РЕ-Балканкан
(Видео) Северина се расплака на настап: се обиде да продолжи да пее, а реакцијата на публиката беше неверојатна
![](https://makfax.com.mk/wp-content/uploads/2023/11/fffffff.jpg)
Пејачката не можеше да ги задржи солзите.
Северина ги изненади сите кога на еден настап заплака на сцената среде песната „Роѓено моје“.
Пејачката плачеше додека пееше на сцената, ги бришеше солзите и се обиде да продолжи, но набргу ја прекина песната, а ова видео стана вирално на социјалните мрежи.
@beautyofbalkanija Severina 😍😍😍. Ostanite do kraja videa i uživajte ❤ #bosna #hrvatska #crnagora #viral #fyp #severina #srbija #emotion #beautyofbalkanija ♬ original sound – Ljepote Balkana
Публиката го извикуваше нејзиното име и ѝ даваше поддршка, а по неколку минути, Северина го продолжи настапот како ништо да не се случило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Култура
Музичко-документарниот филм за Перо Ловшин, еден од првите панк рокери во Источна Европа во Кинотека
![](https://makfax.com.mk/wp-content/uploads/2024/02/thumbnail_425967953_900719568720484_4252923667841510246_n.jpg)
На 22 и 23 февруари од 20 часот во Кинотека ќе биде прикажан долгометражниот музички-документарен филм „Перо Ловшин – Ти можеш“ кој ја раскажува приказната на Перо Ловшин, еден од првите панк рокери во Источна Европа. Гостин на проекциите ќе биде токму Перо Ловшин. Тој, како фронтмен на Панкрти, со текстовите и активизмот одбележал цел еден период од историјата на Словенија.
Настанот е во организација на Словенечки центар – Скопје и Кинотека, а по повод Прешернов Ден.
Режијата на филмот е на Јани Север, кој е и автор на сценариото заедно со Стојан Пелко. Улогите во филмот ги толкуваат: Ловшин, Биг Фут Мама, Присмојени професори блуза. Долгометражниот музички-документарен филм ја раскажува приказната на Перо Ловшин, еден од првите панк рокери во Источна Европа. Гостин на проекциите ќе биде токму Перо Ловшин. Тој, како фронтмен на Панкрти, со текстовите и активизмот одбележал цел еден период од историјата на Словенија. Во режија на Јани Север, филмот го опфаќа периодот на анархизмот и бунтовноста на 1970-тите години, независноста на Словенија, демонстрациите во центарот на Љубљана, сè до учеството на UEFA Euro 2000 во Амстердам.
Панкрти, формирани во 1977, во мала населба во околината на Љубљана, се најверојатно првиот панк рок бенд во тогашниот источен блок, зад железната завеса. На самиот почеток свиреле преработки од етаблирани панк и рок групи како Sex Pistols, The Clash, New York Dolls. Биле дел од сега веќе легендарната компилација Novi Punk Val. Во 1980 го објавуваат нивниот прв долгосвиречки проект, винил албумот „Dolgcajt“. Препознаени по ангажираните социјално-политички текстови и коментари, Панкрти стануваат култен бенд на територијата на некогашна Југославија. Нивниот втор ЛП „Državni ljubimci“ доживеа одличен одѕив меѓу критиката и публиката и беше прогласен за југословенски албум на годината.
Во 1996, настапуваат како предгрупа на нивните идоли Секс Пистолс, во рамките на настапите низ Словенија. Застапени се и во фалениот рок документарец во продукција на Рајко Грлиќ – СРЕЌНО ДЕТЕ (Sretno dijete).
РЕ-Балканкан
Вид чоколадо на „Ритер Спорт“ е повлечено од продажба во Хрватска
![](https://makfax.com.mk/wp-content/uploads/2024/01/гггф.jpg)
Еден вид чоколада на Ритер спорт е повлечена од продажба бидејќи лешниците не се наведени како алерген на хрватската декларација, соопштуваат од Државниот инспекторат на Хрватска.
Државниот инспекторат информира дека производот Ритер Спорт чоколадна коцка ирваси 83 грама, се повлекува бидејќи во хрватската декларација не е наведен лешникот како алерген.
Поради фактот што алергенот не е означен, производот може да претставува ризик за здравјето на потрошувачите кои се чувствителни на него, додека луѓето кои не се алергични се уште можат да го користат без ограничувања.
Забава
Таа е единствената оџачарка во Србија: „Луѓето се чудат кога ќе ме видат на терен“
![](https://makfax.com.mk/wp-content/uploads/2024/01/ггг.jpg)
Јасмина Диниќ сонувала да стане стјуардеса, но животот ја одвел во сосема друг правец и, како што вели, мисли дека тоа е судбина. Таа денеска е единствениот оџачар во Србија.
„Сè е запишано некаде, вклучително и кој што ќе прави“, рече Јасмина.
Инаку, поради околностите, избрала професија што ја прави единствена и препознатлива, а верува дека носи и среќа. Иако оваа работа важи за исклучиво машка, Јасмина е доказ дека не е така.
Со оваа работа се занимава 28 години, а во професијата го запознала и својот сопруг, со кој успешно ја води компанијата пред 13 години.
„Со сопругот се запознав надвор од оваа работа, преку пријател. Тој е механичар и кога се запознавме, работеше во фирма, а потоа го запознав со оваа работа. Тој негодуваше долго време и не сакаше да прифати , но сега сме веќе 13 години заедно во тој бизнис“, вели Јасмина и додава дека се многу успешни во бизнисот, но и се горди родители на две ќерки.
Таа работи и како секретарка и менаџер во својата компанија, па ,како што вели, луѓето најмногу се изненадуваат кога ќе ја видат на терен.
Признава дека оваа работа е напорна и опасна.
„Ова е работа во која еден човек не би можел да работи сам. Луѓето знаат дека имаат одреден степен на недоверба кога ќе ме видат, но тоа бргу престанува. Ги смирувам со мојата работа и со големото знаење“, рече Јасмина во утринската програма на „Прва ТВ“.