Македонија
Турската агенција „Тика“ донираше пчелни сандаци во Дебар и Жупа

Турската Агенција за развој „Тика“ денеска донираше 300 пчелни сандаци за пчелари во општините Дебар и Центар Жупа. Пчелните сандаци пчаларите ги примија во селото Долно Косоврасти, а на свеченото предавање на пчелните сандаци кординаторот на „Тика“ во Македонија, Ајден Ајтекин, истакна дека овој проект е со цел да се помогне на пчеларите и пчеларството во целина во Македонија. Покрај донацијата, со проектот се предвидени и обуки на пчеларите.
Градоначалникот на општина Центар Жупа, Арјан Ибраим, се заблагодари за донацијата на пчелните сандаци и истакна дека истата е од големо значење бидејќи дава силна поддршка на пчеларите од западниот регион на Македонија. Тој додаде дека „Тика“ и во минатиот период реализираше повеќе значајни проекти кои овозможија развој на регионот.
Претставникот на здружението „Чифлик“, Неат Селмановски, рече дека 3о пчалари од општините Дебар и Центар Жупа добиваат по 1о пчелни сандаци. Здружението верува дека донацијата силно ќе го поттикне развојот на пчеларството. Претседателот на здружението „Матица“ од Дебар, Блаже Петревски, истакна дека во регионот расте од ден на ден бројот на пчeлари, пред сѐ поради тоа што има одлични услови во регионот за развој на пчеларството.
K.M.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Концентрациите на ПМ 10 честичките во Трубарево во рамките на дозволените граници

Од Министерството за животна средина известуваат дека согласно индикативните мерења на суспендирани цврсти честички (PM10) на мерното место во Трубарево, спроведени во периодот од 21.09.2025 во 08:30 часот до 22.09.2025 во 08:30 часот, просечната концентрација изнесува 14.2 µg/m³.
„Највисоката измерена вредност е 44.1 µg/m³, додека моменталното ниво е 11.9 µg/m³“.
Резултатите, како што е соопштено покажуваат дека концентрациите на PM10 се во рамки на дозволените и не ја надминуваат 24-часовната гранична вредност пропишана за заштита на човековото здравје, согласно Уредбата за квалитет на амбиентниот воздух.
Македонија
„Влен“: Селотејп коалицијата Таравари-Села-Ахмети е најголемата политичка измама

„Селотејп коалицијата Таравари-Села-Ахмети е најјасната слика за политичка измама. Тие дури и не веруваат на зборовите што ги изговараат. Едниот држи митинг без другиот, вториот оди во Арачиново не за да го честита затворањето на каналот што го реализираше ВЛЕН, туку за да ги продаде истите теми што жителите ги слушаат 20 години. Лаги и измами!“, велат од „Влен“.
„Оваа коалиција се удира по гради за Албанците, но едниот е зафатен со тендерите на „Ѓоко Констракшен“, другиот за да ја спаси својата политичка кариера, додека последниот се труди да дојде на власт и да ги спаси членовите на своето семејство. Народот не е слеп и не јаде трева. Кога ги броеше тендерите и привилегиите, никој не и сметаше на Ахмети, дури ни Груевски или Мијалков.
Денес, без власт, се обидуваат да се претстават како патриоти. Но секоја општина што ја водеа е во хаос.Нивниот патриотизам е како празно тенџере прави многу врева, а внатре нема ништо.На 19 октомври, Албанците ќе го дадат заслужениот одговор“, соопштуваат од „Влен“.
Македонија
(Видео) Герасимовски пред преполните контејнери: Четири години нашите хигиеничари им ја вршат работата на Комунална хигиена

Градоначалникот на Центар Горан Герасимовски во обиколка на улиците, заедно со хигиеничарите на Центар, затекна контејнери опкружени со купишта ѓубре, известуваат од Општината. Од терен тој упати апел до Јавното претпријатие „Комунална хигиена“ редовно да го собира отпадот и да ја преземе својата законска обврска.
„Вака Комунална хигиена си ја завршува својата работа. Како изминативе години, така и денеска, и ова понеделничко утро, центарци се будат во ѓубре. Целата општина е полна со смет, нашите хигиеничари се постојано на терен, го сработуваат сето она што Комунална хигиена не го сработува изминативе години. И после овој мој апел, повторно ќе слушнеме демант на Јавното претпријатие дека навремено си ги завршуваат своите обврски, го собираат сметот од улиците, рече градоначалникот на Центар.
Во утринската акција, хигиеничарите на ПОЦ го расчистија просторот околу контејнерите. Герасимовски порача дека општина Центар ќе продолжи да работи во интерес на своите жители и кога тоа е надвор од ингеренциите. Најави нова опрема која ќе се набави во наредниот период, се наведува во соопштението.
„Нашите 120 хигиеничари цело време се на терен и ја завршуваат работата која е обврска на Јавното комунално претпријатие и за која граѓаните на Општина Центар ги плаќаат. Продолжуваме да си го чистиме Центар и да ја завршуваме работата на Јавното комунално претпријатие, продолжуваме и со она што го ветивме пред граѓаните – да купуваме дополнителна опрема. Во наредниот период се купуваат нови две цистерни за да се мијат улиците, но и нови метларки и камион кој ќе ни треба, бидејќи очигледно Комунална хигиена не си ја врши работата. Верувам дека после толку апели ќе се свестат и овој смет нема повеќе да го има на улиците на Центар“, рече градоначалникот Герасимовски.