Намалена видливост поради магла до 30 метри на патниот правец с.Гајре –Попова Шапка и до 100 метри на патниот правец Штип – Неготино кај Серта.

Сообраќајот на државните патишта се одвива непречено, по влажни коловози. Слаб снег кој не се задржува на коловозот провејува на Попова Шапка.

Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Утре, Советот на Град Скопје одлучува како ќе се трошат и за што парите на скопјани за 2026 година. Исто како на централна власт така и во Скопје, ВМРО Ванчовистичка наместо парите да ги насочи за скопјани и подобрување на нивниот живот во градот, парите се за тендери и партизација, ништо друго, истакна на прес-конференција Кети Штерјова, советничка во Скопје од СДСМ.

Најголем дел од средствата, посочи таа, има во предлог програмата за планирање и уредување на градежно земјиште на подрачјето на Град Скопје, значи има пари за тендери, а пари за граѓаните нема.

Според неа, додека граѓаните на Скопје се гушат од загаден воздух, нема повеќе пари за животна среднина. Средствата за заштита за животната средина се малку за надминување на еколошката катастрофа во која живеат скопјани.

„Скопје дише отров од дивите депонии, а во предлог Буџетот нема пари за проект и за расчистување на диви депонии и контаминирани локации на територија на Град Скопје.

Власта на ВМРО-ДПМНЕ нема пари за чист воздух и чистење на депониите. Ама видовме дека има за 161 тендер за една фирма, 9 милиони евра за друга со двајца вработени.

Предлогот на Буџетот што гопредлага Георгиевски не е ниту социјален, ниту е насочен кон подобрување на животот на граѓаните.

За многу од предвидените проекти кои убаво звучат на хартија нема предвидено финансиска поддршка. Нема доволно пари за социјална и здравствена заштита, нема за образование, за животна средина, за невладини организации, за култура.

Градоначалникот зборуваше дека има превработеност во градската администрација, ама во 2026 година предвидел 44 нови партиски вработувања.

Значи ќе се продолжи со нивната позната тактика на полнење на администрација со партиски лојални кадри“.

СДСМ, како што дададе советничката од редовите на оваа партија, ќе се спротистави на ова и ќе бара парите да се насочат кон граѓаите и нивните потреби.

Ваков Буџет, прецизира таа, нема да поддржат ниту ќе гласаат.

„За сите области советничката група за СДСМ и коалицијата изготви амандмани кои се во интерес на граѓаните и обезбедуваат по квалитетен живот на скопјани. Не за тендери, да за повеќе пари за граѓаните на Скопје.

Зоран Заев, партнерот на Венко Филипче, гради 40катница во Дубаи, ова е сведоштво на човек кој тврди дека бил таму и го видел тоа, изјави Валентин Манасиевски, член на ЦК на ВМРО-ДПМНЕ.

„Томе Аврамски, поранешен соработник и познаник на Зоран Заев, кажува лично сведоштво дека бил во Дубаи и ја посетил зградата која ја гради Зоран Заев. Но, исто така кажува и дека Венко Филипче има стан во Дубаи. Ова е скандал од невидени размери, но и доказ дека златните визи на Зоран Заев и Венко Филипче се добиени врз база на инвестиции во недвижности. Во своето сведоштво, Томе Аврамски вели, цитирам: ‘Еве јас сега одам во Дубаи, таму нешто работам и он (се мисли на Заев) е таму. Таму се сите. Тука е и Заев, тука е и бившиот министер, сега лидер на СДС (се мисли на Венко Филипче), и он е тука. Јас баш сум бил во зградата каде што купија станови. Еве сега Заев гради во Дубаи, зграда од 42 спрата. Тоа се големи инвестиции, тоа се милиони евра’“, рече Манасиевски.

Тој прашува дали е точно дека додека државата ја оставил на колена, опустошена, Зоран Заев гради згради во Дубаи и тоа 40 катница?

„Од каде му се парите за тоа? Дали се од РЕК Битола и дали за тоа е вмешан Вице Заев? Каква е врската на Вице Заев и Енко Колашинац? Дали за овие „бомби“ ќе расправа антикорупцискиот тим на СДС?“, праша Манасиевски.