Македонија
Битиќи: Јавно здравство без партиципација и повисоки плати за медицинските лица

„Срцето и душата на државата лежи во здравјето на нашите граѓани, а должноста на една социјалдемократска власт е да се погрижи тоа да биде негувано и заштитено. Ова бара квалитетен здравствен систем достапен за сите, каде инвестициите во современа медицинска опрема и болници, добро обучениот медицински персонал и конкурентните плати не се луксуз. Ние сето ова го разбираме како израз на посветеност и грижа за достоинството на секој наш граѓанин“, изјави Фатмир Битиќи, коносител на листа на кандидати за пратеници од Изборна единица 2 на Коалицијата за европска иднина, на денешната прес-конференција која се одржа во Шуто Оризари, Скопје.
Во изјавата тој потсети дека СДСМ рекордно да ги зголеми платите на медицинскиот персонал, односно платите на медицинските сестри се зголемија за над 20%, кај општите лекари ова зголемување изнесува 25%, специјалистите заработуваат за 40% повеќе.
„Ги зголемивме коефициентите за дежурствата за 15%, а за првпат обезбедивме исплата на плати за приватни специјализанти во висина на просечната плата која ја заработуваат општите лекари“, рече Битиќи.
Зборувајќи за предизборната „Програма за европска иднина“ на СДСМ, тој најави дека во наредните четири години ќе продолжи зголемувањето на платите за медицинските лица во јавното здравство.
„Докторите специјалисти ќе имаат плати од 140.000 до 180.000 денари, општите доктори месечно ќе заработуваат плата до 120.000 денари, а медицинските сестри од 60.000 до 90.000 денари. Нема импровизации и компромиси со здравјето на граѓаните и затоа тие кои се грижат за нив ќе бидат достоинствено наградени“, рече Битиќи и порача дека „ќе си ги вратиме лекарите од странство“.
Потпретседателот на СДСМ и коносител на листата на кандидати за пратеници во ИЕ2, најави инвестирање и во идните генерации на лекари.
„Ќе ги удвоиме квотите на медицинските, стоматолошките и фармацевтските факултети во државата. За 100% ќе ја зголемиме годишната продукција на медицински кадар. Сите студенти ќе бидат ослободени од трошоците, наместо родителите, нив ќе ги подмирува Владата. Ќе го изедначиме статусот на специјализантите меѓу „државните и приватните“ специјализанти, а секој од нив ќе добива почетен месечен надоместок од 60.000 денари. За секој специјализант ќе се креира работно место во здравствената мрежа, со фокус на приоритетните медицински области и градови во државата и до 2028 година ќе добиеме 1.000 нови специјализанти“, истакна Битиќи.
Тој најави инвестиции во медицинската инфраструктура и опрема.
„Ќе работиме на модернизација и регионализација на онколошките центри во државата (Скопје, Битола, Штип, Тетово, Куманово) за пациентите со малигни заболувања полесно да добиваат модерна терапија поблиску до своите домови“, рече Битиќи.
Потпретседателот на партијата најави дека во следниот мандат на Владата предводена од СДСМ ќе се укине партиципацијата во јавното здравство.
„Јавното здравство ќе биде бесплатно за сите осигуреници, нема да има плаќање на партиципација. Но бесплатното јавно здравство нема да предизвика дополнителни трошоци, придонесите за здравствено осигурување нема да ги зголемиме – тие ќе останат најниски во регионот, на ниво од 7,2%“, рече Битиќи.
Тој нагласи дека промените се потребни, но тие ќе се направат низ јавна дебата, преку која ќе се понуди систем за дефинирање на пакет на здравствени услуги, со соодветно ниво на квалитет и временски период, за кои придонесите ќе се корегирааат во релација со пакетите на здравствена заштита.
„Знаеме дека не постојат брзи решенија, но заедно со мнозинството граѓани уверени сме дека членството во Европската унија останува единствен начин за суштински и трајни позитивни промени во здравството. Затоа СДСМ не се откажува од иднината“, порача Битиќи од Шуто Оризари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.
Македонија
Тошковски – Поклукар: Одлична соработка на полето на безбедноста, Словенија ја дава својата поддршка во секој чекор

Денеска во Охрид, министерот за внатрешни работи Панче Тошковски, оствари работна средба со делегација на Министерството за внатрешни работи на Словенија, предводена од министерот Боштјан Поклукар.
На средбата фокусот беше ставен на унапредувањето на меѓусебната соработка и продлабочување на одличните пријателските врски меѓу двете министерства и полиции во борбата против организираниот криминал, ситуацијата со илегалната миграција, внатрешната контрола и соработката помеѓу центрите за обука на полициските службеници. Македонската делегација на средбата предложи потпишување на Меморандум за разбирање помеѓу Центарот за обука на МВР и словенечката полициска академија за зајакнување на соработката во областа на образованието и заедничките обуки на кадетите и полициските службеници од двете полиции.
Тошковски се заблагодари на министерот Поклукар за целата поддршка што Словенија и словенечкото министерство за внатрешни работи постојано ни ја даваат како министерство и држава, како во справување со пожарите минатата и оваа година така и целата поддршка што ни ја дадоа во справување со последиците од трагедијата која се случи во Кочани оваа година.
„Република Словенија и нивното министерство се едни од клучните партнери и поддржувачи во реформите кои ги правиме, преку користење на нивното знаење и искуство, како за новите закони за полиција и внатрешни работи. Отпочнуваме соработка и во нашата иницијатива за отворање на Регионална асоцијација на полициски академии, обуки за полициските службеници со цел професионализација, доедукација со цел креирање на ефикасна европска полиција“, образложи Тошковски.
ТПотенцираше дека преку министерот Поклукар, пријателската Словенија уште еднаш ја потврдува својата поддршка како еден од нашите најголеми поддржувачи во процесот на евроинтеграции, со тоа што се вложи со целиот негов тим да бидат на располагање на македонските полициски службеници и МВР во однос на исполнување на сите услови и критериуми зададени од Европската унија.
Словенечкиот министер за внатрешни работи Боштјан Поклукар го потенцираше пријателството и соработката што меѓу нашите народи и држави се пренесува и на министерствата за внатрешни работи и потенцираше дека и во иднина можеме да сметаме на нивната целосна поддршка како во искуство и знаење така и на конкретни проекти и ситуации со цел да придонесуваме кон поголема безбезбедност на регионот, нашите држави и нашите народи.
„Наша оценка е дека министерството за внатрешни работи и македонската полиција прават одлична работа и тоа секогаш сум го истакнувал и во Европа како член на советот на министри за внатрешни работи на Европа. Одличната идеја за Регионална асоцијација на полициски академии ќе ја поддржиме и учествуваме во неа за да креираме професионални полиции на Балканот за побезбеден регион за сите. Ние сме веќе сојузници заедно во НАТО и нашата поддршка ќе продолжи во секој ваш чекор кон приклучување во нашето европско друштво на нации каде е и вашето место“, потенцираше словенечкиот министер Поклукар.
Поклукар истакна дека Словенија целосно ја поддржува Македонија на интегративниот пат кон Европската Унија и ја изрази спремноста за помош на европскиот пат кој на крај носи огромни бенефити за граѓаните и функционирањето на институциите и изрази надеж дека заслуженото место на Македонија во ЕУ ќе дојде што поскоро.