Македонија
Последиците од референдумот во Македонија и безбедносната ситуација во регионот теми на собирот во Женева

Хрватскиот премиер, Андреј Пленковиќ, изјави дека денешната средба во Женева за Западен Балкан ќе биде можност да разговараат за последиците од референдумот во Македонија, безбедносната ситуација и разговорите што се водат меѓу Србија и Косово, како и да ја анализираат ситуацијата во БиХ пред општите избори следниот викенд.
„Ние сакаме на највисоко ниво да разговараме за последиците од референдумот во Македонија, безбедносната ситуација и дискусиите што се одвиваат меѓу Србија и Косово, да се анализира ситуацијата во Босна и Херцеговина во пресрет на општите избори овој викенд. Значи, многу политички и безбедносни предизвици, и затоа е добро да сме постојано присустни на ваков тип форум на највисоко ниво”, изјави Пленковиќ пред почетокот на собирот во Женева.
Во организација на Светскиот економски форум денеска во Женева, „Стратешки дијалог за Западен Балкан”, ќе учествуваат шефови на држави и влади, како и министри од Албанија, Бугарија, Црна Гора, Косово, Македонија, Германија, Словенија, Србија, Швајцарија и Турција.
Пленковиќ рече дека целта на средбата е да разговараат за тоа како земјите од Југоисточна Европа може да се движат напред кон нивните основни цели за членство во ЕУ, каде што може да им помогне Хрватска.
„Ние сакаме да видиме како ќе се решат неколку важни политички и безбедносни прашања и, исто така, да се помогне во трансферот на знаење во однос на она што тие земји може да очекуваат во контекст на преговорите. Ова е наша стратешка позиција и мислам дека тоа е важно, во рамките на подготовките за нашето претседателство на почетокот на мандатот на новиот состав на Комисијата и новиот Европски парламент, новиот претседател на Европскиот совет, да им дадеме импулс на процесот во првата половина на 2020 година, кога ние ќе претседаваме со Советот на ЕУ “, рече Пленковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пешаците и возачите на велосипеди и тротинети од денес под нови правила: нема слушалки и телефони

Од денес стапуваат во сила измените и дополнувањата на Законот за безбедност на сообраќајот на патиштата.
Републичкиот совет за безбедност на сообраќајот на патиштата потсети дека измените се насочени кон унапредување на безбедноста на најранливите категории учесници и намалување на бројот на сообраќајни незгоди предизвикани од невнимание.
Со новите правила, пешаците ќе мора да преминуваат коловоз и велосипедска патека без користење на слушалки во двете уши, мобилни телефони, таблети, смарт часовници и други уреди кои им го одвлекуваат вниманието.
Исто ограничување важи и за возачите на велосипеди, мопеди, мотоцикли, трицикли и четирицикли, освен ако користат специјализирани комуникациски уреди вградени во заштитни шлемови. Новите одредби ги опфаќаат и возачите на електрични тротинети, на кои им е забрането користење електронски уреди за време на управување.
Советот истакнува дека ваквите измени поставуваат нови стандарди за одговорно однесување во сообраќајот, со цел да се намали ризикот и да се заштитат човечките животи.
„Безбедноста на патиштата е заедничка одговорност на сите нас“, порачуваат.
Според законот, пешаците и возачите на велосипеди, мопеди и електрични тротинети кои користат слушалки на двете уши, телефони и слично при преминување на улица или велосипедска патека ќе бидат казнети со 40, односно 50 евра.
Македонија
Без струја денес повеќе делови од Скопје

Од ЕВН Македонија АД информираат дека во петок, 26 септември 2025 година, повеќе делови од Скопје и околината ќе останат без електрична енергија.
– во периодот од 08.30 до 12.30 часот, корисниците од селата Катланово и Градманци, како и корисниците од викенд населбите Месна Река и Кочкова Населба. (општина Петровец )
– во периодот од 09.00 до 11.30 часот, викендиците лоцирани кон манастирот Свети Илија, како и дел од корисниците од село Бањани. (општина Чучер Сандево )
– во периодот од 09.00 до 12.00 часот, дел од корисниците од улиците Лука Геров и Андон Кецарков. ( општина Ѓорче Петров )
– во периодот од 10.00 до 14.00 часот, корисниците од ул. Смолјани. ( општина Ѓорче Петров )
– во периодот од 11.00 до 12.00 часот, дел од корисниците од улиците Иван Цанкар и Франце Прешерн. ( општина Карпош )
Македонија
До понеделник посвежо време со повремени врнежи, локлно поројни со грмежи и ветер

Времето денес ќе биде променливо облачно и посвежо со повремени врнежи од дожд. Ќе дува умерен до засилен ветер од југоисточен правец. Локално врнежите ќе бидат поројни и пообилни (над 20 l/m²), проследени со појава на грмежи и засилен ветер. Минималната температура ќе биде во интервал од 9 до 18, а максималната ќе достигне од 17 до 24 степени.
Во Скопје, променливо облачно време со повремени врнежи од дожд. Во делови од котлината ќе биде нестабилно со пороен дожд и услови за појава на грмежи. Ќе дува умерен до засилен југоисточен ветер. Минималната температура ќе се спушти до 17, а максималната ќе достигне до 24 степени.
Под влијание на циклонска активност до понеделник времето ќе биде променливо облачно и посвежо со повремени врнежи од дожд. Локално врнежите ќе бидат поројни и пообилни (над 20 l/m²), проследени со грмежи и засилен ветер. Дневната температура ќе опадне за 8 до 10 степени во однос на денешната.