Македонија
Хуманитарна изложба на домашни миленици, средствата ќе бидат донирани на семејствата на настраданите од Кочани

Факултетското студентско собрание при Факултетот за ветеринарна медицина – Скопје, со поддршка на ФВМС, на 7 јуни (сабота), на плоштадот во Автокоманда, ќе одржи хуманитарна Изложба на домашни миленици. Настанот има за цел да се обезбедат средства за семејствата на настрадани во трагичниот настан во Кочани.
Оваа изложба, во која милениците ќе бидат прикажани со внимание и љубов, а нивните сопственици ќе добијат благодарници и симболични награди, е потсетник на една поширока вистина – дека грижата за животните и хуманоста кон луѓето се длабоко поврзани.
„Како млади луѓе, чувствуваме одговорност да дејствуваме таму каде што болката е тешка, а потребата е голема. Овој настан е израз на длабока човечка поврзаност“, порачаа од Факултетското студентско собрание при ФВМС.
Факултетот за ветеринарна медицина – Скопје го поддржува овој настан како чин на солидарност со општествената болка.
„Во свет во кој сѐ почесто недостига разбирање и поддршка, токму ваквите иницијативи го потсетуваат општеството на суштинските вредности. Преку љубовта кон животните, ги негуваме и најдлабоките човечки доблести – сочувството и одговорноста кон другиот“, наведоа од ФВМС.
На самата локација ќе биде поставена кутија за донации. Сите собрани средства ќе им бидат донирани на семејствата кои претрпеа ненадоместлива загуба.
„Ги покануваме сите љубители на животни и граѓани со исклучително чувство за заедништво и сочувство да ни се придружат. Вашето присуство и поддршка значат многу – таму каде што е најпотребно“, порачаа од ФСС при ФВМС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.