Македонија
(Видео) Јанушев: Во наредните денови следуваат акции против промена на името

Во наредните денови ќе следат многу активности и настани, ќе направиме сѐ што е во согласност со Уставот и законите за да спречиме капитулација на државата, рече генералниот секреатар на ВМРО-ДПМНЕ, Игор Јанушев на протестниот марш во Битола.
„Ние сме најголема партија во Македонија, без разлика што сме опозиција, ќе продолжиме да делуваме за добробит на сите граѓани и заштита на националните интереси на Македонија“, рече Јанушев и додаде дека ќе направат и преземат сѐ што е можно за да го спречат менувањето на името.
Тој објасни дека првично денеска било планирано да се одбележи роденденот на партијата во Битола, но поради последните случувања, одлучиле да организираат протестен марш за да го искажат незадоволството од спогодбата склучена помеѓу Македонија и Грција.
Како што кажа Јанушев, црвената линија на ВМРО-ДПМНЕ е дека не се согласуваат на промена на Уставот со цел промена на уставното име.
„Тоа што денес се случи е класична капитулација. Ова е еден приватен договор на премиерот Зоран Заев кој што се обидува да го наметне на македонската јавност и на целата држава“, заклучи Јанушев.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.