Забава
Поранешна асистентка го обвинува Вин Дизел дека сексуално ја вознемирувал
Американскиот актер Вин Дизел е обвинет за сексуално вознемирување, а тужбата ја поднелa неговaта поранешна асистентка со која соработувал за време на снимањето на филмот Fast Five во 2010 година.
Адвокатот на Дизел изјави дека актерот ги отфрла сите обвиненија што ги повела неговата поранешна асистентка Аста Јонасон, меѓу кои и тврдењето дека ја притиснал кон ѕидот додека се самозадоволувал и ѝ ја ставил раката на неговиот полов орган.
Таа го обвини актерот и за незаконско раскинување на соработката. Наводно, била отпуштена од компанијата на Дизел неколку часа по сексуалното вознемирување.
Случајот е на суд во Лос Анџелес, а Јонасон во тужбата навела дека нападот се случил во Атланта. Таа тврди дека Дизел ја игнорирал, со што јасно му дала до знаење дека ѝ пречело тоа што ја допирал.
Во тужбата било наведено дека таа врескала и истрчала кон тоалетот, но дека актерот „ја притиснал со телото до ѕидот“.
Неколку часа по наводниот инцидент, сестрата на Дизел, која ја води неговата компанија One Race Films, ѝ се јавила и ѝ рекла дека е отпуштена. Јонасон ја тужи и сестрата на популарниот актер, но и компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бред и Инес привлекоа внимание на хуманитарен настан во Малибу
Актерот Бред Пит (60) и неговата девојка Инес де Рамон (31) привлекоа внимание на хуманитарен настан во Малибу.
Двојката учествуваше на настанот Rock4EB на EBMRF, кој имаше цел да собере средства за истражување и третман на ретка состојба на кожата – epidermolysis bullosa.
За оваа пригода Бред и Инес го координираа својот изглед еден со друг. Актерот носеше бела кошула и беж панталони со жолт кариран дезен, а Инес избра бела маичка со тенки прерамки и беж панталони.
Забава
Бен Афлек се бореше со зависност од алкохол, сега е виден во центар за рехабилитација
Бен Афлек ги загрижи своите фанови кога во јавноста се појавија фотографиите направени од американските папараци. Тие, всушност, го прикажуваат славниот актер како заминува од центар за рехабилитација во Калифорнија.
Некои странски медиуми шпекулираат дека тој дошол само за да им даде поддршка на луѓето што се борат со разни зависности.
Од претходно е познато дека Бен неколкупати бил на лекување и на одвикнување од алкохол.
На тој чекор првпат се одлучил во 2001 година, а во март 2017 година Афлек објави дека го завршил лекувањето од оваа зависност.
Забава
Ева Лонгорија на Модната недела во Париз во необична комбинација
Модната недела во Париз почна и ќе трае до вторник, 1 октомври.
Меѓу првите што пристигна беше Ева Лонгорија. 49-годишната актерка привлече внимание при излегувањето од хотелот. Таа носеше проѕирен фустан, со кој комбинирала црно сако и црни чевли.
Имаше минимална шминка, а косата ѝ беше пуштена. Лонгорија со години е позната како една од најелегантните и најатрактивни жени во Холивуд.