Македонија
ЦУК: Вчера пожарникарите и пилотите гаснеа 39 пожари, еден сè уште е активен
Во текот на вчерашниот ден противпожарните тимови интервенирале на 39 пожари вкупно на отворен простор и 38 изгаснале, некаде заеднички – здружени од повеќе општини, а и со помош од месните жители, како и со воздухопловна поддршка од ДЗС и МВР, според извештаите во Секторот за операции и координација во Центарот за управување со кризи (ЦУК), добиени од институциите на Системот за управување со кризи (СУК).
Како што извести ЦУК, утрово активен сè уште е еден пожар, во општина Македонски Брод, во пределот над селото Белица, каде што гори ретка борова шума на тешко пристапен терен.
При вчерашните 39 пожари на територијата на целата држава гореле сува трева, ниска вегетација, деградирана, а и мешана и квалитетна борова шума, лозја, овоштарници, капини, депонии, отпадоци и слично.
„Еден од посериозните пожари на отворено беше меѓу Лозово, Велес и Свети Николе, поради што, уште вчера рано утрото, директорот на ЦУК, Стојанче Ангелов, ангажира и авиони при координацијата на барање на градоначалникот на Лозово. На теренот дуваше силен ветер поради што храбрите пожарникарските тимови од три страни – општини со пожарот се бореа со воздухопловна поддршка од еден хеликоптер на МВР и два авиона на ДЗС, што Ангелов ги упати да гаснат запалена квалитетна борова шума. Дежурните противпожарни тимови, поради метеоролошките ветровити услови и природата на вегетацијата, дури и по локализирањето на пожарот, во текот на ноќта до утрото, догаснувале на местата каде што ќе се појавело жариште“, соопшти ЦУК.
Најголема бројка пожари имало во општина Куманово: 13 вкупно и сите се изгаснати.
Изгаснатите 38 пожари од 39-те вчерашни во државата биле во:
– Општина Арачиново, кај село Арачиново (каде што гореле отпадоци и сува трева);
– Општина Бутел, кај хотелот „Њу Стар“, село Визбегово (депонија);
– Општина Гази Баба, три пожари, село Трубарево (сува трева), ппокрај автопат Скопје – Велес (сува трева) и Депонија Вардариште (ѓубре);
– Општина Сарај, два кај село Кондово (мешана шума, грмушки и трева) и повторно кај село Кондово (шума);
– Општина Илинден, два, село Ајватовци (сува трева) и село Бучинци (стрниште);
– Општина Ѓорче Петров, кај Обиколница Волково (сува трева);
– Општина Студеничани, село Драчевица (мешана шума);
– Општина Струмица, село Баница (ѓубре);
– Општина Босилово, меѓу село Петралинци и село Ѓечерлија (лозје и необработливо земјоделско земјиште);
– Општина Василево, село Добрашинци (капини);
– Општина Радовиш, село Воиславци (ореви, капини и сува трева);
– Општина Охрид, село Косел (ѓубре);
– Општина Велес и Лозово, на просторот меѓу село Иванковци, село Мамутчево и село Милино (сува трева, трње, стрниште и борова шума);
– Општина Лозово, село Каратманово – село Милино (борова шума);
– Општина Свети Николе, село Немањици (стрниште и сува трева);
– Општина Кавадарци: село Сирково (сува трева);
– Општина Кочани, три, кај село Чифлик, село Теранци и кај село Борилчево (сите стрништа и сува трева);
– Општина Куманово, 13 пожари, кај село Шупли Камен (сува трева) населба „Карпош“ (сува трева), село Тромеѓа (сува трева), село Пчиња (стрниште и сува трева), село Љубодраг – село Романовце (стрниште и сува трева), село Шупли Камен – село Клечовце (сува трева), Амбар Маало (стрниште и сува трева), село Агино Село (сува трева), село Романовце (стрниште), кај Спомен Костурница (стрниште и сува трева), Авто сервис „Висто“ (сува трева); покрај улица „Јоско Илиевски“ (сува трева) и кај село Пчиња (стрниште).
