Македонија
Филипче: За какви провизии и фантомски фирми сме обвинети, кога средствата се вратени

Министерот за здравство, Венко Филипче, ги отфрла сите обвинувања за незаконски дејствија во врска со набавката на кинеските вакцини, откако италијанскиот медиум „Ла Верита” објави дека наводно Кина го вратила авансот за вакцините на „Синофарм“, поради некаква фантомска фирма која била користена во процесот.
Тој тврди дека при комуникацијата за набавка на 200.000 кинески ванкцини од „Синофарм“, не е направена каква било нерегуларност, туку некој свесно се обидува да го поткопа целиот процес на имунизација.
„Објавените писма од ‘Ла Верита’ се писма за намера какви што Министерството за здравство има испратено до многу компании, кои помагаат или посредуваат за набавка на вакцини против Ковид 19. Вакви писма и комуникации владата има со компании од САД, Австрија и други земји. На ист начин е обидот да се набават вакцини и од ‘Синофарм’. Од самиот почеток нашата земја ги почитува сите процедури за набавка на вакцини и со овој производител“, рече Филипче.
Министерот го објасни начинот за набавка на вакцини од кинескиот производител.
Што се однесува до манипулацијата дека МЗ склучило договор со кој „Синофарм“ се ослободува од одговорност за ефектите од вакцината министерот појасни дека станува збор за целосно непознавање на договорите од овој тип. Имено, ова е вообичаена пракса и составен дел од сите договори при набавка на вакцини, објасни министерот.
„Тоа е пракса за буквално сите договори за кои ние сега преговараме и ги разбираме производителите зошто е тоа на нивно барање. Свесни сме дека со тоа земаме голема одговорност и ние тоа го правиме свесно кога е во прашање здравјето на нашите граѓани. Свесно ја земаме таа обврска не само за оваа туку за сите вакцини кои ќе дојдат во земјава“, рече Филипче.
Министерот Филипче ги осуди сите овие обиди да се фрли дамка на овој процес во една чувствителна ситуација кога во тек е вакцинација во нашата земја.
„Сметам дека со ова се опозицијата се обидува да го наруши угледот, да го копромитира процесот и со тоа да го загрози целокупниот процес на продолжување на имунизацијата во нашата земја . Сметам дека со ова некој сака да има политички бенефит, да поентира, а цената да биде здравјето на нашите граѓани“, истакна министерот Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно и студено со повремени врнежи од дожд, на некои од повисоките места дожд и снег

Променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната ќе биде во интервал од 4 до 11 степен.
Во Скопје, облачно и студено со врнежи од дожд, а на повисоките места од котлината со повремени врнежи од дожд и снег. Ќе дува засилен ветер од северен правец. Минималната температура ќе се спушти со 3, а максималната ќе достигне 7 степени.
Времето во наредните денови
Под влијание на циклонска активност нашата држава е зафатена од студен бран кој доаѓа од северните делови на континентот. Вкупно од овој бран се очекува на повеќе места да наврнат над 50 l/m² дожд. Денес на планините врнежите ќе преминуваат во снег, при што ќе се формира значителна снежна покривка. Поради натамошно спуштање на студен воздух, ќе има услови врнежите од дожд да преминуваат во снег и на некои од повисоките населени места. За време на викендот времето ќе биде стабилно со ниска утринска температура, а дневната ќе биде во благ пораст.
Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.