Македонија
Mинистерот Нуредини: Остануваме посветени на мисијата за здрава животна средина

„Министерството за животна средина и просторно планирање како и досега останува посветено на својата мисија да обезбеди здрава животна средина“, изјави министерот животна средина и просторно планирање Насер Нуредини, кој денеска учествуваше на панел-дискусијата за иновациите и нивното влијание врз животната средина, загадување на воздухот и јавните политики во овие области, во рамки на самитот „Македонија 2025“ што деновиве се одржува во Скопје.
„И понатаму ќе работиме транспарентно и одговорно пред граѓаните, секогаш отворен за конструктивни критики, сугестии и забелешки кои би ни помогле да бидеме поефикасни и да ја подобриме нашата работа во интерес на сите граѓани“, рече Нуредини.
Министерот Нуредини потенцираше дека извршната власт има волја да ги спроведе неопходните промени, како функционери избрани од граѓаните тие секогаш мора да носат храбри одлуки, кои можеби не се популарни на краток рок, но долгорочно ќе доносат здравствен и економски бенефит за сите граѓани.
На оваа панел-дискусија на самитот „Македонија 2025“, покрај министерот Нуредини, учествуваа и Џонас Коивисто, меѓународен консултант за справување со загадување на воздухот од Универзитетот во Хелсинки, Јасминка Јанг – аналитичар, истражувач и програмски директор на фондацијата РЕС во Србија, Најџел Јоландс – помошник-директор на секторот за енергетска ефикасности климатски промени во Нов Зеланд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.