ВМРО-ДПМНЕ, кои се составени од експерти од разни области. Од партијата појаснуваат дека програмата ќе биде со прецизни рокови и динамика на реализација и ќе понуди излез од напластените проблеми на граѓаните.
„Тоа ќе биде документ со кој ВМРО-ДПМНЕ ќе се обврзе да ја избави државата од општествената и политичко-економската криза во која се наоѓаме и пред сè да се даде фокус кон решавање на економските проблеми на граѓаните“, стои во соопштението.
На седницата на Извршниот комитет бил именуван потпретседателот на ВМРО-ДПМНЕ, Владо Мисајловски, за координатор на сите градоначалници од ВМРО-ДПМНЕ на територијата на Република Македонија, како и членот на Извршниот комитет, Владимир Нелоски, за координатор на сите советнички групи на ВМРО-ДПМНЕ, кои се дел од советите на општините. Воедно, биле именувани и повеќе претседатели на општински комитети.
Извршниот комитет ги именувал и Сребре Марковски и Марјанчо Паноски за членови на Централниот комитет на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.