Македонија
Три мегаскандали во еден ден ја тресат Владата, вели ВМРО-ДПМНЕ

„Владата на ДУИ и СДС ја претворија Македонија во ветена земја за криминал и корупција. А токму тие се на врвот на тој криминал. Нема ден да помине, а во јавноста да не излезе афера или коруптивен скандал. Тоа што во други земји се случува еднаш во годината, кај нас, за жал, стана секојдневие. Затоа Македонија е најсиромашна, најкорупмпирана и економски најлоша земја во Европа“, соопшти ВМРО-ДПМНЕ.
„Само вчера беа актуелни три коруптивни скандали. 40 милиони евра се дадени за лиценциран софтвер на компанијата на колегата на Ковачевски од факултетот на кој предаваше.
Во исто време компанијата, која е донатор на ДУИ, добила уште еден тендер, овој пат за регулирање одводен канал во Арачиново, тендер вреден 1 милион евра.
И на крајот, тајната одлука на Владата за основање три нови друштва за приредување интернет-игри на среќа, нешто што отвора сомнеж дека се задоволуваат бизнис-интересите на високи функционери во Владата.
Коруптивните скандали се вртат како на филмска лента.
Во европска земја еден скандал од овие да се случи владата веднаш би си поднела оставка, а кај нас на мафијата на власт око не ѝ трепнува. Фрлени се на крадење и на криминал затоа што знаат дека броени им се деновите. Мислат дека со измени на КЗ ќе се спасат од одговорност, но се лажат. Секој залак што го украле ќе им преседне и за секој денар што го украле, ќе одговараат“, се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За една недела „пајакот“ кренал 101 возило во Центар

ЈП Паркинзи на Општина Центар во соработка со Сообраќајната полиција-Скопје во периодот од 02.06. до 08.06.2025 година, со помош на специјалните возила „Пајак“ отстранија 101 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
„Незаконска употреба на пиротехника на журката на УМС на ВМРО-ДПМНЕ, зошто МВР молчи“, прашува СДСМ

„Срамната и скандалозна е прославата на УМС на ВМРО-ДПМНЕ – журка која се одржа додека Македонија сè уште е во црно, додека 62 семејства жалат за загубените деца, а над 200 млади се борат со последиците од трагедијата во Кочани“, велат од СДСМ.
„Срамно е што на оваа прослава се аплаудираше на говор полн со омраза од премиерот Мицкоски, насочен кон семејствата на повредените и загинатите во Кочани.
Дополнително, беа употребени и пиротехнички средства, кои не само што се законски забранети и опасни – токму се и причина за пожарот и големата трагедијата во Кочани што ја зави државата во црно.
Кој наредил и кој одобрил употребата на пиротехника на прославата на УМС? Кој ја набавил и ја дистриубуирал? Зошто МВР молчи? Или за УМС на ВМРО-ДПМНЕ не важат законите?
Согласно новиот закон, членот 31 предвидува казни и одговорност за употреба на пиротехнички средства на овој начин“, се наведува во соопштението на СДСМ.
Од партијата бараат итна реакција од Министерството за внатрешни работи, казни и одговорност согласно законите.
Македонија
Министерството за социјална политика со веб – страница достапна за лицата со попреченост

Министерството за социјална политика, демографија и млади стана првата јавна институција која има целосно пристапна веб-страница за лицата со попреченост, во согласност со Европската директива EN 301 549 и стандардите WCAG 2.1.
„Ова претставува историски чекор кон дигиталната инклузија и еднаквост. Со поддршка на тимот од AccessWay, овозможивме веб- страницата на министерството да стане достапна за сите корисници, вклучително и за лицата со визуелна, моторна или когнитивна попреченост“, велат од Министерството, од каде повикуваат сите јавни институции да го следат овој пример.
„Заедно можеме да изградиме општество и иднина што ќе биде поправична, поеднаква и поинклузивна за сите“, се додава во соопштението на Министерството.