Контакт

Соопштенија

ВМРО-ДПМНЕ: Власта ја посрамоти Македонија со истакнување на погрешно знаме, но не згрешија кога на нивни блиски им делеа пари  

Објавено пред

Власта ја посрамоти Македонија со истакнување на летонското наместо австриското знаме, но не згрешија кога на советниците на Заев и нивните блиски им делеа пари за криминалните иновации, велат од ВРМО-ДПМНЕ во нивното соопштение. Од пратијата посочуваат „за да не направат нов срам и за да не ни се потсмева регионот и Европа, ВМРО ДПМНЕ сака да и помогне на владата да направи огромен дипломатски успех и да го погоди германското знаме при посетата на канцеларката Ангела Меркел“. Опозициската ВМРО-ДПМНЕ заедно со своето соопштение утринава испрати и слика од германското знаме.

„Кога станува збор за работа и за одбрана на државните интереси, Зоран Заев и СДСМ се целосно неспособни. Доказ за тоа е што успеаја да го утнат и австриското знаме при посетата на канцеларот Себастијан Курц, а не промашија ни буква кога во итна постапка на ден пред избори требаше да и префрлат 40.000 долари на ќерката на министерот Никола Димитров“, стои во соопштението на ВМРО-ДПМНЕ.  Секојдневниот грабеж и секојдневните порази и срам што и го нанесуваат на Македонија се обидуваат да ги покријат со штетниот и капитуланскиот договор, се додава во соопштението на опозицијата.

Граѓаните, велат од ВМРО-ДПМНЕ гледаат дека со овој договор не само што се менува името туку се загрозува јазикот и  идентитетот, и ова антидржавно однесување  мора да престане.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија

Демократска фракција на ВМРО-ДПМНЕ: Дегутантно е да се наметнува победничка еуфорија

Објавено пред

Сметаме дека е крајно дегутантно изнасилено да се наметнува победничка еуфорија во услови кога партијата ВМРО-ДПМНЕ има освоено најмал број гласови од 2008 година па сè до денес. Овој број на освоени гласови (319.224) е помал дури и од бројот на освоени гласови на минатите локални избори (335.034) кога партијата катастрофално изгуби, а шеф на Изборниот штаб беше токму Христијан Мицкоски, велат од Демократската фракција на ВМРО-ДПМНЕ во отвореното писмо до ВМРО-ДПМНЕ.

Дури и прецизната „Мицкова математика“, додаваат од таму, не може да ги оправда и да ги надомести помалку освоените 130.000 гласа во однос на претходниот резултат на Иванов (449.442 гласа во првиот круг).

„Сакаме да потсетиме дека токму Мицкоски е тој што ветуваше победа со освоени повеќе од 450.000 гласа со Соросовиот претседателски кандидат, за жал, во минатото лесно достижен, а сега само посакуван број гласови. Затоа, за нас оваа вештачка победничка еуфорија, која по наредба ја глумат стотина партиски лица, не може да ја намали одговорноста за неуспехот на овие избори ниту, пак, да ги покрие лошите и штетни досега водени калкулантски политики на наметнатото грујовистичко раководство. Доколку Мицкоски и неговата најблиска партиска братија послушаа барем дел од нашите досегашни добронамерни укажувања и совети, доколку пратениците на ВМРО-ДПМНЕ постапеа по барањето на Фракцијата, навреме да поднест оставки во Собранието на РМ, и доколку Мицкоски при неговата прошетка низ Македонија не бегаше од искажување јасен став за договорот од Преспа и за референдумот, а наместо тоа говореше за загадениот воздух и маглата (читај: му продаваше ветер и магла на чесното членство), немаше да ни се случат преспанскиот договор, распарчување на пратеничкта група, селективната амнестија, како и насилната промена на Уставот и името на нашата држава. Истовремено, ќе имавме можност да победиме на издејствуваните предвремени парламентарни избори, како и да составиме вмровска влада“, се вели во отвореното писмо.

Очигледно, велат од Демократската фракција на ВМРО-ДПМНЕ, дека овие добронамерни совети и укажувања беа послаби од влијанието и советите на бегалецот од Будимпешта, од сервилноста и понизните ветувања пред еврокомесарите во заминување наспроти националното и личното достоинство.

