Македонија
Без струја утре делови од Сопиште, Кисела Вода, Аеродром, Чучер Сандево и Бутел

„ЕВН Македонија“ АД преку соопштение информира дека во текот на утрешниот ден, односно 14.8.2018 година (вторник), без електрична енергија ќе останат неколку општини.
Како што информираат оттаму, корисниците на селото Долно Соње во општина Сопиште ќе останат без електрична енергија во периодот од 8.30 до 15.30 часот.
Во периодот од 8.30 до 10.40 часот корисниците од ТС „Рудопроект“, како и каменоломот „Беровиќ“ и селата: Осинчани, Дражилово, Јасен, Елово, Патишка Река, Малчиште, Добри Дол, Рак, Маркова Сушица, Јаболци, Нова Брезница, Говрлево, Горно и Долно Соње и селото Света Петка, ТС „Грин екофарма“ – живинарска фарма, ТС „Маркова Сушица“, „Сковин“, „Механографија“, ТС „Техно павер“ и ТС „Мис вато“, исто така во општина Сопиште ќе останат без електрична енергија.
Понатаму, како што посочуваат од ЕВН, без струја, во период од 9 до 16.30 часот ќе бидат и корисниците на улицата Христо Татарчев околу новиот кружен тек кај последната постојка на автобусот со број 24 во општина Кисела Вода, а корисниците од Долно Лисиче, во општина Аеродром, без електрична енергија ќе останат во периодот од 9 до 13 часот.
Без струја, според најавите на ЕВН, ќе бидат и дел од корисниците во општина Чучер Сандево, односно во периодот од 8.45 до 10.45 часот, без електрична енергија ќе бидат корисниците од место наречено Чардак и дел од селото Бразда, а во периодот од 9 до 15 часот дел од корисниците на викендички во селото Побожје.
Прекин на електричната енергија во перидот од 8 до 9.30 минути ќе има и во општина Бутел, односно на улицата со број 8 во село Радишани, куќите околу сервисот „Зајо“ и куќите околу населбата Хот и Хот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Со двојно поголем буџет, Мицкоски сака македонските универзитети да влезат во првите 1.000 на Шангајската листа

Премиерот Христијан Мицкоски истакна дека буџетот за науката е двојно зголемен во споредба со минатата година, достигнувајќи околу 650–660 милиони денари.
Тој додаде дека Владата обезбедила бесплатен пристап до двете најголеми научни бази за сите истражувачи, студенти и универзитети во земјава.
„Нашата цел е да ја стимулираме науката. Очекувам младите научници да ги користат овие бази, да ги следат светските трендови и да публикуваат свои трудови“, рече Мицкоски.
Според него, со оваа поддршка, универзитетите во Македонија би можеле да се приближат кон влез во првите 1.000 на Шангајската листа во текот на овој владин мандат.
Македонија
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово

Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на неколкумина присутни во салата, и посочи дека навивачките групи треба да ги бодрат своите тимови, без навредливи и ксенофобични пораки.
„Во текот на вчерашниот ден домаќинот а тоа беше кошаркарската федерација исто така и Општина Куманово го осудија скандирањето и ксенофобичните испади на неколкумина во салата, искрен да бидам додека бев таму, воопшто и не го забележав тоа, бидејќи стануваше збор за мала група на луѓе. Но, исто така еве би сакал да ја искористам оваа прилика да се приклучам кон осудата на национализмот и ксенофобијата, најпрвин на таа што се случи за време на кошаркарскиот натпревар помеѓу Македонија и Романија, а потоа и да упатам порака до сите навивачки групи да навиваат спортски, да го бодрат својот тим и националниот тим на Македонија. Тоа е она кое што оваа Влада го подржува, а сето останато ќе биде предмет на истрага и предмет на санкции, без разлика од која страна доаѓа“, вели Мицкоски.
„Уште еднаш да повторам апсолутно го осудувам ксенофобичното и националистичко скандирање на неколкумина кои што не наидоа на поддршка од страна на ниту еден од присутните во салата“, порача премиерот Мицкоски.
Македонија
Нови цени на горивата од ноќеска на полноќ

Од ноќеска на полноќ ќе има нови цени на бензините и дизелот, соопшти Регулаторната комисија за енергетика, водни услуги и услуги за управување со комунален отпад.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.
Малопродажната цена на Мазутот М-1 НС се зголемува за 0,533 ден/кг и сега ќе изнесува 39,945 ден/кг.
Од 5.8.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,00 (денари/литар)
Моторен бензин ЕУРОСУПЕР БС – 98 77,00 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 39,945 (денари/килограм)