Контакт

Соопштенија

ВМРО-ДПМНЕ на сите граѓани на Република Македонија им го честита Денот на државноста 8-ми Септември

Објавено пред

ВМРО-ДПМНЕ на сите граѓани на Република Македонија им го честита Денот на државноста 8-ми Септември. Пред 27 години се оствари вековниот стремеж за независна и суверена Република Македонија. Овие 27 години, генерации дејци, уметници, интелектуалци, буквално секој вградуваше по некое камче во мозаикот промовирајќи ја Македонија низ светот, стои во честитката.

„Стекнавме стотици пријатели кои и покрај сите блокади го почитуваа нашиот идентитет и правото на самоопределување и не признаа под уставното име. Генерации политичари се бореа за заштита на националните и државни интереси штитејќи ја културата, историјата и традицијата. Сите досега одолеваа на притисоците, не ја свиткаа кичмата и не ги прифатија грчките црвени линии. Се бореа за просперитетна Македонија која ќе ги достигне европските стандарди, штитејќи го сопственото достоинство. Сите досега се трудеа на идните генерации да им го остават тоа што го наследиле и да гo надградат македонскиот идентитет. Вековниот стремеж на Македонците за суверена татковина беше постигнат на 8-ми Септември 1991 година остварувајќи го со тоа сонот на илјадници Македонци и граѓани на Македонија, кои своите животи ги дадоа за градење на самостојна и суверена држава“, се наведува во честитката на ВМРО-ДПМНЕ.

Македонија, додаваат од ВМРО-ДПМНЕ од својата независност, па до сега, се соочуваше со многу предизвици. Бевме оспорувани и како народ и држава, ни беа негирани нашата химна, знаме, име, валута, армија и полиција, но издржавме, наведуваат од ВМРО-ДПМНЕ.

„Успеавме да ги надминеме сите предизвици и блокади, но во исто време станавме помудри и посилни. Во овие 27 години покажавме и докажавме дека само преку сложност, обединетост, сплотеност можеме да направиме многу работи. Заедно сме фокусирани на нови победи со една единствена цел, членството во ЕУ и НАТО, како врвна стратешка цел“, велат од партијата, и додаваат дека за жал и после 27 години повторно се соочуваме со можеби најголемиот предизвик.

Се отворија прашања кои задираат во нашиот идентитет, нашиот јазик и нашата култура, и не смееме, велат од ВМРО-ДПМНЕ да дозволиме реализација на антидржавните и антинационални политики, чии последици би ги чувствувале многу генерации после нас.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија

Движење Беса: Државата е негостопримлива кон иселениците и ги апси оние кои ги пречекуваат

Објавено пред

Државата не обезбедува гостопримство за иселениците и се обидува да ги задуши активностите на активистите на младинскиот форум на Движење Беса, велат од оваа партија откако биле уапсени нивни членови кои организирале пречек за иселениците во западна Европа.

„Притисокот на полицијата на СДСМ и ДУИ, доведе до апсење на некои од активистите на Движењето БЕСА. Симболичната акција има за цел да им обезбеди најтопло гостопримство на иселениците во нивната татковина, бидејќи тие се целосно занемарени од државата“, се наведува во партиското соопштение.

Од Движење БЕСА велат дека полицијата спроведува насилство и повикуваат на итно ослободување на нивните активисти.

Прикажи повеќе...

Соопштенија

Трипуновски: Додека надлежните уживаат во климатизирани кабинети, земјоделците се на раб на егзистенција

Објавено пред

Млади луѓе кои што сакале да инвестираат во земјоделскиот сектор ми кажуваат дека се длабоко разочарани од игнорантскиот однос и од претходниот министер Николовски и од сегашниот односно негов наследник Димковски, рече членот на ВМРО-ДПМНЕ, Цветан Трипуновски, при посета на битолскиот регион и селотo Егри.

„Еден од главните проблеми кои се истакнува на овие средби е доцнењето на исплатата на средства од јавните повици кои што ги имаше платежната агенција и Министерството за земјоделие, тоа се повици за млад земјоделец и повиците за ИПАРД финансирањата“, посочи претставникот на опозициската партија.

