Македонија
Chymoral – за успех при лекување синуситис
Го препорачуваат против отоци предизвикани од операции, скршеници, вадење заби, но и против горнореспираторни инфекции, ринити, синуситиси, и ако се земе предвид дека зад себе има повеќе од 50 години позитивно корисничко искуство, воопшто не изненадува широката поддршка за препаратот Chymoral („химорал“). Во фармацевтската компанија „Галеника“ велат дека кога зборуваат за оригинали, зборуваат токму за Chymoral, чиј квалитет и докажана ефикасност се дел од приказната што почнала уште во 1968 година, кога првпат е пуштен во употреба.
Синуситисот, всушност, претставува воспаление на слузницата на синусите. Овие инфекции се јавуваат најчесто заедно со инфекции на носните простори, односно ринити, и затоа често се користи терминот риносинуситиси. Најчести причинители на синуситисот се: бактерии, вируси, риновируси, респираторни вируси и габични инфекции најчесто кај дијабетичари и луѓе со намален имунитет. Респираторните инфекции и настинки се една од најчестите причина за која пациентите се обраќаат на лекар оваа сезона. При овие состојби организмот се соочува со настанат оток на носната слузница, која ги блокира природните отвори на синусите во носни простори. Тоа доведува до намалување на притисокот во синусите, се јавува болка и создавање течност. Ваквата состојба е поволна за развој на бактерии, а Chymoral помага да се превенира и спречи развојот на оваа фаза.
Chymoral® гастрорезистентните таблети се познати како ефективен третман при отоци и крвни подливи други отоци на мускулите околу устата, вилицата или јазикот. Освен при третман на отоци, „химоралот“ има научно докажано дејство при подобрување нарушен проток на крв и лимфни течности. Широкиот спектар на употреба се должи на неговото антиинфламаторно, антиоксидативно, антиинфективно и муколитичко дејство што го прави и исклучително важен при третман на инфекции на респираторен систем, воспалителни процеси на дишни патишта, густ бронхијален секрет, отежнато искашлување.
Chymoral, освен со своето антиинфективно дејство, директно ги намалува отокот и густината на секретот, со што значително ги олеснува симптомите и справувањето со самата настинка или инфекција и го олеснува искашлувањето. Со тоа значително го намалува времетраењето на болеста.
Препаратот не се издава на рецепт и е достапен во аптеките, каде совет за користење може да побарате од фармацевтот или да се посоветувате со матичниот доктор. Искуствено Chymoral се препорачува и со антибиотска терапија.
Производителот на Chymoral, фармацевтската компанија „Галеника“, на македонскиот пазар има традиција од 77 години успешно работење и грижа за здравјето. Препознатлива по квалитетот на своите производи ужива доверба кај повеќе генерации корисници трудејќи се да одговори на нивните потреби со нови производи, кои вклучуваат лекови на рецепт, OTЦ-производи (лекови без рецепт), козметички производи и додатоци во исхраната, вклучувајќи производи за зајакнување на имунитетот.
„Галеника“ денес е препознатлива како регионален лидер со амбиции да се расте на интернационалните пазари како лидер во фармацевтската индустрија. Насочена да одговори на современите потреби на пазарот и потребите на пациентите и потрошувачите, компанијата инвестира во збогатување на производното портфолио со производи од новата генерација лекови.
Во „Галеника“ остануваат посветени на луѓето и верни на здравјето.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојаноски: Република Македонија мора да биде пристојно место за живеење
„Пратеничката група на ВМРО – ДПМНЕ во соработка со Konrad-Adenauer-Stiftung Skopje организира настан за зајакнување на капацитетите на пратениците. Не чека период на многу промени, проекти, реформи и дела. Република Македонија мора да биде пристојно место за живеење, граѓаните не смеат повеќе да бидат разочарувани“, пишува во Фејсбук статусот на пратеникот Бојан Стојаноски.
