Забава
(Видео) Поранешната мис Југославија живее во Дубаи повеќе од 20 години: „Ги почитувам нивните правила“
Поранешната српска манекенка и мис Југославија, Јелена бин Драи, живее во Дубаи веќе 24 години, каде што изгради семејство со арапскиот претприемач Саид бин Драи, со кого има четири деца. По долго медиумско молчење, Јелена неодамна отворено проговори за својот брак, семеен живот и за правилата што ги следи во Обединетите Арапски Емирати во емисија на телевизијата „К1“.
Таа призна дека ѝ требало време да се навикне на пустинската клима, но и да ја разбере културата во која сè се мери – од начинот на облекување до покажувањето почит.
„Кога дојдов, се облеков како во Милано. Мини здолништа, блузи со длабоко деколте, сè што беше нормално за 20-годишна девојка. Но, набргу сфатив дека ако сакам луѓето да ме почитуваат овде, морам да ги почитувам нивните правила. Кога сум во Србија, се облекувам како што сакам. Во Дубаи знаете како да се облекувате и како да се однесувате“, рече Јелена додавајќи: „Тоа не значи дека не ми се допаѓа модата, напротив. Сакам да изгледам убаво, но научив дека вистинската елеганција никогаш не вреска. Тоа е лекција што Дубаи бргу ја учи на секоја жена“.
Нејзиниот ден, вели таа, почнува во шест часот наутро и е исполнет со многубројни деловни и семејни обврски.
„Имам помош во куќата, но тоа не значи мир. Тоа значи бучава од шест часот наутро, врати, ѕвона, трчање“, рече таа, пренесе „Индекс“.
Откри дека нејзиниот најмлад син Рашид зборува српски, а постарите деца го прават тоа само кога е потребно.
„Кога им треба нешто, сите јазици функционираат“, додава Јелена. Таа нагласи дека во нејзиното семејство постојат јасни правила и дека, без оглед на обврските, сите се собираат како заедница навечер.
„Во Дубаи сè се мери точно и функционира прецизно, но топлината во семејството не може да се купи со луксуз или правила. Тоа се учи од дома“, рекла таа.
Начинот на облекување, истакнува, е клучен дел од почитувањето на културата во која живее, а постоењето ред носи и чувство на сигурност.
„Во Емиратите сè е видливо и сè има свои граници. Ако одите на плажа, можете да носите што сакате. Ако одите во трговски центар, мора да покажете почит кон земјата во која живеете. Ова не значи дека жената се откажува од себе, туку дека знае каде е и кому му припаѓа“, објаснила таа.
Конечно, Јелена се осврна на шпекулациите што го следат нејзиниот брак со години, особено за тоа дали нејзиниот сопруг има повеќе од една жена.
„Весниците повеќе не пишуваат дека Саид носи нова жена на секои три месеци. А што би рекла мајка ми – јас сум премногу за него“, рече Јелена со насмевка.
Таа истакна дека нема поделба во нејзиниот брак со Саид, туку рамнотежа што самите ја создале.
„Во арапската култура мажот има улога на заштитник, но ако сте сигурни во себе, таа улога не е ограничувачка, напротив. Саид има своја традиција, јас имам своја. Се почитуваме и се надополнуваме. Кога жената знае која е, не мора тоа никому да му го докажува“, заклучи Јелена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ризичното мини здолниште на Амал Клуни ја „запали“ атмосферата, Џорџ мораше да реагира
Познатиот актер Џорџ Клуни се појави со сопругата Амал во Париз на премиерата на филмот „Џеј Кели“, што ги израдува и изненади многумина со оглед на тоа што актерот беше сам на претходните светски премиери на овој филм.
За оваа пригода, убавата адвокатка изненади со својот моден избор. Амал избра мини здолниште украсено со светки кое го комбинираше со малку подолга кожна струкирана јакна. Црни чизми со високи потпетици и кожна чанта го заокружија ова лежерно издание на Амал Клуни.
