Забава
Репликата на т.н. одмазднички фустан на Дијана од серијата „Круна“ оди на аукција
![](https://makfax.com.mk/wp-content/uploads/2023/11/fustan.jpg)
Како што серијата „Круна“ се приближува кон крајот во последната сезона, која кулминира со смртта на принцезата Дијана, извршните продуценти најавуваат продажба на разни реквизити и костими од сагата на „Нетфликс“ за британското кралско семејство.
Лондонската аукциска куќа Bonhams во февруари ќе продаде на аукција речиси 450 предмети користени во шесте сезони од драмата, а претходно ќе ги изложи на турнеја, која ги вклучува Њујорк, Лос Анџелес, Париз и Лондон. Меѓу предметите има златна кочија, парчиња мебел и облека направени по мерка според вистински предмети од фотографии од историските настани.
На аукцијата ќе се најде и реплика на таканаречениот одмазднички фустан на Дијана. По разводот од принцот Чарлс, принцезата Дијана еднаш носеше мал црн фустан откога неговото неверство стана јавно.
„Иконските костими, реквизитите и сцените од ‘Круната’ се макотрпно истражени и пресоздадени со импресивно внимание на деталите, изработени од врвни експерти и занаетчии“, рече директорот за продажба на Bonhams, Чарли Томас.
Костимот создаден за сцената на крунисувањето, кој во серијата го носеше актерката Клер Фој (младата кралица Елизабета Втора во првите епизоди), се очекува да достигне цена од 30.000 до 50.000 фунти. На аукцијата, меѓу другото, ќе се најдат и костим за капење со леопард-принт, кој во серијата го носеше актерката Елизабет Дебицки, и сив џемпер „харвард“.
На продажба се и реплика на влезната врата на Даунинг стрит во Лондон, реплика на свршеничкиот прстен на принцезата Дијана и стар „јагуар“. Сите приходи од аукцијата се наменети за поддршка на програмата за стипендирање филмаџии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Хороскопски знаци што не избираат зборови кога се расправаат
![](https://makfax.com.mk/wp-content/uploads/2024/07/lutina.jpg)
Зборовите можат да бидат сурово оружје, а луѓето родени под овие хороскопски знаци намерно ќе ги повредат другите за да се одбранат или да ја покажат својата супериорност.
Шкорпија
Кога Шкорпиите се лутат, нивната способност да ги користат зборовите како оружје станува застрашувачка. Не само што ќе го кажат тоа што го мислат, туку ќе го кажат на начин што ќе ве погоди право во срце. Кога се чувствуваат повредени или изневерени, нивната потреба за одмазда може да ги наведе да користат зборови кои најмногу ќе повредат.
Тие се мајстори за сарказам и иронија, а нивната способност да ги користат овие алатки во расправии ги прави исклучително остри и навредливи. Кога се чувствуваат нападнати, нивната природна реакција е да се бранат со напад. Тие можат брзо да ги идентификуваат слабостите на другите луѓе и да ги користат против нив, што ги прави многу опасни во вербалните препукувања.
Овен
Овните се карактеризираат со бестрашна природа и непоколеблива решителност. Кога ќе се налутат, нивниот огнен темперамент и склоност кон брзо дејствување може да ги наведат да кажуваат работи без да размислуваат за последиците. Тие ќе кажат што мислат, без разлика колку нивните зборови можат да ги повредат другите.
Тие се познати по нивната импулсивност. Реагираат брзо и често без размислување, што може да резултира со груби и навредливи зборови. Тие не сакаат да губат; кога се чувствуваат загрозени или нападнати, нивната реакција е да возвратат со сите средства, вклучително и вербални напади. Исто така, Овните се многу искрени. Тие веруваат дека е подобро да се каже вистината, колку и да е болна, отколку да се задржуваат чувствата. Нивната искреност може да биде груба и навредлива за другите.
Близнаци
Кога Близнаците се лути, тие намерно ги користат зборовите како најсилно оружје. Можат да бидат многу груби со своите зборови кон другите, често без значење, но со голем ефект. Тие се многу паметни и можат да излезат со навредливи коментари за миг. Нивната способност за брзо реагирање ги прави многу опасни во вербалните препукувања.
Тие се мајстори за двосмисленост и можат да ги користат зборовите на начин што има повеќекратни значења. Понекогаш нема ни да знаете дека нивните навреди се маскирани како шеги.
Забава
Анџелина Џоли не се согласува со татка си за Палестинците: „Таа е под влијание на антисемитисти“
![](https://makfax.com.mk/wp-content/uploads/2024/07/dzoli-tatko.jpg)
Во новото интервју американскиот актер Џон Војт ја нападна својата ќерка Анџелина Џоли, која постојано му изразува поддршка на народот на Палестина.
„Таа е изложена на пропаганда. Таа е под влијание на антисемитистите“, изјави тој за списанието „Варајати“. Тој понатаму тврди дека вистинските информации не ѝ се достапни бидејќи луѓето во Холивуд не зборуваат за тоа.
„Тие се целосно исклучени. Тие немаат поим што се случува“, рече тој.
Изјави и дека ја сака ќерка си и не сака да се расправа со неа.
„Таа беше под влијание на ОН. Од почетокот тоа беше ужасна ситуација кога станува збор за човековите права. Тие тоа го нарекуваат човекови права, но тоа е само антиизраелско плукање“, рече тој.
Изрази разочараност што ќерка му, како што рече, не разбира дека целта на Хамас е уништување на земјата на Евреите.
Анџелина минатата година на „Инстаграм“ изјави дека терористичкиот напад на Хамас врз Израел не може да биде оправдување за изгубените животи во бомбардирањето на цивилите во Газа.
„Ова е целно бомбардирање на заробено население, кое нема каде да избега. Газа е затвор на отворено речиси две децении и бргу станува масовна гробница, а 40 отсто од убиените се деца“, напиша таа.
Забава
Актерката Ања Тејлор-Џој е најубавата жена на светот според златниот пресек
![](https://makfax.com.mk/wp-content/uploads/2024/07/anja-tejlor-2.jpg)
Новото истражување покажа дека американската актерка Ања Тејлор-Џој е најубавата жена на светот според златниот пресек.
Нејзината убавина била проценета со помош на античкиот грчки метод за сметање наречен златен пресек.
Сметањето го одредува физичкото совршенство на една личност. Колку лицето е поблиску до соодносот 1:1, 618, толку личноста е посовршена.
Нејзините очи, веѓи, носот, усните, вилицата и обликот на лицето се измерени и се најблиску до идејата на старите Грци за жена со совршен изглед. Последното испитување го направи хирургот Џулијан де Силва.
Ања го зазеде првото место со резултат од 94,66 проценти. На листата се најдоа и Зендаја (94,37 отсто), Бела Хадид (94,35 отсто), Маргот Роби (93,43 отсто).
„Ања Тејлор-Џој беше јасен победник откога беа измерени сите делови на лицето за да се утврди физичкото совршенство“, рече Де Силва.
Ања е родена 1996 година. Почна да глуми во 2013. Светската слава ја стекна благодарение на серијата на „Нетфликс“, The Queen’s Gambit. Таа глуми и во филмовите Furiosa: A Mad Max Saga, The Super Mario Bros. Movie, како и серијата Peaky Blinders.