Македонија
Членството на СДСМ гласа за претседател, Заев е единствениот кандидат
Зоран Заев е кандидат за претседател на СДСМ, а 80.000 членови со право на глас ќе можат да гласаат денеска на првите директни внатрепартиски избори, соопшти владејачката партија.
Изборите ги спроведува Централна изборна комисија во 80 општински ораганизации. Има 80 Општински изборни комиси и 237 Избирачки одбори, а ќе се спроведат на исто толку избирачки места.
Од СДСМ претходно истакнаа на јавниот повик за поднесување кандидатури за претседател на кој можеше да се пријави секој член кој ги исполнува условите согласно Правилникот, немало други пријавени освен актуелниот партиски претседател и премиер, Зоран Заев.
„Поради тоа што немаше други пријави, Централната изборна комисија донесе Одлука за прифаќање на пријавата за кандидатурата на Зоран Заев, ја утврди и ја објави единствената листа на кандидат за претседател на СДСМ, а тоа е Зоран Заев“, посочија од СДСМ.
Тој ќе ја бара довербата во членството со програмата „Нова политика“ – базирана на пет клучни столба. Се најавува сериозна реформа на досегашната кадровска понуда. Втора точка е ангажирање на сите можни капацитети во борбата против корупцијата и криминалот. Понатаму, охрабрување за поинакво мислење и почитување туѓи ставови, градење на СДСМ за новото време, и како петта точка се наведува поттикнување и кревање на мотивацијата на граѓаните.
Секој член на СДСМ, кој активно се регистрирал, ќе има можност да гласа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претпладне студено со магла, преку денот променливо облачно
Утрото ќе биде студено со појава на магла по одделни котлини, а преку денот променливо облачно со сончеви периоди во источните делови. Ќе дува слаб променлив ветер. Минималната температура ќе биде во интервал од -8 до 1, а максималната ќе достигне од 3 до 11 степени.
Во Скопје претпладне студено со појава на магла, преку денот променливо со мала до умерена облачност. Минималната температура ќе се спушти до -5, а максималната ќе достигне до 3 степени.
Времето во наредните денови
Ќе преовладува променливо облачно време со појава на утринска магла понекаде во котлините. Утринските температури ќе бидат претежно околу нулата, а дневните во делови од земјата ќе надминуваат 10 степени. Локални врнежи од дожд, а на планините од снег ќе има во вторник, а потоа се очекуваат и на крајот од неделата.
Македонија
Магла на неколку патни правци
Сообраќајот на државните патишта се одвива во зимски услови, по наместа влажни коловози. Намалена видливост поради магла од 30 до 50 метри Прилеп и Македонски Брод, 50 до 70 метри Струмица и Берово и на патниот правец Тетово – село Гајре, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја делови од Аеродром и Сарај
ЕВН Македонија извести дека на 20.01.2024 година ( понеделник ) без електрична енергија ќе останат:
– од 09:00 до 15:00 часот корисниците од Лисец, објектите во близина на игралиштето, по должина на улицата. (опш.Аеродром)
-од 09:00 до 15:00 часот корисниците од с.Буковоќ, с.Ласкарци, с.Раовиќ, .с.Паничари (опш.Сарај)