Нејзините витки нозе беа во преден план, па коментарите за совршен изглед не изостанаа, иако, Џорџ не заостануваше многу зад својата сопруга.
Холивудскиот заводник избра класично одело и кошула за оваа пригода, а очилата за сонце станаа негов омилен моден додаток за вечерта. Традиционално, каде и да се појават, папараците ги опседнуваат, па дури и Клуни мораше да реагира за да ѝ помогне на Амал да стигне до автомобилот.
Инаку, Клуни беше сам на премиерата на овој филм во Лос Анџелес, па бил придружуван од Боно Вокс и неговата ќерка, а по тоа се појавиле коментари дека неговата интимност со оваа убавица на премиерата нема да помине неказнето од Амал.
фото: епа
Забава
Елтон Џон откри дека целосно го изгубил видот на едното око, но верува во медицински напредок
Британскиот музичар, Елтон Џон, неодамна откри дека, и покрај тоа што го губи видот на десното око, не ја губи вербата во медицинскиот напредок.
Во интервју за списанието „Варајати“, 78-годишниот уметник проговори за својата кариера и секојдневниот живот откако целосно го изгуби видот на тоа око во 2024 година.
Како што раскажа, последните 15 месеци биле исклучително тешки:
„Беше катастрофално. Бидејќи го изгубив видот на десното око, а левото не е во добра состојба, не можев да гледам, читам или да видам ништо јасно.“
За време на летниот одмор во Франција истата година, Џон доби инфекција која ги зафати двете очи. Сепак, и покрај сериозните заболувања, тој се обидува да го одржи оптимизмот.
„Имав неверојатен живот и има надеж. Морам да бидам трпелив и да верувам дека науката ќе ми помогне еден ден. Не смееме да се откажеме, мора да бидеме силни, стоички и постојано да се обидуваме да најдеме начин да ги подобриме работите“, рече тој.
Тој изрази благодарност што сè уште може да пее, да свири и да се потпре на силниот систем на поддршка што ги вклучува сопругот Дејвид Фурниш, нивните синови Закари (14) и Елајџа (12), како и блиски пријатели.
„Понекогаш целиот овој товар ме обесхрабрува, но на крајот, имам прекрасно семејство, одлични деца и него“, додаде тој.
Забава
(Фото) Толку моќно и толку модерно: модно парче што ќе биде хит оваа сезона
Моделот Роузи Хантингтон-Вајтли неодамна присуствуваше на вечерна забава во Лондон, а за таа пригода донесе модни парчиња кои воопшто не одговараат на нејзината палета на бои, ниту на нејзиниот стил.
За разлика од неутралните нијанси кои често се составен дел од нејзините комбинации, овој пат се одлучи за драматични тонови, но и за едно шик парче облека – кожен капут.
Таа носеше бордо капут со кариран комбинезон одоздола. Облеката е дел од есенската колекција 2025 на брендот Burberry, а совршено изгледа на познатата манекенка.
Својот стил го комплетираше со минимална шминка во нежни тонови и брановидна фризура која му даде тој природен, не премногу сериозен изглед.
фото: епа
Нема да биде екстрадиран: Ацо Боцевски 28 години по убиството живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: Пешак удрен од автомобил пред гимназијата „Јосип Броз – Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откако Авганистанец застрела припадници на Националната гарда близу Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: Најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на неговите борци кои останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
Се зголемува бројот на напуштени кучиња со активен микрочип
Јавното претпријатие „Лајка“ предупредува на континуиран и загрижувачки тренд на кучиња пронајдени на улица со активен микрочип, односно со јасно...
(Видео) Русија реагира на обелоденетиот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што сѐ исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
(Видео) Дали, конечно, е блиску крајот на војната во Украина: остануваат три клучни пречки
Американската администрација оптимистички најавува голем напредок во преговорите за завршување на војната во Украина. Претседателот Трамп го пофали „огромниот напредок“...
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
