Македонија
ФДМ на средба со Јанева: СЈО да продолжи да работи како независна институција

Членови на Форумот за демократска Македонија, заедница на иселеници, се сретнаа со специјалната јавна обвинителка Катица Јанева во просториите на специјалното јавно обвинителство.
На средбата претставниците на ФДМ, Маја Петрушевска, Маја Панова и Алексеј Демјански ја запознаа обвинителката Јанева со програмата, целите и мисијата на Форумот. „Како организација што се залага Македонија да биде демократска и правна држава во вистинска смисла на зборот, ФДМ ја потврди целосната поддршка за работата на СЈО“, се вели во соопштението од ФДМ.
Во него се додава дека Јанева се осврнала на предизвиците со кои СЈО се соочува од формирањето до денес. „Претставниците на ФДМ го поздравија придонесот на ова обвинителство на полето на транспарентност и родова еднаквост и изразија поддршка СЈО да продолжи да работи како независна институција. Доколку е потребно, ФДМ е подготвен да ги стави на располагање своите професионални капацитети, искуства и меѓународна мрежа на контакти со правни и антикорупциски експерти од целиот свет“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).