Македонија
„Филипче и Заев 7 години ги лажеа и манипулираа граѓаните со истите ветувања што ги нарекуваат програма“, велат од ВМРО-ДПМНЕ

„Филипче со СДС и ДУИ бесрамно по 7 години промовираат проекти кои и досега беа дадени како ветувања во Планот за живот и имале апсолутна власт и можност истите ветувања да ги реализираат. За жал, најголем процент од околу 80 отсто се нереализирани ветувања во ресорот здравство за што најодговорен е токму Филипчемкој освен лаги во пракса зад себе остави руиниран здравствен систем“, велат од ВМРО-ДПМНЕ.
„Петте министри за здравство од кои токму Филипче е министер со најдолг мандат е директно одговорен за неработата, отсуство на суштински реформи, уназадување на здравството за неколку децении наназад и голиот пиар, без конкретни подобрувања.
Ова се само дел од ветувањата за кои тој лично е одговорен за нивното неисполнување:
Неизградбата на клинички центар, ветување дадено во Планот за живот – не само што нема клинички имаме побарување за наплата од 20 милиони евра, отштета за неградба на ллинички центар.
Специјалистите и денес не ја добиваат ветената плата од 100 000 денари, но истиот Филипче оди понатаму со лагите за веќе да ветува манипулативно и предизборно нови покачувања на платите.
Истиот тој Филипче дава ветување за плати на медицинските сестри кои по 7 години од неговото и владеењето на неговата партија ги остави со минимална плата.
Денес не е реализирано ниту ветувањето за капитационен бод од 90 денари за матичните,како и ветувањето за капитационен бод од 70 денари за стоматолозите.
Нема бесплатно болничко лекување за сите граѓани како што ветија во Планот за живот,но по 7 години ветува укинување на 20% од партиципацијата.
Не е реализирано ниту ветувањето за стимулативни мерки за млади доктори во рурални средини.
Нема фонд за финансирање на лекување во странство
Нема изградба на Клинички центар во Битола
Нема Детска општа болница со Ургентен центар во Скопје.
Нема укинување на економските директори.
Нема спојување на клиниките во еден Клинички центар како што ветуваа пред да дојдат на власт.
Ова се само еден дел од дадените ветувања од Програмата за живот кои не се реализирани што покажува колку лесно Филипче и неговата партија даваат ветувања кои не ги исполнуваат, а истовремено потценувајќи го народот кој многу добро памети што се се ветувало во Планот за живот и каков е денес крајот на истиот тој „живот“.
Денес во пракса имаме сомнителни набавки во здравството со еден понудувач, непотизам, вработувања на семејни лози, партизирани вработувања.
Иако, претходно дадените ветувања не се исполнети, сепак Филипче се обидува на мала врата повторно да протне дел од нив, а дел и да ги надгради, без никаква сериозна анализа, план или стратегија.
На граѓаните им е јасно дека овие листови со желботеки се чисто предизборно и манипулативно најавени, а потврда за недовербата е и резулатот од анкетите кои го покажуваат гласот на народот.
ВМРО-ДПМНЕ нуди конкрерни мерки кои се реални и во чиј центар ќе бидат пациентите, а ќе го унапредиме и статусот на здравствените работници“, се додава во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски и советниците спречија изградба на зграда: „Безбедноста на граѓаните на прво место“

