Денес, во CUPRA Garage Порше Македонија официјално го претстави најновиот модел на брендот – CUPRA Terramar, кој за првпат влегува на македонскиот пазар. Со оваа премиера, CUPRA ја продолжува својата експанзија и го засилува своето присуство во најбрзо растечкиот SUV сегмент во Европа, но и во Македонија.

CUPRA Terramar е новиот херој на брендот – спортски SUV кој комбинира смел и самоуверен дизајн со врвни перформанси и напредна технологија. Овој модел ја носи CUPRA кон повисок премиум сегмент, привлекувајќи нови клиенти без да ја изгуби својата бунтовничка и предизвикувачка ДНК.

Дизајн што освојува на прв поглед

Terramar ја прифаќа новата дизајнерска насока на CUPRA, со експресивни линии, динамични пропорции и карактеристични предни светла со троен триаголен потпис, кои веднаш го издвојуваат од толпата – дури и во темница. Напредната Matrix LED Ultra технологија со 25.000 пиксели обезбедува прилагодлива светлина според условите на патот, за максимална видливост без заслепување на другите учесници во сообраќајот.

Внатрешност фокусирана на возачот

Внатрешноста на CUPRA Terramar нуди нова интерпретација на спортскиот дух – кокпит ориентиран кон возачот, нагласен со прогресивен дизајн на централната конзола и премиум материјали, што создава простор каде технологијата и емоциите се спојуваат во едно.

Моќни погони за секој стил на возење

Terramar е достапен со различни погони, вклучувајќи ја и најновата генерација на plug-in hybrid (eHybrid) технологија, која испорачува импресивни 272 коњски сили (200 kW) и повеќе од 100 километри целосно електрично возење.

Во Македонија се достапни погоните:

TERRAMAR – 1.5 eTSI DSG 150, 2.0 TSI 204 DSG 4×4 и 1.5 TSI PHEV DSG 205

VZ – 2.0 TSI DSG 265 4×4 и 1.5 TSI PHEV DSG 272

Динамика што го дефинира CUPRA духот

За максимално возачко уживање, CUPRA Terramar доаѓа со стандардна спортска суспензија, прогресивен управувач, како и со напреден адаптивен систем на шасија, овозможувајќи прецизно управување, стабилност во свиоци и врвна динамика на секој пат.

CUPRA – бренд во подем

Со премиерата на Terramar, CUPRA има комплетно портфолио на модели и продолжува со својата успешна приказна. Од 2018 година досега, брендот има испорачано околу 700.000 возила, а глобалната мрежа брои над 800 CUPRA Garage ширум светот.

Произведен во Европа, создаден за новата ера

CUPRA Terramar е дизајниран и развиен во Барселона, а се произведува во фабриката на Audi во Ѓер, Унгарија.

Со CUPRA Terramar, брендот покажа дека иднината припаѓа на оние кои имаат храброст да бидат различни.

ПР текст

Деловниот клуб за соработка со Франција и франкофонските земји при Стопанската комора на Северна Македонија денеска избра ново раководство и ја усвои програмата за работа за 2025 година. За претседател на Клубот едногласно беше изгласан Гоце Марков од „Тиквеш“, а членовите се согласија на активности насочени кон јакнење на деловните врски со француските партнери.

На седницата присуствуваа компаниите членки на Клубот, како и претседателот на Стопанската комора, Бранко Азески, и амбасадорот на Франција во Северна Македонија, Н.Е. Кристоф Ле Риголер.

Амбасадорот Ле Риголер истакна дека, иако француското економско присуство во Северна Македонија е скромно, интересот за инвестиции е зголемен.

„Постои потенцијал за унапредување на соработката. Искажувам благодарност до Стопанската комора и нејзиниот претседател за оваа иницијатива. Да ги зголемиме економските врски меѓу двете земји. Иако не сме отсутни, нашето присуство е на скромно ниво, што не соодветствува со високото ниво на билатералните односи меѓу Франција и Северна Македонија“, нагласи амбасадорот.

Претседателот на Стопанската комора, Бранко Азески, потенцираше дека како најголема бизнис-асоцијација Комората е посветена на поттикнување на меѓународната економска соработка и обезбедување нови можности за македонските компании.

„Нам ни треба здружување и заеднички настап на пазарите, а од Француската амбасада очекуваме максимална поддршка во процесот на градење посилни економски врски. Македонските компании и иноватори се подготвени и мотивирани за настап на европските пазари, користејќи ја својата конкурентност и иновативност за постигнување поголем успех“, изјави Азески.

Во Деловниот клуб членуваат македонски и француски компании, и неговата основна цел е да биде место за размена на искуства и добри практики, и воедно да им помага на македонските, француските и франкофонските компании подобро да ги разменат нивните идеи, размислувања со цел да се здружат и заеднички да настапуваат на трети пазари, како и да придонесат за привлекување на нови инвеститори и компании кои успешно ќе работат овде.

СВР Скопје ги известува граѓаните на Скопје дека од 05.03.2025 до 07.03.2025 (среда, четврток и петок) поради официјална посета на претседателот на Собранието на Република Хрватска Гордан Јандроковиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.

СВР Скопје апелира до граѓаните да ги почитуваат наредбите што ги издаваат полициските службеници.