Македонија
Акционери од „Топлификација“ бараат од Обвинителството да ја испита помошта за „Те-То“
Здружението за заштита на правата на акционерите во „Топлификација“ АД Скопје испрати допис до Владата и Обвинителството, каде што се поставени неколку прашања во врска со доделената државна помош на Друштвото за производство на електрична и топлинска енергија „Те-То’ АД Скопје.
Акционерите прашуваат: „Што се случува со кривичната пријава за лажен стечај на ‘Те-То’ АД поднесена од Управата за финансиска полиција?; Дали е запознаено со основот за лажниот стечај на ‘Те-То’ АД Скопје?; Дали по допрен глас ќе почне истрага за скандалозната државна помош доделена на осомничена фирма?“
„Бидејќи се работи за многу сериозна проблематика, која е од интерес на јавноста зошто државата ангажира државни ресурси за покривање долг на осомничена приватна фирма, а непреземањето активности од страна на обвинителствата му овозможуваат прикривање на сторените кривични дела на друштвото, чиј сопственик е офшор-компанија, нанесувајќи им штета на македонски компании од над 40 милиони евра, сметаме дека има потреба од јавно објавување на прашањата поставени на Владата на РСМ и на главниот јавен обвинител на РСМ.
Во интерес на објективно и непристрасно информирање на јавноста очекуваме дописите со поставени прашања до Владата на РСМ и до јавниот обвинител на РСМ да бидат јавно објавени на вашите портали“, додаваат акционерите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.