Македонија
Шефот на грчката дипломатија во посета на земјава
![](https://makfax.com.mk/wp-content/uploads/2019/11/Dendias-EPA-Herve-Cortinat-HANDOUT.jpg)
Министерот за надворешни работи, Никола Димитров, ќе се сретне со министерот за надворешни работи на Грција, Никос Дендијас, кој ќе престојува во официјална посета на Република Северна Македонија.
На средбата е предвидено да се разговара за билатералните односи, за политичката и економската соработка, како и за европската перспектива на Северна Македонија и регионот. Исто така, предвидено е да се разгледаат и можностите за унапредување на политичкиот дијалог меѓу двете земји во пресрет на имплементацијата на обврските од преспанскиот договор.
Во рамките на официјалната посета на Република Северна Македонија грчкиот министер за надворешни работи ќе се сретне и со претседателот Стево Пендаровски и премиерот Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Вклучувањето на Бугарите во Уставот е само првиот чекор и ќе овозможи почеток на преговорите, му рекол бугарскиот министер на Муцунски
![](https://makfax.com.mk/wp-content/uploads/2025/02/bugarija-makedonija-sredba-mnr.jpg)
Не е можно повторно преговарање или заобиколување на постигнатите договори зад кои стои цела ЕУ. Ваква порака испратил бугарскиот министер за надворешни работи, Георг Георгиев, до неговиот колега Тимчо Муцунски, на состанокот на маргините на Минхенската безбедносна конференција.
Во дописот на бугарското МНР за средбата, се наведува дека се разговарало за билатералните односи помеѓу двете земји.
„Министерот Георгиев истакна дека добрососедските односи се критериум во процесот на евроинтеграциите. Тој нагласи дека за градење добрососедство потребна е доверба, отворен дијалог, предвидливост и исполнување на обврските“, соопшти бугарското МНР.
Георгиев, како што се додава во соопштението на бугарската институција, бил дециден дека ставот на Бугарија во однос на европската интеграција на Република Северна Македонија е јасен и конзистентен.
Тамошното МНР потсетува дека европскиот компромис од 2022 година вклучува комплекс на мерки и нивното целосно спроведување е единствениот пат напред. На средбата било истакнато дека вклучувањето на Бугарите, на рамноправна основа со другите народи, во Уставот на Република Северна Македонија е само првиот чекор, чиешто спроведување ќе му овозможи на Скопје да ги почне преговорите за членство.
Претходно за средбата со соопштение излезе и македонското МНР. Од тука информираа дека на состанокот меѓу двајцата министри станало збор за билатералните разлики, блокадата на европскиот пат на државата од страна на Бугарија, и правата на македонското малцинство во Бугарија.
Министерот Муцунски, како што велат од МНР, изразил жалење што, наместо развој на добрососедската политика, односите меѓу двете земји остануваат оптоварени со билатерални спорови, опишувајќи ги како непринципиелна пречка на македонскиот евроинтегративен процес.
Македонија
Семејството на Фросина Кулакова со порака до институциите, утре ќе се приклучи на протестот
![](https://makfax.com.mk/wp-content/uploads/2025/02/frosina-cveke.jpg)
Росица Кулакова, сестрата на трагично загинатата Фросина најави дека утрешниот протестен марш е со јасни барања до надлежните институции.
Семејството ја повикува Владата да продолжи со поддршката и да ги сослуша барањата што ќе произлезат на протестите, а пратениците активно да се вклучат во промената на законите. Ќе се протестира и пред Апелација со порака до чинителите на судската власт да престанат да ги бранат нечесните меѓу нив.
Во прилог повикот за протестот:
„16.30ч пред Универзална Сала.
Симболично тргнуваме од овде. Местото каде што заврши сонот на Фосина. Местото каде што се прели чашата со крв. Местото каде што оваа иницијатива започна. Да и оддадеме почит на Фросина но и на сите жртви на корумпираниот и трул систем.
17.00ч пред Влада ( извршна власт)
Ние како семејство јавно се заблагодаривме и сме благодарни на досегашната поддршка од Владата.
Не протестираме против Владата, напротив, бараме да продолжи да не поддржува и нас како семејство, но исто така бараме да ја поддржи и иницијативата “Кој е следен” и да ги сослуша барањата што ќе произлезат од протестите. Истото го бараме не само од власта туку и од опозицијата!
17.45ч пред Собрание (законодавна власт)
Бараме да се вклучат во промената на законите и Парламентот активно да контролира како тие закони се спроведуваат.
18.30ч пред Апелационен Суд (судска власт)
Бараме да се свестат дека гнојот во општеството доаѓа од овде! Бараме да сфатат дека и тие се дел од народот! Бараме чинителите на судската власт да престанат да ги бранат нечесните меѓу нив, а веруваме дека не сите судии и обвинители се исти!
Ве повикуваме сите да ни се приклучите во оваа борба за подобро утре! Сите сме Фросина!!! Секој еден може да е следен“.
Фросина Кулакова загина во сообраќајка на пешачки премин на „Партизанска“, кога во неа удри автомобил управуван од 20-годишниот Васил Јованов. Возилото го управувал пијан, без возачка дозвола и без да застане на црвено светло.
Македонија
Муцунски на средбата со бугарскиот колега ја отвори темата за македонското малцинство и нивните права
![](https://makfax.com.mk/wp-content/uploads/2025/02/mk-bg-sredba.jpg)
Прашањето за почитување на правата и слободите на припадниците на македонското малцинство во Бугарија и потребата од спроведување на одлуките на Европскиот суд за човекови права (ЕСЧП), ги стави на маса министерот за надворешни работи Тимчо Муцунски на средбата со неговиот бугарски колега, министерот Георг Георгиев, на маргините на Минхенската безбедносна конференција.
Во информацијата на македонското МНР, се вели дека на состанокот покрај тоа, станало збор и за билатералните разлики и блокадата на европскиот пат на државата од страна на Бугарија.
Министерот Муцунски, како што велат од МНР, изразил жалење што, наместо развој на добрососедската политика, односите меѓу двете земји остануваат оптоварени со билатерални спорови, опишувајќи ги како непринципиелна пречка на македонскиот евроинтегративен процес.
Муцунски истакнал дека сите отворени прашања треба да се решаваат одговорно, преку дијалог и со взаемна почит и разбирање, бидејќи добрососедските односи покрај другото подразбираат и поддршка за европските интеграции како стратешка определба на државата.