Македонија
УХМР: Пороен дожд и грмежи попладнево во Крушево, дожд и на Пелинце

Времето денеска ќе биде променливо и нестабилно, на повеќе места со пороен дожд и грмежи, локално во форма на невреме со пообилен пороен дожд и појава на град. Минималната температура ќе се движи од 14 до 21, а максималната од 28 до 35 степени, соопшти УХМР.
Во Скопје ќе биде променливо облачно, претпладне со услови за повремен слаб дожд, а попладне и во вечерните часови ќе биде нестабилно со пороен дожд и грмежи.
Во Крушево околу пладне и попладне се очекува развој на нестабилна облачност со пороен дожд и грмежи.
И на Пелинце околу пладне ќе има повремен дожд, кој ќе се интензивира во попладневните и вечерните часови, а ќе биде проследен и со појава на грмежи.
И в петок ќе биде нестабилно, со пороен дожд и грмежи, особено во западните и јужните делови. Од сабота се очекува стабилизирање на временската состојба со постепен пораст на дневната температура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Целосно изгаснат пожарот во општина Желино кој се прошири кон месноста Карпалак

Пожарот кој вчера изби на територијата на општина Желино во атарот на село Церово, а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, извести директорот на ДЗС, Стојанче Ангелов.
Врз него од тетовската страна дејствуваше ТППЕ Тетово, а од скопската страна БППЗ Скопје.
Ангелов упати голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент 4-те активни пожари на отворен простор се под целосна или делумна контрола, додаваат од ДЗС.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.