Пратеникот на ВМРО-ДПМНЕ, Петар Марков, денеска најави дека 55 илјади студенти ќе добијат ваучери од 250 евра (15.300 денари) за набавка на лаптоп или таблет.

Средствата, во вкупен износ од 850 милиони денари, ќе бидат обезбедени од државниот буџет.

Марков изјави дека целта е да се намали дигиталната нееднаквост и да се инвестира во образованието. Ваучерите ќе бидат наменети за студентите до 29 години, а ќе се користат од следната учебна година. Средствата нема да се враќаат.

Додека Данела Арсовска мисли дека се занимава со висока политика и им слугува на ДУИ и СДС, половина Скопје нема вода. Додека Арсовска не може да стане од скутот на ДУИ и СДС, ЈП „Водовод“ праќа соопштенија дека граѓаните треба да пијат помалку вода затоа што е лето и, најверојатно, сите пијат повеќе, реагираат од ВМРО-ДПМНЕ.

Жално е, додаваат од оваа партија, до кое дереџе Данела Арсовска го донесе градот.

„Веруваме дека на Арсовска ѝ е удобно во прегратките на ДУИ и СДС, каде што треба да одработува секакви работи, само не она што ѝ е работа, но доколку 4 години се занимаваше со водоводната мрежа и со нејзино обновување, не само што ќе немаше проблем со притисокот туку немаше да ги има и големите загуби што ги има сега.

Министерот за внатрешни работи Панче Тошковски потврди дека една од општините во која вчера е влезено од страна на Одделот за организиран криминал е Општината Чаир. Рече дека полициските службеници влегле и во Сарај и Аеродром, а ќе се прегледува работата и во Општина Кисела Вода.

„Сакам да напоменам дека ова се секојдневни активности на МВР. Не е дека јавноста има интерес и се постапува. Ова се тековни активности по кои се постапува секојдневно“, рече Тошковски одговарајќи на новинарско прашање за дивоградбите.

Прашан од новинарите што е следно, дали дивоградбите ќе се рушат, Тошковски изјави дека мора да се постапи во согласност со законот.

„Ако се утвтрди дека се работи за дивоградба и тоа претставува проблем за безбедноста на граѓаните, секако дека треба да биде предмет на уривање“, рече министерот.