Христијан Мицкоски со денови е гласен за одредени тендери, за фабрикувани лаги и конструирани случаи, но никаде го нема кога треба да се зборува за струјата од неговите хидроцентрали, соопшти СДСМ.

„Мицкоски е познат по своите бизниси со хидроцентрали, тоа е факт што никој не може да го побие, тоа го потврдуваат и официјални документи од институции. Денес, самиот тој тврди дека бил загрижен, дека било криза, дека се живеело лошо додека тој се кара внатре во ВМРО-ДПМНЕ за тендери и провизии.

Ако навистина е загрижен за енергетиката и за економскиот стандард, тогаш зошто Мицкоски не сака да им ја отстапи произведената електрична енергија на граѓаните? Ете му шанса на Мицкоски да покаже одговорност во време на светска економска и енергетска криза.

Или провизии се дел од причината зошто се молчи?

СДСМ за само пет години ги зголеми платите на вработените во основното и во средното образование 36 проценти. Од друга страна, ВМРО-ДПМНЕ за 11 години ги покачи платите на наставниците за 4 отсто, се вели во соопштението од СДСМ.

Од партијата додаваат дека од 2017 година платите во основното и средното образование се поголеми за повеќе од една третина. Само со последното покачување, од септември годинава, околу 32.500 вработени во основното и средното образование добиваат плата повисока за 15 отсто. Тоа е зголемување во просек од речиси 3.000 денари од вработен.

СДСМ и во време на кризи, здравствена, економска, енергетска, вистински се грижи за учениците, наставниците и за образовниот систем, се вели во соопштението.

Во РЕК „Битола“ во полн ек е ремонтот на Блокот 1. Во активностите се вклучени вработени на комбинатот и стручни лица од домашни компании.

Поради енергетската криза во државата и Европа, ремонтите на блоковите во РЕК „Битола“ годинава ќе бидат изведени за помалку од 30-ина дена наместо вообичаените 45 и повеќе. Фокусот е ставен на највиталните делови од постројките, кои по техничко-технолошкото освежување, треба да обезбедат стабилност на производството.

Ремонтот на Блокот 1 на РЕК „Битола“ предвидено е да заврши до 15 октомври по што ќе следуваат исти активности и на Блокот 2. Во меѓувреме, се очекува да пристигне трансформаторот за Блокот 3 по што РЕК „Битола“ би продолжил со работа со полн капацитет.