Македонија
Јанчева: СДСМ ја поддржува одлуката за субвенции на ЈСП, одговорноста за хаосот е кај ДПМНЕ
СДСМ ќе ја поддржи одлуката за субвенции на ЈСП, извештаите за работа не ги поддржуваме затоа што тие се дел од работата на јавното претпријатите со амин на Управниот и Надзорниот одбор од ДПМНЕ, кои се виновни за хаосот во јавното претпријатие, рече координаторката на советничката група на СДСМ во Советот на Град Скопје на денешната вонредна седница.
„Управните одбори вие како мнозинство ги избравте, извештаите ги прифаќаат, а тука согласност за извештаите на Советот не се дава. Ги повикувам сите членови на Надзорниот и Управниот одбор, на чело со Горан Илиевски од ВМРО-ДПМНЕ, да кажат како работи ЈСП? Дали тие луѓе добија надоместок за присуство на нивните седници на Управен и Надзорен одбор? Да, добиле, но вработените во ЈСП плати не добиле. Како тоа управните одбори ги гласаат извештаите за работа на ЈСП, кои ние како Совет треба само согласност да дадеме?“, рече Јанчева.
На Скопје му е потребен нов концепт за јавен превоз, потенцира Јанчева.
„Нов концепт на јавен превоз му е потребен на Скопје, она што ДПМНЕ две години одбива да го прифати, а тоа е БТР брзиот рапид-транзит за кој повторно Владата на СДСМ истури пари, даде гаранција за ЕБОР да одобри кредит од 70 милиони евра. Со овие пари, освен што ќе имаме нов превоз, ќе имаме и нови автобуси без задолжување“, рече Јанчева.
Слушнавме тези дека СДСМ истурал пари во општините, да. Ако СДСМ не истураше пари градоначалниците на ДПМНЕ немаше да имаат со што да се пофалат со барем една инвестиција, рече Јанчева.
„Како лидерот на ДПМНЕ ќе се пофалеше дека има нашол пари? Затоа после како попчиња градоначалниците отидоа во Влада да ги попишат договорите со кои што парите од владата ќе ги користат за инвестиции во општините на Град Скопје. Тоа е добро и така треба. Затоа благодарние на владата има градинка во Аеродром“, рече Јанчева, координаторка на советничката група на СДСМ во Советот на Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно време со сончеви периоди
Времето ќе биде променливо облачно со сончеви периоди. Наместа ќе има услови за слаб локален дожд. Ќе дува слаб до умерен ветер од јужен правец. Минималната температура ќе биде во интервал од 2 до 13, а максималната ќе достигне од 16 до 20 степени.
Во Скопје променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 8, а максималната ќе достигне до 20 степени.
Во деновите од викендот ќе се задржи променливо облачно и посвежо време со услови за слаб локален дожд. Потоа следува период на стабилно и тивко време со ниски утрински температури. По одделни котлини ќе има услови за појава на утринска магла.
Македонија
ЕСМ назначи тројца нови директори на подружниците за парно греење
АД ЕСМ објави дека назначи нови тројца директори на филијалите, односно фирмите-ќерки, што претставуваат системи за топловодно загревање.
Според одлуката на Управниот одбор, Марјан Милошевски, дипломиран машински инженер, е именуван за директор на подружница Енергетика.
Али Исмаиљ, дипломиран инженер по компјутерски науки, ќе раководи со ЕСМ Снабдување со топлина.
Александар Мирчевски, електроинженер, е поставен за директор на ЕСМ Топлификација Битола.
Македонија
Министерот Мисајловски на состанок на Северноатлатнскиот совет на НАТО, на ниво на министри за одбрана
Министерот за одбрана Владо Мисајловски од денеска учествува на дводневениот состанок на Северноатлантскиот совет на НАТО, на ниво на министри за одбрана, во Брисел.
Ова е прв состанок на НАТО на високо ниво по Самитот во Вашингтон и воедно прв состанок што го води новиот генерален секретар Марк Руте.
На одделните сесии, главни теми за дискусија се: одвраќањето и одбраната на Алијансата, поддршката за Украина, и зајакнувањето на соработката со земјите од Индо-пацификот.
Целта на состанокот е преглед на имплементацијата на одлуките од Самитот во Вашингтон во насока на зајакнување на капацитетите на Алијансата за одговор на растечките закани и предизвици.
Денеска беше оддржан и Состанок на земјите членки на Глобалната коалиција за борба против ИСИС, во организација на САД, со која претседаваше секретарот за одбрана Лојд Остин. Од страна на Министерот Мисајловски беше потенцирано дека справувањето со тероризмот останува од суштинско значење за колективната одбрана, во рамките на која македонската Влада ќе продолжи да соработува со своите сојузници.
На сесијата со глобалните партнери, покрај висок претставник на Европската Унија, за прв пат се поканети и министрите за одбрана на Австралија, Јапонија, Нов Зеланд и Република Кореја, на која се разговараше за тековните предизвици и неделивоста на глобалната безбедност.
Посебна сесија е посветена на јакнењето на соработката со Украина и јакнењето на глобалните партнерства. Во присуство на претседателот Володимир Зеленски и министерот за одбрана Рустем Умеров, ќе се разговара за новата НАТО Команда за координација на помош и обука за Украина, финансиската поддршка и за другите иницијативи што ќе овомзможат долгорочна помош.
На маргините на состаноците, министерот Мисајловски оствари одделни билатерални состаноци со своите колеги од Албанија, Норвешка и Словенија, и се заложи за понатамошно зајакнување на билатералната соработка во областа на одбраната.