Македонија
ЦУК: Активни пожари на отворено до утрово нема, на 112 имало 1.463 повици
Пожари на отворен простор во претпоследното деноноќие немаше, најверојатно поради влажното и врнежливо време, но пожарникарите сепак имаа работа во урбаните средини, според извештаите во Секторот за операции и координација (СОК), во Центарот за управување со кризи ЦУК добиени од неговите регионални центри и од институциите во државата од Системот за управување со кризи (СУК). Активни пожари на отворено нема утрово.
„Во Скопско и во Охридско пожарникарите имале по една помала интервенција на отворено. Во Тетовско, во периодот од 18.40 до 20.15 часот, со едно противпожарно возило и шест пожарникари, гаснеле запален покрив на ресторан во Тетово, и пожарникарите од ТППЕ Гостивар, во периодот од 16.20 до 17.10 часот. со две противпожарни возила и шест пожарникари. интервенирале на запален подрум на куќа во центарот на Гостивар“, известува ЦУК.
Според последниот извештај на секторот Е-112 во ЦУК на единствениот број за итни случаи до изминатото деноноќие најмногу повици биле упатени кон Полицијата (50,99 %) и Итната медицинска помош (41,58 %) од повиците за итни случаи. Другите повици биле упатени кон територијалните единици за противпожарна заштита, АМСМ, а ЦУК ги (од 3 до 10 % најчесто) решавал, ги координирал итните случаи за комбинирано дејствување, при што било потребно координирано да интервенираат и многу комунални и други претпријатија на општините и од други институции, служби и фирми, што се дел од СУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

