Забава
Вештачката интелигенција може да предвиди, a може и да спречи смрт
Користејќи вештачка интелигенција за да ги анализираат податоците, истражувачите создадоа речиси 25.000 равенки со персонализирани здравствени фактори од ненадејна срцева смрт.
Вештачката интелигенција може да помогне да се предвиди и евентуално да се спречи ненадејна срцева смрт, соопшти Американското здружение за срце. Експертите од Американското здружение за срце велат дека предвидувањето на ненадејна срцева смрт, а можеби дури и забележувањето на ризиците за да се спречи смртта, е можно со вештачката интелигенција (АИ) и може да понуди нов чекор кон превенција и глобални здравствени стратегии. Овие резултати се засноваат на истражување претставено на научниот симпозиум за реанимација во 2023 година во Филаделфија.
Ненадејната срцева смрт, оптоварување на јавното здравје, претставува од 10 до 20 проценти од сите смртни случаи. Предвидувањето е тешко, а вообичаените пристапи не успеваат да ги идентификуваат лицата со висок ризик, особено на индивидуално ниво, вели д-р Ксавиер Жувен, главен автор на студијата и професор по кардиологија и епидемиологија во Парискиот центар за кардиоваскуларни истражувања, Inserm U970-University од Париз.
„Предложивме нов пристап, кој не е ограничен на вообичаените фактори на кардиоваскуларни ризик, туку ги вклучува сите медицински информации достапни во електронската здравствена евиденција. Истражувачкиот тим анализира медицински информации со вештачка интелигенција од регистри и бази на податоци во Париз и Сиетл за 25.000 луѓе, кои починаа од ненадеен срцев удар, и 70.000 луѓе од општата популација. Податоците од двете групи беа усогласени по возраст, пол и населено место“, објасни д-р Жувен.
Вештачката интелигенција идентификувала луѓе што имале повеќе од 90 проценти ризик од ненадејна смрт.
Податоците, кои претставуваа повеќе од милион болнички дијагнози, беа собрани од медицински досиеја до 10 години пред секоја смрт. Користејќи вештачка интелигенција за да ги анализираат податоците, истражувачите создадоа речиси 25.000 равенки со персонализирани здравствени фактори, кои се користат за да се идентификуваат оние луѓе што се изложени на многу висок ризик од ненадејна срцева смрт. Покрај тоа, тие развија приспособен профил на ризик за секој поединец во студијата.
Персонализираните равенки за ризик ги вклучија медицинските детали на една личност како третман за висок крвен притисок и историја на срцеви заболувања, како и ментални нарушувања и нарушувања во однесувањето, вклучително и злоупотреба на алкохол. Анализата ги идентификува оние фактори што, најверојатно, ќе го намалат или зголемат ризикот од ненадејна срцева смрт за одреден процент и временска рамка, на пример, 89 проценти ризик од ненадејна срцева смрт во рок од 3 месеци.
Анализата на вештачката интелигенција беше во можност да идентификува луѓе што имале повеќе од 90 проценти ризик од ненадејна смрт и тие сочинуваат повеќе од четвртина од сите случаи на ненадејна срцева смрт.
Персонализираните фактори на ризик варираат многу меѓу учесниците, откри вештачката интелигенција.
„Работиме речиси 30 години на полето на предвидување ненадејна срцева смрт, сепак, не очекувавме да достигнеме толку високо ниво на точност. Исто така, откривме дека персонализираните фактори на ризик варираат широко меѓу учесниците и често доаѓаа од разни медицински полиња (мешавина од невролошки, психијатриски, метаболистички и кардиоваскуларни податоци), а тоа е слика што е тешко да се долови со медицинските очи и мозокот на специјалист во една област“, истакна д-р Ксавиер Жувен, кој е и основач на Парискиот експертски центар за ненадејна смрт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сопругата на актерката Ребел Вилсон е бремена
Семејството на актерката Ребел Вилсон е на прагот да добие уште еден член. Нејзината сопруга Рамона Агрума објави дека е бремена и дека го очекуваат своето второ дете, повеќе од една година по нивната венчавка во септември 2024 година.
View this post on Instagram
Рамона ја сподели среќната вест на својот инстаграм-профил. „Најсреќната вест во нашето семејство“, напиша таа. „Набргу ќе бидеме четворица! Бебето број 2 е на пат. Те сакам, Ребел Вилсон“.
Заедно со објавата таа сподели трогателно видео, на кое се прикажани семејни фотографии, како и видео од позитивен тест за бременост. Рамона гордо го покажа својот труднички стомак.
