Македонија
Трошоците за живот двојно зголемени – власта без решение за инфлацијата, велат од партијата Левица

„Водењето политика без никаков економски концепт ја доведе работничката класа во колапс. Дивиот капитализам создаден од партиите на власт, одново и одново генерира кризи, после кои, сиромашните стануваат посиромашни, а богатите уште побогати. Главен проблем е што огромен број од вработените луѓе живеат во сиромаштија, а со две минимални плати, едно семејство не може да обезбеди егзистенција“, велат од партијата Левица.
„Додека платите стагнираат, вкупниот раст на трошоците за живот, во последните 4 години е неверојатни 43,3%. Според податоци од Светска банка и ДЗР, над 450.000 илјади лица живеат под прагот на сиромаштијата. Според УНИЦЕФ, над 10.000 илјади деца, живеат во исклучителна сиромаштија само поради поскапувањето на храната и претходно енергенсите. Вработувањето одамна не гарантира бегство од сиромаштија, околу 9% од вработените живеат во сиромаштија.
Власта се промени, трендот на инфлација остана исти. Инфлацијата за ноември споредено со минатата година изнесува 4.3%, додека за декември 4.4%. Кошничките на Мицкоски не го подобрија животот на граѓаните, храната продолжи со ист тренд на инфлација, основните продукти станаа луксуз, додека профитите на маркетите ја живеат својата ренесанса за време на празниците, секако, цехот од лошата политика оди на грбот на граѓаните.
За немањето економска визија на коалицијата на власт предводена од ДПМНЕ и ЗНАМ, говори фактот, дека Македонија има најголема стапка на инфлација годинава (4.3%) споредено со која било од соседните земји, дури двојно поголема споредено со Бугарија (2.1%) и Албанија (2.0%).
Левица предупредуваше на ова, и предхоно посочуваше мерки кои можат краткорочно и среднорочно да влијаат врз намалувањето на инфлацијата. За жал, партиите на власт, водени од политичките и изборните интереси, изгласаа „уличарски“ Буџет, којшто нема интенција да го подобри животниот стандард на граѓаните. Распределбата на парите од т.н. „унгарски кредит“ наместо според реалните потреби на граѓаните, оди согласно потребите на Стопанските комори, што дополнително ја продлабочуваат кризата, за која, на крајот од денот, арачот го плаќаат граѓаните“, се наведува во соопштението на партијата Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Израелската војска упадна на бродовите што пловат кон Газа, уапсена е Грета Тунберг

Израелските сили се качија на неколку бродови од флотилата „Глобал Сумуд“ и ги превезоа активистите во израелско пристаниште, разбивајќи протест против блокадата на палестинската територија од страна на Израел.
Грета Тунберг е видена како седи на палубата опкружена со војници, на снимка од израелското Министерство за надворешни работи и потврдена од „Ројтерс“. Шведската активистка за климатски промени е најистакнатиот патник на пропалестинската флотила.
Already several vessels of the Hamas-Sumud flotilla have been safely stopped and their passengers are being transferred to an Israeli port.
Greta and her friends are safe and healthy. pic.twitter.com/PA1ezier9s— Israel Foreign Ministry (@IsraelMFA) October 1, 2025
„Израелските војници пресретнаа меѓународна флотила која се обидуваше да достави лекови и храна во Појасот Газа. Тие се качија на бродовите кои се приближуваа кон енклавата“, соопштија организаторите на мисијата.
Флотилата, составена од повеќе од 40 цивилни бродови, носи околу 500 пратеници, адвокати и активисти, имаше план да ја пробие израелската блокада на Газа. Израелците ја започнаа операцијата кога флотилата беше на околу 90 наутички милји од енклавата. Досега се пресретнати најмалку шест брода. Објавени се снимки од бродовите „Флорида“ и „Ол Ин“, на кои се качија израелски војници. Сите членови на екипажот се однесени на копно.
„Преносите во живо од бродовите и комуникациите се прекинати. Статусот на учесниците и екипажот останува непознат. Ова е нелегален напад врз невооружени хуманитарни работници. Ги повикуваме владите и меѓународните институции да побараат нивна итна безбедност и ослободување“, објави флотилата на Инстаграм.
Флотилата за помош во Газа соопшти дека десетици нејзини бродови сè уште „пловат енергично“ кон палестинската територија и покрај тоа што биле пресретнати од израелските поморски сили.
“The last moments before we lost contact with our comrades aboard the Dutch boat Mohammed Bhar, sailing to Gaza on a humanitarian mission with the Al-Sumud Convoy to break the brutal blockade.” pic.twitter.com/S2h60huKZY
— Global Sumud Flotilla Commentary (@GlobalSumudF) October 2, 2025
The Global Sumud Flotilla boats Florida and All In have been seized by occupation forces, with all crew members taken. pic.twitter.com/bJ2rtVbiOK
— Global Sumud Flotilla Commentary (@GlobalSumudF) October 2, 2025
Флотилата Глобал Сумуд соопшти дека повеќето од нејзините бродови продолжиле да пловат кон брегот на Појасот Газа во раните утрински часови во четврток, и покрај прекините.
Македонија
Без струја делови од Карпош и Аеродром

Од ЕВН Македонија АД известуваат дека денеска без електрична енергија ќе останат делови од Карпош и Аеродром.
Во периодот од 06.00 до 16.00 часот, бес струја ќе останат дел од корисниците лоцирани кај викенд населбата во Бардовци. (општина Карпош), а во периодот од 08.00 до 15.00 часот, корисниците од село Долно Лисиче лоцирани на потегот од Чатал кон Јурумлери. (општина Аеродром).
Македонија
Поради протест, денеска и утре ќе биде блокиран булеварот Илинден

Независниот синдикат при ЈП „Паркови и зеленило“ – Скопје најави протест поради неисполнети обврски кон вработените.
Во соопштението до јавноста, синдикатот информира дека протестот ќе се одржи денеска и утре во период од 09:30 до 11:00 часот, при што ќе биде блокиран просторот кај семафорот на раскрсницата на бул. „Илинденска“ со ул. „Никола Тесла“. Протестот ќе заврши пред дирекцијата на ЈП „Паркови и зеленило“.
Синдикатот наведува дека протестот се организира согласно законските прописи и колективниот договор, со кој се утврдени правата на вработените за плата, регрес, јубилејни награди, новогодишен додаток и отпремнини.
Барањата на синдикатот се: исплата на платата за август за фирмите „Флораком ДООЕЛ“ и „Луна ДООЕЛ“, исплата на К-15, јубилејна награда, новогодишен додаток, отпремнина за работниците со престанат работен однос.