Трипуновски кажа дека луѓето се длабоко разочарани бидејќи и после 9 месеци од дадените апликации во платежната агенција и во министерството се уште немаат никаков одговор, ни дали се добитни, ни дали се одбиени од јавниот повик.

„За жал морам да пренесам дека некои од нив размислуваат да ја напуштат Република Македонија, затоа што овој игнорантски однос едноставно ги доведува до раб на егзистенција нив и нивните семејства и се принудени да ја бараат својата егзистенција надвор од границите, тоа е жалосно и не треба да биде така“, порача тој во обраќањето.

Претставникот на ВМРО-ДПМНЕ ја искористи приликата директно од терен и меѓу засегнатите да ги повика власта, министерството и директорот на платежната агенција да излезат меѓу земјоделците да ги слушнат нивните проблеми, а не како што кажа, само да уживаат во нивните климатизирани кабинети.

Прикажи повеќе...

Соопштенија

Грчева: Уценетите „бизнисмени“ да не се прикажуваат како жртви, а украдените пари да се вратат во буџетот

Објавено пред

Најновата мега афера со рекет во кој се вклучени медиумски тајкуни, јавни личности, пратеници од владејачкото мнозинство, а постојат индиции дека СЈО е институцијата која ги давала материјалите за остварување на сопствена корист, е дефинитивно дното кое го достигна оваа власт. Никакви одбрани од новинари блиски до власта, кои сега Заев го прават борец против корупцијата, веќе не фаќаат корен. Јавноста едноставно е свесна дека корупцијата е длабоко навлезена во највисоките ешалони на власта, порача Солза Грчева.

„Ваквото СЈО, на чие чело до вчера беше Катица Јанева, за која постојат сомневања дека е директен учесник во рекетот на ‘бизнисмени’, е сосема компромитирано и како такво не смее повеќе да фрла прашина дека работи на исправање на неправдата. Тоа обвинителство се зафаќаше со неважни предмети, делеше притвори од ракав и со леснотија ги укинуваше на одбрани луѓе. Впрочем, тоа е истото обвинителство кое молчеше кога пред очите им се случуваше непотизам во самата институција. Се вработуваа внуци, пријатели, синови и ќерки на ‘наши луѓе’. Предметите и материјалите мораат да бидат веднаш предадени во редовното ЈО.

Предупредуваме, сега одеднаш и преку ноќ, уценетите ‘бизнисмени’ да не се прикажуваат како жртви. Да, тие биле жртви на рекет, но постапките против нивните незаконски активности мораат да продолжат. Украдените пари, ако тоа се докаже, мораат да завршат во буџетот“, истакна Грчева.

Глас за Македонија бара итно воспоставување на правна држава, а сите инволвирани во овој случај неселективно да завршат со судски пресуди. За ваква мега афера, додаде Грчева, најсоодветно е целата Влада да си даде оставка и да се распишат итно предвремени парламентарни избори.

За ова што сега им се случува, не постојат олеснителни околности. Точно поради овој висок тип корупција, ЕУ нема да ни додели датум за преговори. Од Европска Македонија, остана само Искрадена Македонија!, оценува Грчева.

Прикажи повеќе...

Најново

Свет3 часа

Половина век од првото слетување на Месечината

Во Америка со низа манифестации денеска се одбележува 50-годишнината од слетувањето на Месечината на американските астронаути, Нил Армстронг и Баз...

Свет4 часа

Путин: Го симпатизирав Трамп на изборите во 2016, што има тука лошо?

Рускиот претседател, Владимир Путин, изјави дека го „симпатизирал“ Доналд Трамп како кандидат на претседателските избори во 2016 година, бидејќи Трамп...

Македонија5 часа

На преминот „Богородица“ за излез од државата се чека и по еден час

Интензитетот на сообраќај на патните правци надвор од градските средини е зголемен, велат од Авто-мото сојузот на Македонија (АМСМ) во...

Свет6 часа

Расте напнатоста поради запленетиот танкер, британски министер го предупреди Иран

Британскиот министер за надворешни работи, Џереми Хант, денеска изјави дека инцидентот со нафтениот танкер во Ормускиот проток може да биде...