„Калкултантските, непринципиелни и погубни политики на актуелното раководството на ДПМНЕ дојдоа до израз со кандидатурата на либералката Силјановска (поранешен соработник на Б. Црвенковски), а свое финале, по сè изгледа, ќе добијат во вториот круг на претседателските избори. Испиленото кукавичино јајце во гнездото на ДПМНЕ и партиските камикази, учествувајќи во вториот круг на претседателските избори, ќе го запечатат за навек историскиот пораз на ДПМНЕ од Заев и неговите соработници. За да не се случи тоа, деновиве што се пред нас ја даваат последната шанса да се поправи барем дел од лошо водените политики. За свесно и намерно сторените грешки во корист на политичкиот противник, а на штета на државата и партијата, Мицкоски и неговата партиска братија треба да сносат политичка одговорност. Но, поради чесната и искрена желба да се спасат понатамошната деградација и обезличувањето на партијата и државата, како и да се сопре опасноста од апсолутната власт на СДСМ и ДУИ, Демократска фракција јавно му нуди на Мицкоски гаранција за неговата партиска позиција и фотелја во замена за повик на бојкот на вториот круг на изборите. Со повикот на бојкот Мицкоски има шанса од некредибилен и неавторитетен шеф на опозицијата да стане вистински опозициски лидер, да ја обедини партијата и да ја реализира својата премиерска амбиција. Сега е вистински и последен момент со повик за бојкот на вториот круг од изборите ВМРО-ДПМНЕ да издејствува нови претседателски и вонредни парламентарни избори, со цел на нив убедливо да се победи, како и да се спречи сè поголемата уцена од партиите на дел од етничките заедници во државата. Новите претседателски и парламентарни избори се последна шанса партијата да се врати на патот на пристојноста, патриотизмот и достоинството, потпрени на вредносен компас, препознатлив по личната чест и посветеност кон татковината и нацијата, кои ги обединуваат мислата, зборот и делото, а не личните и егоистички или туѓите намери и интереси“, пишува во отвореното писмо.

Прикажи повеќе...

Соопштенија

ВМРО-ДПМНЕ: Резултатите од првиот круг покажаа дека во моментов сме најголема политичка сила во земјава

Објавено пред

Зоран Заев и власта се целосно делегитимирани и ВМРО-ДПМНЕ е на чекор од победа на претседателските избори, констатирано е на вечерашната седница на Централниот комитет на ВМРО-ДПМНЕ на која што се анализирал исходот од првиот круг на изборите за претседател.

„Резултатите на првиот круг на изборите покажаа дека ВМРО-ДПМНЕ во моментов е најголемата политичка сила и ја има поддршката од домашната и од меѓународната јавност, а наскоро по победата на претседателските избори ќе ја води државата“, се наведува во партиското соопштение.

Членовите на ЦК го поздравиле резултатот постигнат на првиот круг на претседателските избори, при што изразиле целосна подготвеност и решеност да се поминат и последните милиметри до конечна победа на изборите.

„Анализата на добиените гласови по општини и изборни единици покажуваат победа на ВМРО-ДПМНЕ во 47 општини, што се должи на успешното препознавање на програмата на ВМРО-ДПМНЕ и на волјата на граѓаните да расчистат со криминалните политики на власта. Незадоволството на граѓаните е големо, расте со секој изминат ден и тоа ќе биде изразено на денот на изборите. Ниеден притисок, ниедна уцена од апсолутистичката власт не е посилно од сувереноста на гласот зад параванот. Оттука, упатен е апел до неопределените и оние кои не излегоа на гласање на првиот круг на овие избори, а не се согласуваат со политиките на власта, на вториот круг да излезат и да дадат поддршка за Гордана Сиљановска Давкова“, стои во соопштението од опозициската партија.

Од страна на Централниот комитет била упатена и покана до сите поранешни функционери и видни личности од ВМРО-ДПМНЕ на сите нивоа, да се вклучат и да помогнат во изодувањето на, како што се вели, последните милиметри до победа на Претседателските избори 2019.

Прикажи повеќе...

Соопштенија

(Видео) Здравковски: Граѓаните имаат моќ да направат разлика, татковината не го заслужува ова што ѝ се случува

Објавено пред

Првиот круг од претседателските избори беше процес во кој за првпат сме сведоци за една слаба излезност и апатија од страна на граѓаните, како во општина Велес, така и во цела држава, рече на прес-конференција Игор Здравковски, претседател на ОК на ВМРО-ДПМНЕ Велес.

