Македонија
Царовска: Со стипендии ќе ги поддржиме стручните профили што ги бара пазарот на труд

Профилите кои ќе се изучуваат во средното стручно образование ги прилагодуваме на потребите на реалниот сектор, со што го осовременуваме образованието, а со политиките за стипендирање на учениците од техничките струки ќе го поттикнеме изборот токму на оние кои ќе им овозможат поголема вработливост на младите.
Ова го рече министерката за образование и наука Мила Царовска во Кавадарци, каде што продолжија консултациите за потребата од отворање нови профили и паралелки во средните стручни училишта низ државата, од идната учебна година. На средбата присуствуваа градоначалниците на Кавадaраци и Неготино, Митко Јанчев и Тони Делков, претставници на средните училишта, на локалните компании и на стопанските комори.
„Овие средби се организираат под мотото ‘Учи паметно, работи стручно’ и со поддршка на швајцарската амбасада. Идејата е заеднички, преку социјален дијалог, да утврдиме кои се профилите коишто ќе се отворат за запишување ученици во средните стручни училишта во училишната 2021/2022 година. Досега одржавме три средби, ова е четврта и тие покажаа дека компаниите имаат потреба да дискутираат и со Министерството и со општините и со средните училишта и дека со модуларното поставување на средното стручно образование може да се направат комбинации за да можат профилите да служат на повеќе компании“, изјави министерката Царовска.
Со овој начин само го спуштаме дијалогот на локално ниво, за да ги утврдиме потребите и да ги сервисираме, додаде Царовска, посочувајќи дека со воспоставување паралелки со дуално образование или одреден период од образованието да се поминува во компанија, а одреден во училиште, ќе добиеме квалификувана но и мотивирана работна сила.
„Очекувам на крајот од сите дебати, училиштата до МОН да испратат барања за отворање на профилите коишто биле утврдени на овие средби и тие да станат реалност во наредната училишна година“, изјави министерката.
Градоначалникот на Кавадарци, Јанчев, рече дека очекува преку дебатите да се согледаат реалните потреби од квалификуван стручен кадар за овој регион, кој ќе кореспондира со потребите на пазарот на трудот.
„По направените анализи и по завршувањето на овие дебати ќе се добие реална слика за потребите од нови профили на кадри, како и потреба да има доквалификување на постоечките во овие гранки од бизнис-секторот каде што е потребно. За ова прашање голема е улогата на стопанските комори, кои всушност треба да бидат поврзување на образованието со бизнис-секторот“, изјави Јанчев.
Локалната самоуправа на Неготино веќе стапила во контакт со голем дел од компаниите со цел да добие јасна визија каде треба да се движи општината во делот на образованието, рече градоначалникот Делков, укажувајќи дека ваквото предвремено увидување на потребите на бизнис-секторот ќе даде плод во наредните години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Засадиле 100 семки канабис на нива во Пчиња, ОЈО отвори истрага

Започнати се постапки против дилери на марихуана во Велес и во Скопје, информираат вечерва од Јавното обвинителство. Јавните обвинители до надлежните судови доставиле предлози за определување мерка – притвор за сите тројца осомничени.
– Основното јавно обвинителство – Велес донесе наредба за спроведување истражна постапка против две лица за кривично дело – неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Двајцата осомничени – соизвршители, во периодот од март до септември годинава, во атарот на велешкото село Карабуниште, неовластено произведувале марихуана. Засадиле 100 семки канабис на нива во месноста викана Пчиња, од кои изникнале 80 растенија што ги одгледувале и ги наводнувале, појаснуваат од Обвинителството.
На 27 септември, осомничените биле затекнати од полициски службеници додека собирале цвет од канабис.
– На лице место биле пронајдени машини за одвојување на цветот од стеблото, три пластични кофи со вкупно над четири килограми марихуана и повеќе вреќи со стебла од канабис, додаваат од Обвинителството.
За истото кривично дело и Основното јавно обвинителство – Скопје отворило истрага против едно лице, за кое во соопштението се наведува дека неовластено произведувало и држело за продажба наркотична дрога – марихуана.
– Во дворот на осомничениот на улицата „Кадињача“ во Скопје, полицијата пронашла две растенија канабис што ги одгледувал, а од домот биле одземени и 38 паковки со вкупно околу 30 грама марихуана и една дигитална вага со траги од канабис и кокаин, истакнуваат од Обвинителството.
Македонија
Филипче: Гласот за СДСМ е одлука за решавање на маката на луѓето, СДСМ не лаже

Лидерот на СДСМ Венко Филипче во своето излагање на денешната Конвенција за промоција на кандидатите за градоначалници и советници истакна дека партијата е обединета околу воспоставување на вредносен систем во кој патриотизмот и достоинството не се злоупотребуваат за партиски рејтинг, туку значат обезбедување безбедни, чисти и здрави средини за македонските граѓани, како и секојдневна грижа за тоа како животот на сите ќе биде подобар.
-Денес стоиме со јасна порака, ова е момент на нов почеток, рече Филипче на Конвенцијата за промоција на кандидатите за градоначалници и советници за локалните избори 2025 година.
Како што посочи, Македонија не смее да биде дом на малкумина, туку дом на сите.
-Секој глас е важен. Нашиот избор е борба за нашиот дом. Ова е наш дом и ова е наша борба. Македонија не е и не смее да биде дом на малкумина, туку дом за сите. Македонија нема да биде дом каде ние, домаќините, ќе бидеме безгласни, без право на одлука, без право на достоинствен живот во домот. Нашиот дом е нашата Македонија, но и нашата партија, а нашите вредности се темелите на тој дом. И тие темели ќе ги чуваме и јакнеме, рече денеска Филипче.
Тој потенцирање дека борбата за тоа каков дом сакаме, почнува од сега. Притоа правејки паралела за развојот и напредокот со СДСМ и очигледниот застој со ВМРО-ДПМНЕ.
-Ако се откажеме сите, тогаш иднината ќе ја оставиме во раце на оние кои ја водат земјата назад, во темнината на корупцијата и стравот. Ако пак застанеме заедно, можеме повторно да ја изградиме Македонија како наш заеднички дом. Ние не сме совршени, но сме оние што ја носат државата и граѓаните кон јасна иднина и кои се грижат за реалните проблеми, рече Филипче на Конвенцијата.
Тој исто така порача дека постои нешто поголемо од партијата, а тоа е заедничкиот дом, државата во која сите живеат сите граѓаните. Затоа гласот за СДСМ е одлука за решавање на маката на луѓето, затоа рече Филипче, СДСМ е онаа која не се повлекува во криза, не лаже, туку се соочува со проблемите.
„Вашиот глас е штит за вашето семејство, за вашите права и за вашата иднина“, порача Филипче.
Македонија
Романец осомничен за тешка кражба во Скопје

Основното јавно обвинителство Скопје поведе постапка против романски државјанин, осомничен дека во Скопје извршил кривично дело – Тешка кражба според член 236 став 1 точка 3 од Кривичниот законик.
Осомничениот 41-годишник делото го извршил на 21 март, во Ѓорче Петров, кога на дрзок начин и со сила одзел златен ланец со крст од еден оштетен, тргајќи му го од вратот. Потоа почнал да претура по полицата од дневната соба, ја отворил фиоката и одзел 2.500 денари. Така осомничениот се стекнал со вкупна противправна имотна корист во износ од 11.500 денари, по што веднаш се дал во бегство.
Имајќи предвид дека станува збор за странски државјанин без регулиран престој во државава, јавниот обвинител оцени дека постои опасност од бегство и до Судот достави предлог за определување мерка притвор.