Македонија9 часа

Заев го промени телефонскиот број, дел од неговите соработници ќе бидат отпуштени

Премиерот Зоран Заев и неговиот Кабинет воведуваат мерки за зголемување на безбедноста и ефикасноста во спроведувањето на агендата и комуникациите....

Македонија10 часа

За ВМРО е прифатливо припојувањето на СЈО и ЈО, но не се согласуваат со предлогот за Русковска

Портпаролот на ВМРО-ДПМНЕ, Димче Арсовски изјави дека спојувањето на СЈО во ЈО во едно обвинителство, на некој начин е практично прифатливо...

Македонија12 часа

Охрид нема да ги враќа ингеренциите, туку проблемот со дивоградбите ќе гo решава заедно со Владата

Општина Охрид соопшти дека досега нема испратено официјално барање до Владата во врска со изземање или отстапување на ингеренции во...

Македонија13 часа

Возило со 34 лица од Авганистан се превртело кај Демир Капија

Товарно возило во кое имало 34 лица од Авганистан, се превртело вчера на патниот правец Демир Капија – Неготино, кај место викано...

Македонија14 часа

Подметната бомба во кафуле во Прилеп за време на „Пивофест“

Во кафе барот „Кафе Ин“ синоќа околу 23.30 часот била подметната бомба. Од Јавното обвинителство соопштија дека во присуство на...

Регион14 часа

Мета: Горд сум на Харадинај и убеден во неговата невиност

Aлбанскиот претседател Илир Мета, по неотповикливата оставка на косовскиот премиер Рамуш Харадинај нагласи дека не постоeел притисок кој може да го скрши,...

Македонија15 часа

Објавен новиот предлог-закон: СЈО и ОЈО за организиран криминал ќе се спојат во ново јавно обвинителство

Министерството за правда подготви нов Предлог-закон за Јавно обвинителство во кој се здружуваат постојните капацитети на СЈО и Основното јавно...

Македонија1 ден

Мицкоски на состанок со Беса: „Ја договоривме заедничката борба против актуелната власт“

Претседателот на ВМРО-ДПМНЕ, Христијан Мицкоски, заедно со генералниот секретар Игор Јанушев оствари средба со претседателот на Движењето Беса, Биљал Касами,...

Македонија1 ден

(Видео) За премиерот Заев, Кики и Фрики не постојат

Кики и Фрики за мене не постојат, објавете ги со име за да може да ве тужат, рече премиерот Заев...

Македонија1 ден

Власта предлага СЈО да се интегрира во Обвинителството за гонење организиран криминал и да го води Русковска

Владата ќе достави нов предлог-закон за Јавното обвинителство според кој специјалното јавно обвинителство ќе се интегрира во Обвинителството за гонење...

Македонија1 ден

(Видео) Просветниот инспекторат има 7 дена да одлучи за дисциплинската мерка за инспекторот Илиевски

Дисциплинската комисија му предложи на директорот на Држaвниот просветен инспекторат да одлучи во рок од 7 дена дали ќе го...

Македонија2 дена

Градоначалникот на Струга се откажа од ингеренциите за издавање дозволи за градба

Градоначалникот на општина Струга, Рамиз Мерко, ѝ ги отстапи на Владата ингеренциите во делот на издавање дозволи за градба, легализација...

Македонија2 дена

Владата: Откажана лидерската средба, не прифаќаме ултиматуми од Мицкоски

Лидерската средба што беше планирана за денеска, дефинитивно, нема да се одржи. Од Владата велат дека причината за откажување на...

Македонија2 дена

Новинарите избркани од зградата на Државниот просветен инспекторат

Половина час по почнувањето на седницата на дисциплинската комисија во Државниот просветен инспекторат, на која се расправа за постапката на...

Македонија2 дена

Северна Македонија и Јужна Кореја воспоставија дипломатски односи

Јужна Кореја официјално воспостави дипломатски односи со Северна Македонија, објави Министерството за надворешни работи во Сеул, пренесе новинската агенција „Јонхап“....

Свет2 дена

Осомничениот го запалил студиото за анимација во Кјото зашто му украле идеја

Четириесет и едногодишниот маж, кој е осомничен дека го подметнал пожарот во студиото за анимација во Кјото, Јапонија, во кој...

Досие