Во Скопје се одржа првиот голем детски натпревар по ментална аритметика, а најдобро пласираните ќе заминат на Олимпијадата во Белград и ќе се натпреваруваат со 2.000 дечиња од цела Европа.

Вчера, во скопското средно училиште „Никола Карев“ се одржа првиот голем детски натпревар по ментална аритметика во организација на „Малац генијалац“. На овој натпревар своето знаење и придобивките од Хикари-програмата го покажаа повеќе од 150 дечиња на возраст од 4 до 12 години, кое секое во својата возрасна група се натпреварува во два дела, и тоа писмен и ментален. Најдобропласираните мали генијалци на менталниот и писмениот дел ќе заминат и на интернационално натпреварување, Олимпијадата по ментална аритметика, на која учествуваат повеќе од 2.000 избрани генијални дечиња од повеќе европски држави, а ќе се одржи во Белград. Научно е докажано дека мозокот на детето се развива од 4. до 12. година од животот. Во тој период мозочните хемисфери се најактивни, а децата полесно ги впиваат информациите и затоа е неопходно токму тогаш да се посветат на едукација.

Техниката на ментална аритметика се заоснова на употреба на древната направа абакус, со чија визуализација се постигнува извонредно брзо сметање. Детето со вежбање ментална аритметика и работа со двете рачиња на абакусот развива повеќе функции во исто време: фокус, внимание, концентрација, меморија и визуализација, што се главните цели на училиштето. Франшизата „Малац генијалац“, освен во Скопје, од септември своите врати ќе ги отвори и за другите градови во Македонија, со цел што поголема едукација на децата, како и подобрување на фокусот, концентрацијата и памтењето кај децата. Септемврискиот уписен рок е во тек за сите оние што сакаат да бидет дел од успешниот тим на мали генијалци и покрај себе да имаат деца што го менуваат светот.