Македонија
(Фото) Ѓурѓовден во Кисела Вода- низ детската насмевка, љубов и среќа!

Со низа настани кои траеја преку целиот вчерашен ден, општина Кисела Вода го одбележа својот патронен празник-Ѓурѓовден.
„На целодневното одбележување на заштитникот на Кисела Вода, Св. Георгиј Победоносец, после свечената литургија имавме прилика да уживаме во празнична атмосфера, низ вештите рачиња на децата од градинките кои изработува цртежи и украси инспирирани од пролетта и празникот.
По работилницата, сите присутни имаа можност да ја проследат забавната театарска претстава „Плашливиот лав” која внесе радост, смеа и важна животна порака за храброста и пријателството“, рече градоначалникот Орце Ѓорѓиевски.
„Со задоволство ја проследивме и изложбата на уметничките дела од Драган Кузмановски, но она во кое сите уживавме, вклучувајќи ме мене, Ведран и мојата сопруга Мартина беше проекцијата на филмот ,,Кучиња во операта”. Ова, беше уште еден Ѓурѓовден – уште едно продолжување на вековната традиција на мојот народ низ вековите. Уште една средба, пријателски муабет и поддршка за иднината. Од срце ви благодарам што и овој ден, со вашето ценето присуство го направивте за паметење.
Заедно направивме многу, а – најдоброто допрва доаѓа“, изјави градоначалникот Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.
Македонија
Сојузниците од НАТО треба да трошат по 5 отсто од БДП за одбраната, му рекол Рубио на Муцунски

Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во НАТО да дадат поддршка и да постигнат 5 отсто издвојување за одбраната, соопшти Стејт Департментот во соопштение по средбата.
Двајцата ја потврдиле силната врска меѓу Соединетите Американски Држави и Северна Македонија и ги истакнале заедничките интереси во однос на регионалната стабилност, економската соработка и НАТО.
Тие разговарале и за можностите за проширување на економската соработка, вклучувајќи ја трговијата и инвестициите.
Муцунски по средбата соопшти дека е потврдено стратешкото партнерство со САД, а нашата држава продолжува да дава активен придонес како кредибилен сојузник, со инвестиции повеќе од 2 отсто од БДП во одбранбениот сектор.