Македонија
Џафери од Крушево: Време е за одговорна одлука, дури и по цена на иден политички пораз
![](https://makfax.com.mk/wp-content/uploads/2023/08/talat2.jpg)
Северна Македонија повторно е исправена пред голема и одлучувачка одлука – ќе продолжиме напред, или пак ќе заглавиме на слепиот балкански колосек, рече претседателот на Собранието, Талат Џафери, кој во своето обраќање од Мечкин Камен по повод Илинден, се осврна и на претстојните уставни измени.
На таа тема, Џафери порача дека е време за разум, одговорност, висока свест и совест за да се донесе одлука за доброто на граѓаните, па дури и по цена на иден политички пораз. Претседателот на Собранието кажа дека европската идеја од пред 120 години од Крушевскиот манифест за слобода, обединување и просперитет е веќе на дофат.
„Иднината ќе потврди дали донесената одлука била правилна“, рече Џафери, додавајќи дека и денес, ако ги анализираме големите одлуките од минатото, имало луѓе кои мислеле дека се погрешни, но се испоставило спротивното, почнувајќи од референдумот за независност до членството во НАТО.
Џафери во таа насока ја оцени како позитивна одлуката за НАТО од денешен аспект, коментирајќи дека никој не може да се одбрани сам.
„Само сплотени сме силни. Војната во Украина не увери колку брзо може да се промени состојбата со мирот“, рече претседателот на Собранието.
Ја спомена и материјалната поддршка „што ја добивме од нашите пријатели во време на кризата со короната, пожарите, поплавите“.
Џафери е дециден: Имаме една заедничка држава и сите треба да ја чуваме.
Во обраќањето, претседателот на Собранието заклучи дека Илинднцте биле свесни дека со отворање на умот и сплотени заедно ќе бидеме пример за нова и додадена вредност во регионот и пошироко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Бобан Николовски ја презеде функцијата директор на Царинска управа
![](https://makfax.com.mk/wp-content/uploads/2024/07/boban-nikolovski-carina-3.jpg)
Бобан Николовски денеска ја презеде функцијата директор на Царинска управа од својот претходник Стефан Богоев, кој на оваа позиција беше од јуни минатата година.
„Спроведување реформски мерки и политики за постигнување висок и одржлив економски раст, борба со криминалот и сузбивање на корупцијата и сивата економија, предвидливо даночно и регулаторно опкружување и намалување на парафискалните давачки за компаниите како и целосна дигитализација и СМАРТ Царина како дел од владините приоритети за смарт Македонија, се само дел од нашите цели“, порачува Николовски.
Николовски е вработен во Царинската управа веќе 15 години, а на функцијата директор доаѓа од позицијата пратеник во македонското Собрание.
Македонија
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
![](https://makfax.com.mk/wp-content/uploads/2024/07/venko-filipche.jpg)
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка.
„Во СДСМ победи професионализмот, емпатијата, грижата за луѓето како мои основни вредности по кои ќе работи и функционира Социјалдемократскиот Сојуз на Македонија. Ветувам дека нема да делам туку ќе обединувам. Ветувам дека ќе водам со пример и тоа ќе го барам од секој во партијата. Ветувам дека силно ќе се спротиставам на оние кои сакаат да ја ослабнат партијата на сметка на личниот интерес. Ветувам дека ќе го заштитам и слушнам секој член и на секому ќе му дадам глас. Ветувам дека СДСМ ќе биде приземна, отворена и модерна партија подготвена за предизивиците кои следат“, рече Филипче.
Додаде дека многумина сакаат да ја видат СДСМ клекната и поразена и се надеваат дека партијата нема да опстане и се ситат на изборниот пораз.
„Ветувам дека ќе го вратиме достоинството на партијата, а они кои се надеваат на лоша иднина на партијата, длабоко ќе се разочараат“, потенцираше Филипче.
Како што додаде, принципите на заедништво, другарство, взаемна почит и отворена комуникација се оние кои ќе ја одликуваат СДСМ под неговото раководство.
Во своето обраќање, Филипче истакна дека СДСМ ќе дејствува како силна опозиција којашто ќе се бори против лошите политики на власта и секогаш ќе биде гласот на разумот и на граѓанската волја која ќе биде заштитена доколку е погазена.
Скопје
Минатата недела санкционирани 203 непрописно паркирани возила на територија на општина Центар
![](https://makfax.com.mk/wp-content/uploads/2024/07/poc-pajak.jpg)
ЈП Паркинзи на Општина Центар и Општина Центар во соработка со Сообраќајната полиција-Скопје минатата недела санкционираа 203 непрописно паркирани возила кои го попречувале нормалното и безбедно одвивање на сообраќајот.
„Во периодот од 24.07. до 30.07.2024 година, со помош на специјалните возила „Пајак“ на ЈП ПОЦ отстранети се 102 непрописно паркирани возила, а со поставување на механичко средство „Блокатор“ санкционирани се 101 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, соопшти ПОЦ.
ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на општина Центар.