На предлог на градоначалникот на општина Центар, Горан Герасимовски, Советот на општина Центар со 19 гласа „за“ и и еден воздржан донесе одлука за суспендирање на примената на градежна парцела во рамки на ДУП „Буњаковец 1.
Причината за суспензијата е изградба на објект чија реализација може да предизвика сериозни безбедносни и правни импликации. Градежната парцела се наоѓа на аголот на булеварите Климент Охридски и Митрополит Теодосиј Гологанов, а единствениот пристап до неа минува покрај студентскиот дом „Кузман Јосифовски-Питу“, каде се наоѓа резервоар со запаллива материја која се користи за греење, што претставува ризик од пожар и бара изработка на посебен елаборат со еколошки анализи и согласности, известува Општината.
Пристапот исто така минува преку подземни инсталации кои ја снабдуваат целата населба и студентскиот дом, како и преку објекти легализирани во минатото, пред повеќе години, за кои е потребна постапка за нивно отстанување , процес кој може да предизвика долги и комплексни правни последици.
Општината повеќе од две години работи на соодветно решавање на овој случај, но досегашните барања за соодветен сообраќаен проект не беа уважени од соодветните институции.
Поради тоа, се предлага суспензија за градење на конкретната градежна парцела се додека не се обезбедат безбедносни и правно сигурни услови за пристап и реализација на објектот, се наведува во соопштението на Општината.
„Мојот приоритет е безбедноста на граѓаните и инфраструктурата. Нема да дозволам да се загрози безбедноста на жителите на Центар, но истовремено ќе внимаваме да се заштитат интересите на сите инволвирани страни. Важно е да бидеме целосно сигурни дека сите услови се исполнети за да може да се гради објектот.Во меѓувреме, подготвуваме нов ДУП кој ќе ги реши овие прашања и ќе овозможи безбеден и законит пристап до парцелите“, истакна Герасимовски.
Македонија
Александар Трајановски: Централната пошта да стане Градски инспекторат и Центар за урбано планирање – време е за пресметка со дивоградбите и урбаниот хаос

Кандидатот за градоначалник на Град Скопје од коалицијата „Искуство за успех“, Александар Трајановски, најави конкретен план за обновување на Централната Пошта и нејзина трансформација во Градски инспекторат и Центар за урбано планирање.
„Ги засукуваме ракавите и влегуваме во директна пресметка со дивоградбите и урбаното дивеење во градот Скопје и општините. Повеќе нема да има недопирливи згради, бесправни градби и хаотичен развој. Време е институциите да си ја вратат својата сила,“ изјави Трајановски.
Со овој потег, еден од највпечатливите објекти на скопскиот модернизам ќе добие нова јавна функција со вистинска корист за граѓаните – место каде ќе бидат обединети сите градски инспекции и урбанистички служби, во транспарентен и ефикасен систем.
„Централната Пошта е дел од нашето културно наследство, но и од нашиот градски срам – ја оставивме да пропаѓа. Наместо да ја рушиме, ќе ѝ дадеме нова улога. Таа ќе стане симбол на ред, контрола и паметно урбано управување,“ изјави Трајановски.
Новиот Градски инспекторат ќе обедини повеќе од десет инспекциски служби – урбанистички, градежни, комунални, еколошки и сообраќајни. Просторот ќе биде отворен за јавноста, архитектите и стручната фела, со современи канцеларии, дигитални системи и сали за јавни консултации.
Дел од поширока визија – „Поправка на она што вреди“
Оваа иницијатива е дел од визијата за „поправка на она што вреди“ – враќање на животот во објектите што го обликуваа идентитетот на Скопје. Во истиот план се предвидени и:
· ГТЦ – нов дом на градската администрација, младите и културата,
· Кино Милениум – обновен културен простор и филмски центар,
· МКЦ – проширен центар за современа уметност и независна сцена.
„Скопје не треба да се гради одново – треба да се обнови со памет и љубов. Градот го измалтретиравме доволно, време е да го лекуваме,“ порача Трајановски.
Македонија
Муцунски на Состанокот на министрите за надворешни работи во рамки на Берлинскиот процес во Белфаст

Министерот за надворешни работи и надворешна трговија, Тимчо Муцунски, учествува на состанокот на министрите за надворешни работи во рамки на Берлинскиот процес, што денес се одржува во Белфаст.
Во фокусот на дискусиите беа регионалната соработка, европските перспективи на земјите од Западен Балкан и заедничките безбедносни предизвици.
Во своето обраќање, министерот Муцунски ја нагласи потребата од заеднички одговор на современите безбедносни ризици – хибридни и сајбер закани, дезинформации, миграции, нелегално финансирање и организиран криминал, кои дополнително влијаат на безбедноста и стабилноста, поткопувајќи ги институциите и јавната доверба.
На состанокот беше истакнато дека политиката на проширување на Европската унија претставува витална рамка за трансформација на општествата и унапредување на добрососедските односи, демократските стандарди и владеењето на правото. Зaедничко беше констатирано дека постепената интеграција, Планот за раст и Заедничкиот регионален пазар значајно го приближуваат Западен Балкан до Европската унија и го прават пристапниот процес поопиплив за граѓаните.