Македонија
Шекеринска денеска и утре на состанок на министри за одбрана на НАТО

Министерката за одбрана, Радмила Шекеринска, денеска и утре преку видеоконференциска врска ќе учествува на состанок на Северноатлантскиот совет на НАТО, на ниво на министри за одбрана.
Министрите за одбрана на 30 земји сојузници во НАТО на денешната сесија на Северноатлантскиот совет ќе разговараат за мерките за поддршка на цивилните напори за спречување на ширење на вирусот Ковид-19 и сојузничката солидарност. Со обезбедувањето на НАТО-пакетот во вредност од 1,4 милиони евра за 60 респиратори и дополнителна медицинска опрема, уште еднаш беше потврдена сојузничката солидарност кон нашата земја.
Министрите за одбрана ќе разговараат за напредокот во напорите за зголемување на буџетите за одбрана и заедничкото споделување на товарот. Бројките говорат дека кај најголем број од сојузниците буџетите растат веќе шест последователни години. Истиот тренд го има и буџетот за одбрана на Северна Македонија. Тоа го потврди и премиерот Зоран Заев при посетата на седиштето на НАТО во Брисел овој месец, каде што рече дека остануваме решени да го зголемуваме буџетот за одбрана и да постигнеме 2% од БДП до 2024 година.
На состанокот министрите за одбрана на земјите членки на НАТО ќе се изјаснат за воспоставување вселенски центар во Рајмштајн, Германија, за подобра сателитска и воена комуникација.
Утрешната, втора работна сесија ќе биде посветена на НАТО-мисиите и мировните операции во Авганистан, Ирак и на Косово. Северна Македонија го продолжува својот придонес во главната команда на мисијата „Одлучна поддршка“ и во командата на главниот град, Кабул во Авганистан, а неодамна беа испратени и првите 44 припадници на Армијата во рамките на силите КФОР на Косово, со што нашата земја станува и столб на мирот и безбедноста на регионот.
Министрите за одбрана ќе разговараат и за имплементацијата на планот на НАТО за имплементација на Резолуцијата 1325 на Обединетите нации – Жени, мир и безбедност, чија 20-годишнина се прославува овој месец. Нашата земја го донесе вториот Национален акциски план за имплементација на оваа резолуција и посветено работи на вклучувањето на жените во одбраната, преку процес кој е инклузивен и не подразбира само бројка, туку и активно користење на капацитетите на жените во процесите во одбраната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сериозен дефект на водоводна цевка во Влае, голем дел од Скопје без вода

ЈП Водовод и канализација извести дека вечерва поради сериозен дефект на водоводна цевка Ф600мм. на улицата Франце Прешерн 100Д во населба Влае со прекинато водоснабдување ќе биде голем дел од градот, а останатот дел од градот ке биде со намален притисок.
Водоснабдувањето ќе биде прекинато до завршување на работните активности.
Македонија
Мицкоски: Струмица е град на гуруто на Филипче, но времињата се менуваат, народот ќе победи, Струмица ќе победи

20 години Струмица чекаше на промени кои, еве, ви велам дека ќе се случат. Кога ве гледам во овој голем број, знам дека тука ќе победиме. А ќе победиме затоа што Струмица крева глава, се ослободува од стегите кои две децении ја заробија во она што се вика фамилија која го запоседна градот. Ја заробија во еден затворен круг на фирми, луѓе, поединци и бизниси кои живеат на грбот на струмичани. Тие станаа милионери, народот остана сиромашен. Тие градат згради во Дубаи, народот остана разочаран, рече Христијан Мицкоски, претседател на ВМРО-ДПМНЕ на вечерашниот митинг во Струмица.
Според Мицкоски предолго траеше овој процес, предолго беа заробени надежите, среќата и очекувањата на луѓето, им беше одземено правото на иднина.
„И на овој зачаран круг сега му дојде времето на промените. А промените овде се природен процес, последица и рефлексија – одговор на народот на она што го видел и претрпел низ годините. Од тука, од Струмица, со години се водеа најголемите зделки што ја уништуваа Македонија. Од тука тргнуваа политичките комбинации што ја оставија државата заробена и граѓаните разочарани. Ова е градот на гуруто на Филипче, човекот кој ја симболизираше целата таа мрежа на криминал, корупција и лични интереси.
Денес, неговиот наследник Венко Филипче често доаѓа овде – не за да понуди визија за иднината, да земе инструкции од Заеви. Нè убедуваа дека ова е непобедливо упориште на СДСМ, дека тука нема промени. Но времињата се менуваат. Еве нè, тука исправени со вас, од убавата и горда Струмица. Дојде денот кога тие ќе паднат, а народот ќе победи. Струмица ќе победи“, кажа Мицкоски.
Македонија
Рунтевски: Докажавме како вистински се води еден град, продолжуваме да ја грдиме иднината на Берово

Кандидатот за Градоначалник на општина Берово од СДСМ, Илија Рунтевски, пред граѓаните испрати пораки за заедништво, континуитет и развој, истакнувајќи ја иднината на Берово како заедничка цел која ќе се гради со работа и љубов кон градот и неговите луѓе.
„Иднината на нашето убаво Берово е заедничка цел. Ќе ја градиме заедно, чекор по чекор, со посветеност,“ рече Рунтевски.
Тој упати благодарност до актуелниот градоначалник Ѕвонко Пекенски, за кого рече дека оставил силен печат во развојот на општината.
„Со гордост можеме да кажеме дека Берово е препознатливо како зелена оаза, туристички центар и место со потенцијал. Тоа е темелот врз кој треба да продолжиме. Нашата задача е јасна, да го задржиме темпото и да внесеме нова енергија и идеи за Берово да биде модерен, урбан дом за сите генерации.“
Рунтевски потенцираше дека како иден Градоначалник ќе биде секојдневно меѓу граѓаните, со отворена врата за сите, од инвеститори до млади што сакаат иднината да ја градат во Берово.
„Ќе продолжиме со модернизација на инфраструктурата, улици, тротоари, осветлување. Ќе инвестираме во паркови, градинки и спортски капацитети, за нашите деца да растат во здрава средина.“
Тој најави силен фокус на туризмот и екологијата:
„Беровско Езеро, Малешевските Планини и природата се потенцијал што мора да го негуваме. Зелено Берово мора да стане симбол на здрава животна средина.“
Во планот се и подобри социјални услуги, поддршка за ранливите категории и достапна грижа за сите.
Меѓу клучните проекти во неговата програма се: изградба на канализација и прочистителна станица во Беровско Езеро, реконструкција на кино салата, уредување на речното корито на Брегалница, пешачка патека до манастирот Успение на Пресвета Богородица, реконструкција на објектот „Стара гимназија“ како спортски центар, нов урбанистички план за поддршка на мало стопанство, реконструкција на теренот на ОПК Малешево, проширување на Домот за стари лица, брендирање на регионот како туристичка дестинација.
„Ќе продолжиме силно напред. Нашата сила е во единството. Ако изминатите години беа доказ дека можеме да го промениме Берово, сега е време за уште поголем чекор, да го издигнеме Берово на повисоко ниво кое носи развој и просперитет,“ порача Рунтевски.