Македонија
Усвоен новиот текст на Националната стратегија за соработка со дијаспората
Владата на денешната седница го разгледа и усвои новиот текст на Националната стратегија за соработка со дијаспората за 2019-2023 година, заедно со акцискиот план за спроведување на Стратегијата и го задолжи министерот за дијаспора да ја информира Владата за текот на реализацијата на Стратегијата.
Владата ја разгледа и усвои информацијата за поставеноста и дејствувањето на целокупниот систем за кризи, имплементацијата на националната платформа за намалување ризици од несреќи и катастрофи. Информацијата, придружена со насоките за реформирање на овој систем со користени компаративни искуства, тргнува од утврдената потребата од реформи на поставеноста на системот за управување со кризи и системот за заштита и спасување за да се создаде ефективен, ефикасен и координиран одговор на преземање активности во превенција, раното предупредување, прв одговор, справување и враќањето во првобитна состојба.
Владата денеска ја разгледа и усвои информацијата за текот на постапката за продажба на движните опасни и експлозивни ствари, што претходно биле во сопственост на згаснатата компанија АД „Теас-Темко“ и што се наоѓаа на имот на АД „Макпетрол“. Во согласност со оваа информација, Генералниот секретаријат на Владата спроведе постапка за продажба на движните опасни ствари во согласност со претходна одлука на Владата, со што трајно се отстранети од територијата на нашата земја.
На денешната седницана Владата го утврди предлог-законот за изменување и дополнување на Законот за катастар на недвижностите, кој има цел подобрување на деловната клима со подобрување на квалитетот на запишаните податоци во Катастарот на недвижностите, зголемување на процентот на запишаните права во Катастарот на недвижностите, што ќе продуцира со јакнење на вербата во јавната книга, како и зголемување на транспарентноста на институцијата како јавен сервис на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.