– Општина Липково, село Никуштак (стрниште и сува трева) и во
– Општина Старо Нагоричане, село Старо Нагоричане (нискостеблеста шума, стрниште и сува трева).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претежно облачно со повремени локални врнежи од дожд
Претежно облачно со повремени локални врнежи од дожд. Наместа врнежите ќе бидат пообилни (над 30 l/m² за 24 часа), локално со услови за невреме со засилен ветер (над 60 km/h) и појава на ретки грмежи. Ќе дува умерен до засилен ветер од јужен правец. Минималната температура ќе биде во интервал од 6 до 11, а максималната ќе достигне од 13 до 18 степени.
Во Скопје, облачно со повремени врнежи од дожд, во делови од котлината повремено пообилни. Ќе дува умерен, во делови од котлината повремено засилен јужен ветер. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на серија влажни воздушни бранови до крајот на седмицата следува период на променливо облачно и релативно топло време со повремени локални врнежи од дожд. Наместа врнежите ќе бидат пообилни, локално со услови за невреме со засилен ветер (над 60 km/h) и ретки грмежи. Во текот на 24 часа се очекува да наврне поголема количина дожд (над 30 l/m2). Ќе дува умерен до засилен ветер од јужен правец.
Македонија
Пратениците на СДСМ утре ќе поднесат предлог за надзорна расправа и Анкетна комисија за Кочани
Пратениците на СДСМ и Коалицијата утре ќе поднесат предлог до Собранието за надзорна расправа и формирање посебна Анкетна комисија за целосно и независно испитување на трагедијата во „Пулс“ објави претседателот на СДСМ, Венко Филипче повикувајќи ги сите пратеници да ги поддржат.
„Пратениците на СДСМ и Коалицијата ги поддржуваат барањата на семејствата на загинатите и повредените во Кочани и утре ќе поднесат предлог до Собранието за надзорна расправа и формирање посебна Анкетна комисија за целосно и независно испитување на трагедијата во „Пулс“, за утврдување на вистината и одговори на сите прашања.
На денешната координација на пратеничката група на СДСМ и раководството на партијата оценивме дека ова се неопходни чекори за проверка на постапувањето на сите институции, утврдување на политичка одговорност, како и подготовка на понатамошни мерки и решенија за вакви трагедии никогаш повеќе да не се случат во Македонија.
Ги повикувам сите пратеници од сите политички партии да ги поддржат овие иницијативи во македонското Собрание.“ стои во објавата.
Македонија
Минчев во Рим: усвоена новата декларација за реформи на јавната администрација во Западен Балкан
Министерот за јавна администрација, Горан Минчев, учествуваше на 17. седница на Управниот одбор на Регионалното училиште за јавна администрација (ReSPA) на министерско ниво, која се одржа во рамките на конференцијата „Партнерство за реформи: Министерски дијалог Западен Балкан – Италија“ во Рим, Италија.
На седницата беа презентирани и усвоени Годишниот извештај за периодот од 19 октомври 2024 до 19 октомври 2025, кој ги акцентира постигнувањата во реформите на јавната администрација, како и Буџетот за 2026–2027 година, кој обезбедува континуитет во активностите и поддршката за земјите од регионот.
Изгласана беше и Министерската декларација за реформа на јавната администрација, која потврдува заложбата за регионална соработка.
Оваа година декларацијата се фокусира на модернизација, дигитализација и унапредување на соработката со земјите членки на ЕУ.
Седницата заврши со предавање на претседателството на Управниот одбор на ReSPA беше свечено од министерот за јавна администрација на Црна Гора, Мараш Дукај, на министерката за јавна администрација и локална самоуправа на Србија, Снежана Пауновиќ.
Во рамките на оваа значајна регионална иницијатива, министерот Минчев со своето учество повторно ја потврди континуираната поддршка на Република Македонија за унапредување на реформите во јавната администрација, зајакнување на регионалната соработка и интеграцијата во европските административни стандарди.

