Македонија
168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на Kовид-19, и тоа во: Скопје – 83, Куманово – 8, Дебар – 2, Штип – 6, Прилеп – 3, Тетово – 26, Струга – 5, Битола – 2, Охрид – 8, Гостивар – 8, Крива Паланка – 1, Крушево – 1, Кочани – 1, Пробиштип – 2, Македонски Брод – 1, Свети Николе – 4, Кичево – 6 и Ресен – 1.
Денеска, Институтот за јавно здравје регистрира 70 оздравени лица, и тоа од: Скопје – 48, Тетово – 18 и по еден во Велес, Гостивар, Кочани и во Ресен.
Починати се 3 лица, двајца пациенти од Скопје и еден од Гостивар.
На Клиниката за инфективни болести починале двајца пациенти на возраст од 66 и 70 години. Во болницата „8 Септември“ почината е пациентка на 63 години по приемот, а кај која вирусот е потврден посмртно.
Вкупната бројка на ковид-дијагностицирани од почетокот на епидемијата изнесува 7.572, бројката на оздравени пациенти е 3.624, на починати – 362, а во моментот бројот на активни случаи во земјата изнесува 3.586. Од вчерашните тестови два се контролни, а во моментот статистиката за активни случаи по градови е следна:
• Скопје – 3.656, активни 1.928
• Куманово – 818, активни 179
• Дебар – 120, активни 67
• Штип – 411, активни 166
• Прилеп – 289, активни 58
• Тетово – 831, активни 351
• Струга – 288, активни 187
• Велес – 198, активни 36
• Битола – 65, активни 24
• Охрид – 218, активни 189
• Кавадарци – 22, активни 15
• Гостивар – 188, активни 115
• Гевгелија – 12, активни 3 (*2 лица од ПЕ Гевгелија се жители на Богданци)
• Струмица – 18, активни 10
• Крива Паланка – 18, активни 12
• Радовиш – 4, активни 0
• Крушево – 8, активни 4
• Кочани – 76, активни 17
• Пробиштип – 30, активни 19
• Демир Хисар – 3, активни 2
• Македонски Брод – 7, активни 5
• Пехчево – 6, активни 2
• Берово – 3, активни 0
• Валандово – 6, активни 2
• Виница – 4, активен 1
• Делчево – 1, активни 0
• Кратово – 6, активни 3
• Свети Николе – 58, активни 51
• Кичево – 58, активни 49
• Ресен – 129, активни 88
• Неготино – 21, активни 3 (*10 лица од ПЕ Неготино се жители на Демир Капија)
Досега направени се вкупно 72.690 тестирања на Ковид -19. Денеска нема тестирања во рамките на скринингот.
На Инфективната клиника во изминативе 24 часа примени се 9 пациенти. Вкупно се хоспитализирани 92 пациенти. На кислородна поддршка се 62, а нема пациенти на респираторна машина.
Во болницата во Козле хоспитализирани се 20 возрасни пациенти позитивни на Ковид-19, 2 деца позитивни и 3 суспектни на вирусот.
Во болницата „8 Септември“ примени се 16 нови, со што вкупно хоспитализирани се 94 пациенти. На респираторна машина се 4 лица.
Во болницата во Битола хоспитализирани се 44, а во болницата во Штип – 47 пациенти. На инфективните одделенија во Тетово, Охрид, Велес, Куманово, Прилеп, Гостивар и во Струмица хоспитализирани се 110 пациент позитивни и сомнителни на Ковид-19.
Во согласност со новите податоци статистиката на активни случаи во скопските општини е следна:
• Чаир – 360
• Аеродром – 166
• Бутел – 156
• Гази Баба – 210
• Центар – 156
• Карпош – 153
• Сарај – 140
• Кисела Вода – 114
• Ѓорче Петров – 111
• Студеничани – 121
• Шуто Оризари – 89
• Арачиново – 46
• Илинден – 34
• Петровец – 18
• Чучер Сандево – 18
• Сопиште – 7
• Зелениково – 13
• Странец – 5
• Нераспределен – 11
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.