Македонија
ЦУК: Изгаснати 28, активни три пожари

До 08:00 часот, на територијата на Македонија имаше вкупно 33 пожари на отворен простор, од кои активни се три пожари, под контрола се два, а изгаснати се 28 пожари, соопшти Центарот за управување со кризи.
Активни се пожарите во Општина Македонски Брод, поточно во Јасен каде гори мешана шума, во Општина Сарај, поточно во Радуша кон с. Дворце каде гори ниска вегетација и во Општина Македонски Брод во село Крапа каде гори ниска вегетација и нискостеблеста шума.
Под контрола се пожарите во во атар на с. Нерав, место викано Биљино и во село Челопеци.
ИЗГАСНАТИ: 28
1. Општина Чешиново-Облешево: с. Чешиново (ниска вегетација)
2. Општина Куманово 1: нас. „Дива населба“ во близина на салонот „ДУЛИ“ (ниска вегетација)
3. Општина Јегуновце 1: с. Прељубиште (ниска вегетација)
4. Општина Јегуновце 2: с. Јанчиште кај црквата (ниска вегетација)
5. Општина Јегуновце 3: с. Копанце (ниска вегетација)
6. Општина Јегуновце 4: с. Орашје (ниска вегетација)
7. Општина Јегуновце 5: с. Озорниште (дива депонија)
8. Општина Куманово 2: с. Оризаре (ниска вегетација)
9. Општина Куманово 3: с. Табановце (ниска вегетација)
10. Општина Липково: с. Никуштак (ниска вегетација и мешана шума)
11. Општина Радовиш: с. Прналија (ниска вегетација и меѓи)
12. Општина Ново Село: с. Старо Коњарево (ѓубриште)
13. Општина Долнени 1: с. Секирци (ниска вегетација и трски)
14. Општина Долнени 2: с. Пешталево (ниска вегетација и стрништа)
15. Општина Прилеп: с. Големо Коњари (ниска вегетација и стрништа)
16. Општина Кривогаштани: во атар на с. Обршани (ниска вегетација)
17. Општина Брвеница: потег од с. Теново кон месноста Света Недела (ниска вегетација и зимзелени дрва)
18. Општина Брвеница: с. Милетино (ниска вегетација)
19. Општина Струга 1: Струшко Поле (стрниште)
20. Општина Струга 2: с. Калишта (ниска вегетација)
21. Општина Гостивар 1: с. Градец (ниска вегетација)
22. Општина Гостивар 2: ул. ЈНА (дрвја)
23. Општина Гостивар 3: с. Мердита (дрвја)
24. Општина Врапчиште: с. Сенокос во правец кон с. Горјане (ливади)
25. Општина Велес: с. Црквино (ниска вегетација)
26. Општина Битола: с. Гопеш (ниска вегетација)
27. Општина Арачиново: с. Орланци (ниска вегетација и мешана шума)
28. Општина Сарај: с. Свиларе (ниска вегетација и мешана шума)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло со мала до умерена облачност, максималната температура до 33 степени

Времето денеска ќе биде сончево и топло со мала до умерена облачност. Ќе дува слаб до умерен ветер од јужен правец. Минималната температура ќе биде во интервал од 7 до 14, а максималната ќе достигне од 28 до 33 степени.
Во Скопје, сончево и топло со мала до умерена облачност. Ќе дува слаб јужен ветер. Минималната температура ќе се спушти до 13, а максималната ќе достигне до 33 степени.
Времето во наредните денови
Во четврток попладне ќе има услови за изолирана појава на краткотраен дожд и ретки грмежи. Од петок под влијание на серија влажни воздушни маси времето ќе биде претежно облачно и посвежо со повремени врнежи од дожд кои локално ќе бидат обилни. Дневната температура значително ќе опадне, особено во деновите од викендот и почетокот на следната седмица.
Македонија
Граѓаните плаќаат за чиста средина, а не за депонии и ѓубришта: Митески најави кривична против ЈП „Комунална хигиена“доколку не реагира за отпадот

Комуналните служби на Општина Аеродром само денеска собраа над 10 тони отпад (50м3) кои завршија во „Дрисла“, соопшти в.д. градоначалникот на Општина Аеродром, Дејан Митески.
„Ова не е еднократна акција – ова е наша секојдневна работа. Нашите општински служби се на терен, додека Градското комунално претпријатие кое треба да ја изврши оваа работа, е неажурно и немо. Доста е“.
Граѓаните, додава тој, плаќаат за чиста и уредна средина, а не за депонии и ѓубришта. Напоменува дека никој нема право да го загрозува здравјето и иднината на децата.
„Од утре продолжуваме уште поинтензивно.
Ако нема веднаш реакција од ЈП „Комунална хигиена“, како градоначалник ќе поднесам кривична пријава за загрозување на животната средина согласно член 218 од Кривичниот законик, и секојдневно ќе барам постапување од Обвинителството и МВР“, објави Митески.
Ова, како што истакна, не е политика, туку прашање на достоинство, здравје и иднина.
Македонија
Мицкоски: Народот е обединет и сплотен, не очекува убедлива победа за подобро и поубаво Сопиште

Лидерот на ВМРО-ДПМНЕ и премиер Христијан Мицкоски денеска присуствуваше на промоцијата на кандидатурата на Јане Мицевски за градоначалник на Општина Сопиште, како и на кандидатите за советници од ВМРО-ДПМНЕ и коалицијата.
„Народот е обединет и сплотен, не очекува убедлива победа за подобро и поубаво Сопиште.
Ветуваме реализација на многу проекти кои ќе ја подобрат инфраструктурата, ќе создадат нови можности за младите и ќе придонесат за економски развој и модернизација на општината. Заедно, со посветеност и транспарентност, ќе изградиме Сопиште какво што сите го посакуваме.
Јане Мицевски е вистинскиот избор за Сопиште“, објави Мицкоски.