Македонија
Ѓорѓиевски: Незаконски е полициски инспектори да се притискаат за да излезат на партиски митинзи

Зоран Заев, Стево Пендаровски и Оливер Спасовски ја злоупотребуваат полицијата и се обидуваат да ја претворат во партиска подружница на СДСМ, изјави Орце Ѓорѓиевски од ВМРО-ДПМНЕ.
„Незаконски и под секое ниво на професионалност е полициски инспектори да се притискаат за да појавуваат на партиски митинзи, изразуваjќи поддршка за политичари, наместо да ја вршат својата работа во функција на обезбедување на мирот и сигурноста на граѓаните на Република Македонија. На митингот на СДСМ во Карпош на 22 април полицискиот инспектор Елхам Шкрета му се обрати на Заев, со зборовите: ‘Кај нас има еден збор што се вика ‘беса’ вечерва ти ја давам бесата дека на петти ние сме победници и нема да те оставиме во кал, како што ти нас не нè остави нас, ти си нашата икона’. Со оваа своја изјава полицискиот инспектор директно ги крши законските акти од областа на полицијата. Имено, според приоритетите за 2019 година како приоритети на МВР се наведени професионализацијата, департизацијата и деполитизацијата на вработените во оваа институција“, истакна Ѓорѓиевски.
Тој рече дека ова не е единствен пример на партиски активизам на полициски службеници, а во текот на целата кампања можело да се забележиме како Јовче Ременски, сопруг на потпретседателката на СДСМ Фросина Ременски, кој е инспектор во УБК, стои во првите редови аплаудирајќи му на Заев и на Пендаровски.
Ѓорѓиевски оцени дека ваквото однесување не доликува и е недозволиво за полициски службеници, а МВР како институција има обврска да им служи на граѓаните, а не на политичките партии.
„Заев, Пендаровски и Спасовски мора да одговараат за оваа злоупотреба на полицијата. Одговорност за ваквиот однос мора да има. Полицијата која наместо да го чува јавниот ред и мир оди по партиски собири и агитира за Пендаровски е главниот причинител за криминалот кој царува по улиците“, додаде Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.