Македонија
Делегација на Бирото за јавна безбедност учествува на Меѓународна асоцијација на шефови на полиција
Во периодот од 19 – 23.10.2024 година во Бостон, Масачусетс, Соединетите Американски Држави се одржува Годишната конференција на Меѓународната асоцијација на шефови на полиција (IACP), водечка организација која е фокусирана на унапредување на полицијата и безбедноста на глобално ниво.
Македонската делегација е предводена од Директорот на Бирото за јавна безбедност, г. Александар Јанев, во присуство на г. Мајкл Маки, полициско аташе за ICITAP при Амбасадата на САД во Скопје.
На оваа конференција полициски лидери, службеници и експерти од разни држави од светот ќе имаат можност да разменат најдобри практики, иновации и стратегии за справување со предизвиците во секојдневното полициско работење. Ваквиот пристап на соработка е значаен за унапредување на безбедносните практики и размена на искуства, зајакнувањето на капацитетите на полицијата. Преку запознавање со специфичностите и предизвиците со кои се соочува полицијата во САД, но и останатите полициски служби во светот, учесниците ќе имаат можност да добијат клучни информации за методологијата за справување со истите.
Конференцијата нуди одлична можност за градење нови партнерства, воспоставување на идни проекти и иницијативи.
Во текот на конференцијата, македонската делегација ќе присуствува на повеќе настани, а најавени се и средби со менаџментот на ИЦИТАП, федерални обвинители и повеќе директори на полиции и шефови на делегации.
Македонија
АХВ: Скопската зоолошка ќе биде затворена три недели, потврден е птичји грип
По угинување на една гуска лоцирана во езерцето во Зоолошка градина Скопје и поставен сомнеж за болеста Авијарна инфлуенца (Птичји грип), по лабораториско тестирање на угинатата птица, со лабораториски резултат од Факултетот за ветеринарна медицина – Скопје, од 18.10.2024 година, потврден случај на присуство на виосокопатоген сој на вирусот на Птичји грип H5N1.
Во текот на денешниот ден, од страна на надлежен официјален ветеринар спроведен е надзор во Зоолошката градина и наредени се мерки за надзор на болеста, а извршено е хумано убивање и нештетно отстранување на следните видови птици: 24 патки, 6 гуски, 5 кокошки и една чавка, која била присутна на локацијата.
Наредени се мерки согласно Законот за ветеринарно здравство и Правилникот за мерки за сузбивање и искоренување на болеста Авијарна инфлуенца.
Забранет е влез и излез на животни од зоолошката градина,ограничено е движењето на луѓе (посетители) во зоолошката градина, наредени се мерки за дезинфекција, испитување на другите птици присутни во зоолошката градина за присуство на вирусот на Птичји грип, зголемување на биосигурносните мерки и други мерки, со цел сузбивање на болеста и спречување на нејзино ширења надвор од зоолошката градина кај животните и кај луѓето.
Мерките ќе бидат на сила 21 ден почнувајќи од денес за кој временски период и зоолошката градина ќе биде затворена за посетители.
Последните случаи на појава на високопатогена авијарна инфлуенца беа во 2022 година, во населените места Градец, Лески и Виница, место Селце во општина Штип и во близина на Злокуќани, општина Карпош.
Авијарната инфлуенца или птички грип е болест предизвикана од вирусот на грип/инфлуенца тип „A“ од фамилијата Orthomyxiviridae, која може да предизвика големи загуби во живинарската индустрија и ограничувања во увозот и извозот на живи птици и производи од живина. Дивите птици се познати како резервоари за вируси на птичји грип, главно од ниско патогени соеви затоа на глобално ниво се спроведуваат мерки за надзор, следење, појава и карактеристика на вируси на птичји грип кај дивите птици иако поголемото мнозинство на овие вируси не предизвикува болест.
Високопатогените соеви вирусот се патогени за живината, но како зооноза болеста може да се пренесе и на луѓето. Досега не е докажан случај на пренос на овој високопатоген сој од живина на луѓе иако е повеќе години во циркулација во земјите од ЕУ.