Македонија
Хан: Постојат закани кон пратениците од ВМРО-ДПМНЕ кои сакаат да го поддржат договорот

Еврокомесарот за проширување на Унијата, Јоханес Хан, за австриски „Стандард“ изјави дека е запознаен со заканите кон пратениците од опозициската ВМРО-ДПМНЕ кои сакаат да ја напуштат партиската позиција и да ја поддржат Владата во Собранието.
Коментирајќи ги актуелните политички состојби во земјава, Хан изјави дека ВМРО-ДПМНЕ треба да се откаже од деструктивниот пристап и да дејствува во согласност со интересите на земјата, а не со партиските интереси.
„Ова е неприфатливо за партија што се декларира како проевропска и демократска“, рече Хан и додаде дека ако не се искористи шансата, можеби ќе биде изгубена засекогаш, а ВМРО-ДПМНЕ ќе биде целосно одговорна за таквото сценарио.
Хан смета дека повиците за бојкот сведочеле за недостиг на демократска зрелост и оцени дека референдумот бил консултативен, а мнозинството од граѓаните се изјасниле „за“.
Според Хан, предвремените избори носат ризик од пробивање на роковите за договорот во грчкиот парламент, а истовремено верува дека изборите не се гаранција за потребното двотретинско мнозинство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.