View this post on Instagram
Проширувањето на семејството долго време беше желба на актерката. Набргу по добивањето на ќерката Ројс преку сурогат-мајка во ноември 2022 година, таа откри дека логистичките проблеми биле единствената пречка.
„Би сакала да имам уште едно дете“, изјави таа за „Е! Њуз“ во август пред две години. „Прашањето е: „Дали е можно?“ Морам да одам преку ин витро фертилизација. Ќе видиме како ќе оди“.
View this post on Instagram
Двојката веќе ја има тригодишната ќерка Ројс Лилијан, која е родена во ноември 2022 година преку сурогат-мајка.
Ребел сподели емотивна објава во тоа време.
„Не можам ни да ја опишам љубовта што ја чувствувам кон неа, таа е прекрасно чудо! Благодарна сум им на сите што беа вклучени (знаете кои сте), ова се правеше со години, но особено би сакала да ѝ се заблагодарам на мојата прекрасна сурогат-мајка, која ја носеше и ја роди со таква грациозност и грижа. Ви благодарам што ми помогнавте да основам свое семејство, тоа е неверојатен подарок. Најдобриот подарок! Подготвена сум да ѝ ја дадам на малата Ројси целата љубов што можам да ја замислам. Учам бргу… Ги почитувам сите мајки! Се гордеам што сум во вашиот клуб“.
фото/депозитфотос
Забава
Крива Паланка осветлена со декорации: „Новогодишната бајка може да почне“
Општина Крива Паланка ја информира јавноста дека празничното украсување на градот е целосно завршено. Централните локации, плоштадот и главните улици се осветлени со светлосни инсталации и тематски новогодишни декорации.
Градоначалникот Сашко Митовски порача дека новогодишната бајка во Крива Паланка може да почне посакувајќи празничното осветение да донесе радост, мир и надеж за сите жители.
Тој истакна дека украсувањето е создадено со љубов и внимание за сите генерации и дека градот блеска како што заслужуваат неговите жители.
Забава
Таа со години живее бесплатно на крузер : „Јадам и пијам што сакам, но под еден услов“
Кристин Кестелу и нејзиниот сопруг Питер живеат на крузер со години, а таа неодамна откри како изгледа тоа искуство.
Оваа 44-годишна жена, по потекло од Америка, решила да го напушти традиционалниот живот на копно. Се ослободила од грижата за кирија и кредити и наместо тоа, почнала да заработува пари пловејќи низ светот.
За време на едно од патувањата, таа го запознала и својот сопруг, кој ја дели нејзината страст за крузери, објавува „Дејли стар“.
View this post on Instagram
Иако повеќе не работи како директорка за крстарења (лицето одговорно за организирање забава и активности), Кристина сè уште останува на бродот како гостинка со својот сопруг – најмалку шест месеци во годината.
Денес, таа создава содржина за социјалните медиуми документирајќи го животот на отворено море. Повеќе од милион луѓе ги следат нејзините дневни рутини на „Тик-ток“, каде што таа одговара на прашања од љубопитни гледачи за овој неконвенционален начин на живеење
„Животот и работата на крузер е посебен свет што многу луѓе не го разбираат“, објаснува Кристина.
Како сопруга на член на екипажот (Питер е главен инженер на бродот), Кристина има пристап до просторот за персонал и патници, со услов да мора да носи значка за идентификација. Таа може да ужива во луксузните погодности на бродот – базени и спа-центри, ресторани и сите погодности.
И покрај предрасудите дека крузерите не се најбезбедна средина, таа тврди поинаку.
„Над 260 крузери што им припаѓаат на повеќе од 60 компании пловат секој ден. Инцидентите се навистина ретки, иако стотици илјади луѓе пловат секој ден“, вели таа.
Таа додава дека често се вели дека крузерите се проблематични, но според искуството на нејзиниот сопруг, тоа не е вистина.
View this post on Instagram
„Питер е на море 34 години и бил болен само еднаш. Тоа се илјадници и илјадници дена. На крајот, сè се сведува на миење раце“, нагласува Кристина.
Сепак, постои едно правило што мора строго да го почитува – не ѝ е дозволено да се коцка во казиното на бродот.
Исто така, како креатор на содржини за мрежите Кристина се придржува до строги правила за приватност – таа не ги снима патниците или членовите на екипажот, без нивна изречна дозвола.
Со повеќе од една деценија на море,се чини дека таа целосно ужива во својот неконвенционален, луксузен живот – и без никакви трошоци за домување.
(Видео) Владата го усвои предлогот за разрешување на јавниот обвинител Коцевски, соопшти Митева
На денешната редовна 134 владина седница беше усвоен предлогот за разрешување на Љупчо Коцевски од функцијата јавен обвинител со што...