Според него, малата излезност се должи на две работи кои се случуваат во последните години.

„Првата работа е немањето визија за иднината, немање никакви инвестиции, немање желба за подобар стандард на граѓаните и слух за нивните проблеми. Втората причина за мала излезност, според нас, е носењето на штетни одлуки и непочитувањето на волјата и одлуките на народот во последните 2-3 години“, истакна Здравковски.

Тој порача дека како партија се согласуваат со зборовите на лидерот на СДСМ, дека граѓаните и политичарите треба да носат тешки одлуки, но не се согласуваат со тоа дека одлуките треба да бидат штетни за граѓаните.

„Сите сме сведоци дека и покрај поразот на парламентарните избори, СДСМ благодарение на ‘чадорот’ и ‘криминалците од ДУИ’, како што ги нарекуваа тие, ги узурпираа институциите. И покрај волјата на народот на 30 септември, најдоа начин да не ја испочитуваат нивната одлука. И покрај волјата на народот во однос на договорите со Бугарија, Тиранската платформа и договорот од Преспа, тие останаа глуви на неговите барања. Повеќе никој не верува во правниот систем“, нагласи претседателот на ОК на ВМРО-ДПМНЕ од Велес.

Тој на граѓаните им порача дека можат да направат разлика, да казнат или наградат одлука на секој што бара поддршка од нив.

„ОК на ВМРО-ДПМНЕ од Велес, ви честита за правилниот избор во првиот круг. Но, пред конечната одлука за тоа кој сакаме да ни биде претседател на нашата татковина Република Македонија, има уште две недели. Овие денови ќе има закани, притисоци, убедувања дека сè е решено. Ве молам да издржите, да издржиме сите заедно и да донесеме повторно уште поголема победа за Македонија“, истакна Здравковски додавајќи дека татковината заслужува достоинство и многу повеќе од она што ѝ се случува во овие моменти.

Прикажи повеќе...

Најново

Македонија13 минути

Финансиската полиција денес добила пријава за контрола на работењето во ИВЗ

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека...

Македонија19 минути

Бузаку: Објектот на ИВЗ е под окупација

Самопрогласенот поглавар на Исламската верска заедница, Скендер Бузаку, кој е назначен на оваа функција со решение од Судот, во изјава...

Македонија48 минути

ИВЗ: Невозможно е Реџепи да се сретне со Бузаку

Портпаролот на Исламската верска заедница, Агрон Војника, за „Макфакс“ вели дека е невозможно реисот Сулејман Реџепи да оствари средба со...

Македонија2 часа

Комисијата за односи со верските заедници демантира вмешаност во превирањата во ИВЗ

Комисијата за односи со верските заедници и религиозни групи демантира каква било вмешаност во настаните во Исламската верска заедница. Од...

Свет2 часа

(Видео) Ким Џонг-ун со блиндиран воз пристигна во Русија

Севернокорејскиот лидер Ким Џонг-ун со блиндиран воз пристигна во Русија, каде што утре во Владивосток ќе се сретне со рускиот...

Македонија16 часа

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет22 часа

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија23 часа

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ23 часа

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ23 часа

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија1 ден

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија1 ден

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет1 ден

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион1 ден

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет1 ден

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет1 ден

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Топ2 дена

(Видео) Дац му подари метла на Заев, премиерот возврати – чистка ќе има

Актерот Драган Спасов Дац на вечерашната трибина на СДСМ во Карпош му подари метла на премиерот Зоран Заев, порачувајќи му...

Европа2 дена

Курц ја осуди песната во која мигранти се споредуваат со стаорци

Aвстрискиот канцелар, Себастијан Курц, побара од помалиот партнер во владејачката коалиција, десничарската Партија на слободата на Австрија, да се дистанцира...

Избори 20192 дена

(Видео) Поништено гласањето на избирачко место во Ѓорче Петров, имало вишок гласачки ливчиња во кутијата

Три гласачки ливчиња повеќе во кутијата од бројот на гласачи нотира Државната изборна комисија во едно избирачко место во општина...

Свет2 дена

Кои се жртвите во Шри Ланка: Деца, познати готвачи, келнери, политичари…

Во терористичките напади во Шри Ланка загинаа најмалку 290 луѓе, а повеќе од 500 се повредени. Меѓу нив, повеќето луѓе...

Досие