„Зголемувањето на личниот доход подразбира за сите, вклучително и за техничкиот персонал и сите оние кои што не се наставници и професори средното и основното образование“, вели претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на договорот за покачување на платите во образованието.

Премиерот Мицкоски рече дека вработените во образованието ќе земат октомвриска плата со покачување од 5 проценти, додавајќи дека до 2028 година платите ќе пораснат за минимум 46 проценти а може и повеќе во зависност од состојбата на буџетот.

„Ќе ги потсетам сите оние кои се вработени во образованието дека октомвриската плата која ќе биде исплатена сега во ноември ќе биде повисока за 5 проценти. Потоа, почнувајќи од мартовската плата 2025 година која ќе биде исплатена во април 2025 година 7 проценти дополнително зголемување. Од март 2026 година помеѓу 7 и пол до 10 проценти во зависност од состојбата во буџетот. Март 2027 година повторно помеѓу 7 и пол до 10 проценти и март 2028 година помеѓу 10 и 12,5 проценти, или минимум 46 проценти поголема плата ќе имаат наставниците во основното и професорите во средното образование споредбено со сега. Значи минимум, а може и повеќе да биде во зависност од состојбата на буџетот“, дециден е Мицкоски.

Премиерот Мицкоски нагласи дека после покачување на пензиите, програмите за млади, договорот со СОНК за повисоки плати во образованието, следува и покачување на платите во здравството, посочувајќи дека примарен интерес на Владата се граѓаните.

„Ова е историско нешто кое до сега не било направено. Исто така и Колективниот договор ќе се прави. Значи после пензиите, после оние програми за младите, после консолидирањето на исплатата на субвенциите на земјоделците, сега е и овој договор со СОНК за вработените во образованието. Ќе следи за вработените во здравството итн. сето она кое што како приоритет ќе биде пред нас. Но, ќе има за сите, бидејќи интересот на граѓаните е примарен интерес на оваа Влада“, истакна претседателот на Владата Мицкоски.

Скопската Зоолошка градина се огласи со соопштение.

„Од изутринава без налог, решение или било каков друг доказ инспектори на АХВ придружувани од лица со оружје упаднаа во ЗОО Скопје и извршија масакр врз птиците. Без образложение, овие лица по наредба на диркторот на АХВ, а без доказ до овој момент убија неколку десетици птици кои слободно се шетаа во зоолошката градина. Станува збор за украсни видови на шатки и гуски кои живеат во градскиот парк, а имаат природен пристап во зоолошката градина од градскиот парк. Целта на оваа секташка политика е да се предизвика нов измислен проблем, и да се обезбеди алиби за затварање на ЗОО Скопје со цел наштетување на угледот. За ова дело ЗОО Скопје ќе поднесат кривични пријави против директорот на АХВ како и до инспекторите и лицата кои со оружје упаднаа во ЗОО Скопје“, пишува во соопштението на Скопската зоолошка.

Претходно, поранешниот директор на институцијата, Ѓорѓи Галетановски, на ФБ објави дека е најдена смртоносна бактерија.

Советникот од ВМРО-ДПМНЕ, Стефан Кирков во свој пост на Фејсбук пишува: „Скопје ЗОО од утрово е затворена за посетители! Истото тоа е по налог на Агенцијата за храна и ветеринарство под сомнение за опасни вируси! Во моментов инспектори и доктори по ветерина се внатре со скафандери и работат на утврдувањето. Повеќе детали официјално чекаме од АХВ и Град Скопје“.

Наскоро очекуваме став и од Агенцијата за храна и ветеринарство.

Смртоносна бактерија „птичји грип“ е најдена во зоолошка градина Скопје, објави поранешниот директор, Ѓорѓи Галетановски.

Во објавата тој вели дека во моментов Зоолошка е затворена, посетителите се евакуирани, а инспектори се веќе влезени.

Советникот од ВМРО-ДПМНЕ, Стефан Кирков во свој пост на Фејсбук пишува: „Скопје ЗОО од утрово е затворена за посетители! Истото тоа е по налог на Агенцијата за храна и ветеринарство под сомнение за опасни вируси! Во моментов инспектори и доктори по ветерина се внатре со скафандери и работат на утврдувањето. Повеќе детали официјално чекаме од АХВ и Град Скопје“.

Засега нема официјално соопштение од Скопје ЗОО дали ваквите наводи кои се споделуваат на социјалните мрежи се точни.

Повеќе детали наскоро…