Македонија
Чистење на каналската мрежа во општина Илинден

Во рамките на проектот на Општина Илинден – „Чистење, нивелирање и одржување на отворените одводни канали“, континуирано се врши машинско и рачно чистење на отворените одводни канали што се наоѓаат на територија на општината во должина од 120 километри, а се дел од хидромелиоративниот систем „Скопско Поле“.
Во Кадино извршено е машинско чистење на секундарниот канал „Азмак“ во должина од 1.600 метри. Истовремено, со цел зафаќање на атмосферските води крај главната сообраќајница што води низ ова населено место (ул. 2, ул. 11, локален пат Кадино-Мралино и локален пат Кадино-клучка автопат А-4) комплетно е исчистена терцијална каналска мрежа во должина 2.000 метри, при што во зависност од потребите се формирани и нови канали за одведување на атмосферските води, а се поставени и соодветни цевчести пропусти. Со ова, покрај обезбедувањето проточност на каналите, се заштитува инфраструктурата и се подобрува и безбедноста на сообраќајот во овој дел од општината, со што се овозможува побрза и побезбедна комуникација.
Поради рамничарскиот терен на кој се наоѓа oпштина Илинден, подложен на покачување на нивото на подземните води, локалната самоуправа интензивно и континуирано работи на одржување на главните, секундарните и на терцијарните одводни канали со кои се овозможува зафаќање и непречен проток на атмосферските води и високите подземни води. Обезбедувањето на проточност на каналската мрежа е процес на континуирано и долгорочно системско работење, уредување, нивелирање, чистење и одржување на каналите, со што се спречува настанувањето поплави и се обезбедува подобра животна средина, која е еден од условите за квалитетен живот на населението.
Благодарение на редовното континуиирано одржување, каналската мрежа во општина Илинден нормално функционира прифаќајки ги водите по обилните дождови во изминатите денови, кои создадоа проблеми во повеќе делови од државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Митева: Одморалиштето Пониква се става на располагање за рехабилитација на повредените од Кочани

Владата во текот на следната недела ќе донесе одлука со која одморалиштето Пониква, кое е во сопственост на Министерството за внатрешни работи, ќе се стави на располагање на Министерството за здравство, за да се користи како објект за продолжена медицинска нега и рехабилитација, информира денеска на прес-конференција владината портпаролка Марија Митева.
Таа истакна дека одморалиштето Пониква располага со 27 соби и 56 легла, лоцирано е во природна и мирна средина, што го прави исклучително погоден простор за пациентите кои се веќе во фаза од лекувањето во која е неопходна физикална и работна терапија.
„Станува збор за пациенти кои се веќе стабилизирани, но кај кои постои реална потреба за понатамошен третман, се со цел да се спречат и намалат долгорочните последици од изгорениците, како и други можни компликации коишто се поврзани со подолготрајното лекување“, рече Митева.
Појасни дека во моментот се работи на детален оперативен план за распределба и згрижување на пациентите, во соработка со Министерството за здравство и медицинските тимови, кои ќе ја понесат својата опрема во одморалиштето Пониква и ќе обезбедат континуирана медицинска нега директно на терен.
„Ќе се направи план пациентите да бидат распределени во неколку групи и циклуси на терапија, се со цел да се овозможи персонализиран пристап кон секој поединечен случај, во согласност со препораките на лекарите“, кажа Митева.
Покрај медицинската грижа, оваа мерка има и важен психолошки и социјален аспект, потенцира портпаролката и додадека дека „овозможувањето на престој во ваков тип на објект ќе придонесе за меѓусебна поддршка помеѓу пациентите и подобрување на нивната психо-емоционална состојба“.
„Според медицинските проценки, пациентите не смеат да бидат изложени на директно сонце и високи температури, а истовремено, не треба да се соочуваат со дополнителен физички и логистички напор. Затоа, Пониква ги нуди сите предуслови за ваков тип на згрижување. Очекуваме во најкус можен рок да ги завршиме сите овие процедури и институционално да ги донесеме овие одлуки, медицинскиот кадар да контактира со сите пациенти, по што ќе започне сместувањето и спроведувањето на терапиите, согласно веќе утврдениот план“, рече Митева на прес-конференцијата.
Македонија
(Видео) Илиевски: МВР набавува сомнителен софтвер за прислушкување

На почетокот на мај оваа година МВР потпишало Договор за набавка на софтвер кој се користи за прислушкување и шпионажа на телефонските уреди, рече денеска на прес-конференција Методија Илиевски, потпретседател на СДСМ.
„Дали следењето и прислушкувањето новинари, активисти и политички неистомисленици се таргет на МВРО-ВМРО? Софтверот “Селебрајт Инсајтс Про” како и “НовиСпај” се алатки развиени за потребите на српската Безбедносно информативна агенција. Проблематично е тоа што во светските медиуми и официјални соопштенија на Гугл, за овој софтвер се наведува дека бил користен за следење на новинари и активисти. “Амнести интернешнл” во својот извештај објави целосно истражување и форензички резултати за овие случувања. Сега МВР набавува годишна лиценца за софтвер Cellebrite Inseyets Online Pro, годишна лиценца за Recon ITR, Recon Lab, Exterro FTK Enforcement Bundle за 9 милони денари“, истакна Илиевски.
Според него, „ова се скандалозни и загрижувачки информации“.
„Зошто МВР го избра најсомнителниот софтвер, познат по низа скандали и незаконско следење? Ќе се прислушкува ли повторно „на големо“ и тоа без соодветни одобренија од правосудните органи? Ќе има ли кој да контролира и како би се контролирало недозволено следење, снимање, упад во комуникациите на граѓаните? МВР должи одговори на јавноста“, нагласи Илиевски.
Македонија
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС

Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки на фирми директно на Заев, а кои имаат тесна врска со Венко Филипче, рече денеска на прес-конференција Бране Петрушевски, пратеник на ВМРО-ДПМНЕ.
„Имено фирмата која му го купила луксузниот џип на Филипче, Зобек мининг груп продавала јаглен на ЕСМ по цена од 82 евра, а го купувала за 30-тина. Разликата во цена никогаш не влегла во Македонија. Зобек мининг груп уште во Грција за наводен ископ на јаглен исплатила 9 милиони евра кон фирмата на Заев во Бугарија, Гомасидра. Оваа фирма на Заев е регистрирана на истата адреса во Петрич, Бугарија, како и фирмата на Венко Филипче, „Пауер ај 8“(POWER i8 Ltd)“, кажа Петрушевски.
Според него, „овде има и законска и морална дилема и проблем“.
„Додека Заев и Филипче велеле дека немаат врска со државни тендери, тие всушност биле во милионска шема со државни тендери. Ова почитувани е скандал за кој ЈО мора веднаш да отвори постапка и да реагира. Милиони евра завршиле во фирми на Заев, блиски до Филипче само од еден тендер. Одговорност мора да има“, вели Петрушевски.