Македонија
Турција донираше медицинска опрема на Клиниката за гинекологија во Скопје
Турската агенција за соработка и координација (ТИКА) донираше медицинска опрема и обезбеди поправки на постоечката опрема во одделот за гинекологија и акушерство при клиничкиот центар „Мајка Тереза“ во Скопје.
Координаторката на ТИКА во Скопје, Ајтекин Ајден, заедно со градоначалникот на Скопје, Висар Ганиу и директорот на болницата, Башким Исмаили, појдоа во обиколка на клиниката, поточно делот за хигиена и стерилизација, токму каде што ТИКА донираше опрема.

Фото: TIKA Makedonya/Facebook
Во рамки на проектот, ТИКА донираше пет машини за перење, три машини за сушење, 14 колички, индустриска пегла, омекнувачи за вода, мијалник, шкафчиња, маси и столови.
Ајден вели дека болницата очекува дека бројката на бебиња родени во 2018 да достигне 4 000, а ТИКА ќе продолжи со проектите во Македонија за подобрување на условите на новороденчињата и со тоа се надева дека смртноста кај бебињата ќе се намали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Трајановски: Чист, безбеден и достоинствен Аеродром е мојата визија за современа и хумана општина
Нашата визија за Аеродром е јасна: општина што дише чисто, живее уредено и се грижи за здравјето на своите жители.
Затоа, предвидуваме целосна реорганизација и зајакнување на комуналните и на инспекциските служби, како и воведување комунална полиција со широки овластувања. Таа ќе биде во служба на граѓаните, со задача да обезбеди ред, чистота и безбедност во секое маало, на секоја улица, вели Александар Трајановски, кандидат за градоначалник на општина Аеродром од СДСМ.
„Во нашиот план предвидуваме редовно одржување на јавната хигиена и проширување на зелените површини, поставување нова урбана опрема, клупи и канти за џебен отпад на секои 150 метри, затоа што уреденото маало значи достоинствено секојдневие.
Ќе воведеме планско градење согласно со принципите на хуманото живеење, со нови спортски игралишта и зони за рекреација достапни за сите генерации.
Паралелно, ќе спроведеме континуирана инспекција и мониторинг на работата на сите загадувачи, како и серија активности за подигнување на еколошката свест кај граѓаните.
Субвенциите за алтернативни еколошки системи за греење ќе бидат дополнителен поттик секое домаќинство да стане дел од решението, а не од проблемот“.
Грижата за здравјето, додава тој ќе ја донесе поблиску до луѓето, бесплатни амбулантни прегледи во секоја месна заедница, мобилни ортопедски тимови за возрасните и воспоставување локален здравствен совет кој ќе координира со службата за итна медицинска помош.
Аеродром, нагласува Трајановски, мора повторно да стане место каде што се живее чисто, безбедно и достоинствено.
„Ова е наша заедничка задача, да се избориме за нашите деца и за генерациите што доаѓаат“.
Македонија
На полноќ завршува објавувањето резултати од анкетите за вториот круг од локалните избори
Агенцијата за аудио и аудиовизуелните медиумски услуги ги потсетува радиодифузерите дека денеска е крајниот рок за објавување резултати од испитувањето на јавното мислење за вториот круг од локалните избори 2025 година.
Во согласност со Изборниот законик, анкетите на јавното мислење поврзани со учесниците во изборниот процес може да се објавуваат најдоцна пет дена пред датумот определен за одржување на изборите за вториот круг на гласање, односно најдоцна до 24 часот на 27 октомври 2025 година.
Резултати од испитувања на јавното мислење спроведени на самиот ден на изборите не смее да се објавуваат пред затворањето на избирачките места.
Македонија
„Влен“: Партијата Левица е сламката за спас на Ахмети, Села и на Таравари
„По секој пораз доаѓа нервоза, а тоа најдобро се виде кај Али Ахмети. Симнат од тронот, излезе да ги навреди Албанците. Почна со „загари“, заврши со „Газиместан“. Ова е вистинскиот Али Ахмети без филтерот на пропагандата и без телепромптерот на Груби“, велат од „Влен“.
„Победите на ВЛЕН во Чаир, Сарај, Арачиново, Желино и Теарце, како и водството во Тетово, Боговиње, Дебар, Струга, Брвеница и Долнени, целосно го разобличија лажниот патриотизам на тројката во агонија – Ахмети, Таравари и Села.
И ете каде завршија во прегратка со проруската и анти-НАТО партија Левица. Тоа е „сламката за спас“ на Али Ахмети, Зијадин Села и Арбен Таравари.
Кандидатот на НАИ, Арсим Далипи, кој ветуваше повлекување доколку има само еден глас помалку од Менди Ќура, а потоа јавно излажа, денес е во отворена коалиција со партијата на Апасиев.
ВЛЕН одамна укажа на состанокот меѓу емисарот на Али Ахмети, Кренар Лога, и Димитар Апасиев, како дел од планот за нанесување штета на независниот кандидат поддржан од ВЛЕН во првиот круг. Денес сè е на виделина.
Арсим Далипи, со „референдумот“ во рака и со „националната кауза“ во уста, заедно со „патриотите“ Таравари и Села, најдобро докажуваат дека нивната кауза никогаш не била албанска, затоа што оној што се здружува со Левица, ѝ го врти грбот на НАТО, на Западот и на самите Албанци“, соопштуваат од „Влен“.