Премиерот слушна, но не сака да зборува за барањето за обесштетување за трагедијата во Кочани: Не би сакал за тоа да коментирам
Премиерот Христијан Мицкоски седнат во првиот ред во Собранието денес ги слушна барањата на родителите на загинатите и повредените во...
Мицкоски: Додека јас сум премиер, нема да никне ниту еден шатор за илегални мигранти
Премиерот, Христијан Мицкоски, ги отфрла наводите на лидерот на СДСМ, Венко Филипче, дека во Македонија ќе бидат отворени кампови за...
МОН воведува нови стипендии, конкурсите се веќе објавени
По воведувањето на стипендии за стимулирање на средношколци за упис на прв циклус на студии по македонски јазик за тековната...
Василевска бара изземање на Апасиев од претседавање со Анкетната комисија за Кочани
Пратеничката од редовите на ВМРО–ДПМНЕ, Иванка Василевска, на денешната седница на анкетната комисија за заштита на слободите и правата на...
Мерц вели дека Путин сака да го обнови Советскиот Сојуз, Кремљ му одговари
Кремљ денес соопшти дека европските тврдења дека рускиот претседател Владимир Путин сака да го обнови Советскиот Сојуз се погрешни и...
(Видео) Филипче: Опасност од мигранти, проблем е Владата на ВМРО-ДПМНЕ и нејзините тајни разговори
Социјалдемократскиот сојуз на Македонија пред повеќе месеци ја најави опасноста која што не очекува со мигрантите и таа опасност е...
Беким Сали назначен за в.д. претседател на Алтернативата по оставката на Зеќирија Ибрахими
Вицепремиерот и иден министер за европски прашања Беким Сали е избран за вршител на должност претседател на Алтернатива, откако досегашниот...
Објавени нови мапи; Русите: Напредуваме на сите фронтови, Украинците се опколени
Рускиот генерал Валериј Герасимов изјави дека руските сили напредуваат по целата фронтова линија во Украина и ги напаѓаат опколените украински...
(Видео) „Ти си најнапорната новинарка овде“: Трамп повторно со навреди
Американскиот претседател Доналд Трамп продолжи со своите вербални напади врз новинарките, а откако ги навреди врз основа на нивниот изглед...
Украина не се откажува од еден услов, Зеленски подготвува одговор на Трамп
Украина подготвува нов мировен план што ќе го презентира пред Белата куќа, додека борбите на истокот од земјата продолжуваат. Клучниот...
СДСМ со прашање за ВМРО-ДПМНЕ: Дали Британците лажат?
„Откако британските медиуми објавија нови информации со прецизни детали дека се договорени 20 илјади фунти по мигрант и дека Македонија...
(Видео) Нов масовен напад: руски беспилотни летала го бомбардираат украинскиот град Суми
Руски беспилотни летала го нападнаа северниот украински град Суми доцна синоќа, што е втор голем напад врз градот за 24...
Трамп му се заканува на Мексико со царини
Американскиот претседател Доналд Трамп го обвини Мексико дека неправедно се однесува кон американските земјоделци и се закани дека ќе воведе...
(Видео) Заврши средбата на Зеленски со европските лидери: „Судбината на Украина е судбина на Европа“
По повеќе од два часа на Даунинг стрит 10 во Лондон, се чини дека разговорите завршија – Кир Стармер, Емануел...
Николоски објави видео од изградбата на автопатот Тетово – Гостивар
Вицепремиерот и министер за транспорт, Александар Николоски, објави видео од градежните активности на автопатот Тетово – Гостивар. „Интензивно се работи на...
Наместо текстовите на СДС да им ги пишува Заев од Дубаи, добро е да ги проверат информациите, вели Манасиевски
Наместо текстовите на СДС да им ги пишува Заев од Дубаи, добро е да ги проверат информациите со релевантни и...
(Видео) Кузеска: Ја следиме трагата на парите, Томовски донира во ВМРО-ДПМНЕ
Скандалот со семејната фирма на Томовски која го чисти буџетот, или во бројки 5,3 милиони евра и 161 тендер е...
Трамп: Разочаран сум од Зеленски
Претседателот на САД, Доналд Трамп, изјави дека не е сигурен дали украинскиот претседател Володимир Зеленски ќе се согласи со новиот...
Авионско фрлање на мамки против беснило: граѓаните во наредниве денови исклучително внимателно да се движат во природа
Агенцијата за храна и ветеринарство започна со втората овогодинешна кампања за орална вакцинација на лисиците и дивите карнивози против болеста...
