Македонија
Ценовска-Серафимовска: Концептот „Парите назад кај граѓаните“ СДСМ го реализира веќе шеста година
Започна исплатата на средствата од МојДДВ што од ова тромесечје е со зголемен лимит на 2.100 денари по корисник. Овие денови на сметките на корисниците на апликацијата МојДДВ ќе завршат околу 10 милиони евра, пари што државата директно ги исплаќа кон граѓаните, рече на денешната прес конференција Мелиса Ценовска-Серафимовска, членка на ЦО на СДСМ.
МојДДВ е една од најуспешните мерки од концептот Парите назад кај граѓаните, што СДСМ го реализира веќе шеста година, додаде таа.
-Како дел од таквиот концепт е постојаниот раст на минималната плата која денес изнесува 20.175 денари, рекордниот раст на пезниите кои во март оваа година се зголемија за 8,4 отсто, додека гарантираната минимална помош ја зголемивме за 300 отсто во споредба со 2017 година. Истовремено, обезбедивме и повеќе пари за студентски оброк, зголемени се и воведени се нови стипендии за студентите и учениците, а го зголемивем опфатот на деца кои добиваат детски и образовен додаток. Субвенциите за земјоделците исто така се зголемени и се исплаќаат и пред време за да дојдат кај земјоделците тогаш кога им се најпотребни. Нема категорија на граѓани, за која СДСМ не покажала вистинска грижа преку конкретни и остварливи мерки и политики, рече Ценовска-Серафимовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одземен имунитетот на судијата Наќе Георгиев, Обвинителството отвори истрага и против Мемети, но за него не се бара притвор
Обвинителството отвори истрага за врховниот судија Наќе Георгиев и за членот на Советот на јавните обвинители, Иџет Мемети, кои се сомничат за примање награда за противзаконито влијание.
Од тука информираа дека акцијата за апсење на Георгиев следувала по пријава од син на обвинет во предмет што се води во Основното јавно обвинителство за гонење организиран криминал и корупција.
Обвинителството објави дека донесена е наредба за спроведување истражна постапка за судијата и уште за едно лице за кои постои основано сомнение дека сториле кривично дело примање награда за противзаконито влијание од член 359 од Кривичниот законик.
Денеска, Основниот суд ќе одлучува за притворот за врховиот судија, а во однос на Мемети засега, според доказите, нема основа да се предложи притвор.
„Според сознанијата добиени од пријавителот, првоосомничениот, користејќи ги службената положба и претпоставеното влијание, лажно ветувал погодности за обвинетиот (татко на пријавителот) во друга постапка што се води пред Основното јавно обвинителство за гонење организиран криминал и корупција и лажно прикажале дека ќе извршат влијание заедно со второосомничениот. Предметниот обвинител, вчеравечер, покрај предлозите за претрес на повеќе локации, ценејќи дека се исполнети условите до Основниот кривичен суд Скопје, достави и предлог за определување на мерката притвор за првоосомничениот. Со оглед на тоа што станува збор за судија во највисокиот суд во државата – Врховниот суд, кој ужива имунитет, а кој е фатен in flagranti во извршување на кривичното дело, предлогот преку Основниот кривичен суд е доставен на одлучување до Судскиот совет на РСМ, кој во текот на ноќта му го одзеде имунитетот, по што денеска Основниот кривичен суд Скопје ќе одлучува за предложената мерка“, велат од Обвинителството.
Како што се додава, прибраните докази и извршените претреси до овој момент даваат законска основа на предметниот јавен обвинител да предложи притвор само за врховиот судија, кој бил затекнат при извршување на кривичното дело.
Во однос второосомничениот, како што информираат од Обвинителството, до овој момент доказите не даваат основи за да се предложи најстрога мерка за обезбедување. Истрагата продолжува до целосна проверка на сите околности и наводи.
Синоќа, по наредба на судија на претходна постапка, беше извршен претрес во домот на членот на Советот на јавните обвинители, Иџет Мемети, во Тетово и претрес во службените простории на Советот на јавните обвинители.
Македонија
МВР утврди неправилности: забавниот парк со панорамско тркало во Карпош ќе биде отстранет
Постапувајќи по допрен глас дека во Скопје, на подрачјето на општина Карпош, поточно пред спортскиот центар „Борис Трајковски“, без соодветни документи и потребни дозволи се поставени реквизити за забавен парк, меѓу кои и панорамско тркало, полицијата излезе на самото место и презема конкретни соодветни мерки и активности од делокругот на својата надлежност и овластувањата.
„Од страна на инспекциските служби поведена е постапка за констатираните неправилности по што ќе бидат преземени конкретни мерки во насока на нивно отстранување, престанување со вршење на активноста, како и дислоцирање на реквизитите“, информираа од МВР.
За случајот викендов алармира Град Скопје, од каде што беше истакнато дека фирмата „Дизниленд реквизити“ од Чаир, регистрирана пред само еден месец, без соодветни документи и дозволи, без потребна документација, која гарантира безбедност, монтира панорамско тркало и други реквизити во Карпош пред „Борис Трајковски“.
„Град Скопје во рамките на своите надлежности изврши надзор, презема мерки и го казни правното лице, но тој сепак насилно продожува да работи. Ги повикуваме надлежните институции и апелирам да постапат во најкус можен рок бидејќи се доведува во прашање безбедноста на децата и на сите други посетители поради практицирањето на ваквото самоволие“, повикаа од Градот.
Македонија
Претрес и кај Иџет Мемети во случајот со барањето поткуп
Синоќа, по наредба на судија на претходна постапка, извршен е претрес во домот на членот на Советот на јавните обвинители, Иџет Мемети, во Тетово и претрес во службените простории на Советот на јавните обвинители.
Претресот е поради сомнеж дека Мемети заедно со врховниот судија Наке Горгиев имал влијание злоупотребувајќи ја позицијата член на Советот на јавните обвинители во случајот барање мито за олеснителни околности.
Мемети е и поранешен министер за правда, уставен судија, државен советник во Владата и член на Државната изборна комисија.
Судијата Наке Георгиев вчера беше приведен кога бил фатен со мито.