Контакт

Соопштенија

Генералниот директор на „Алкалоид“ панелист на „Трансформација 28“ во организација на „Црвен крст“

Објавено пред

Генералниот директор и Претседател на Управниот одбор на „Алкалоид“, Живко Мукаетов, беше говорник на панел-дискусијата насловена „Градење на здраво и безбедно општество и потребата од ефикасно мобилизирање на ресурси за одговор на современите хуманитарни предизвици“, во рамките на настанот насловен „Трансформација 28“, во организација на „Црвен крст на РСМ“. На темата за досегашната соработка и за корпоративните модели за општествена одговорност кои би биле делотворни во рамките на процесот „Трансформација 28“, Мукаетов ги истакна реализираните активности на компанијата во соработка со „Црвен крст“, потенцирајќи го виталното значење на оваа организација, особено во делот на брз хуманитарен одговор во општеството.

dobivaj vesti na viber

„За нас како компанија и за мене како поединец ‘Црвениот крст’ е синоним за хуманост, солидарност, човечност и поддршка. Место од каде се подава рака на секого кому му е потребна помош, отворена врата за најранливите општествени слоеви и стартна позиција на секој поединец или компанија кои сакаат да бидат општествено одговорни“, истакна Мукаетов.

Изминативе години „Алкалоид“ има спроведено повеќе активности во соработка со „Црвен крст на РСМ“ и со „Црвен крст на Град Скопје“, како во делот на социјално-хуманитарната дејност така и на полето на крводарителството. Во рамките на компанијата повеќе од 50 години активно фунционира Друштвото на крводарители, а само во последните 15 месеци „Алкалоид“ организираше три крводарителски акции, во чии рамки беа собрани повеќе од 400 единици крв. Покрај тоа, во 2013 година „Алкалоид“ го помогна реновирањето и ребрендирањето на Дневниот центар за дарување крв и континуирано дава придонес во неговото тековно функционирање. Во компанијата изминатиот период беа спроведени и две масовни акции за донирање облека на неколку собирни пунктови на трите локалитети на „Алкалоид“, кои резултираа со собрани повеќе од 3000 килограми облека со добра употребна вредност.

Проектот „Водич во болница“ е, исто така, еден од општествено корисните проекти спроведени во соработка со „Црвен крст“, инициран во 2019 година, а кога станува збор за елементарните непогоди во земјава и во регионот, по апел на „Црвен крст“, „Алкалоид“ сесрдно дава своја поддршка и придонес. Бездомниците, бегалците и мигрантите се, исто така, многу горливи категории, при што компанијата помага во смисла на одржување и на задржување на интегритетот на луѓето кои против своја волја биле принудени да живеат поинаку. Една таква поголема акција наменета за овие ранливи категории, во рамките на „Алкалоид“, беше спроведена во 2015 година, кога на организираниот хуманитарен пикник, отворен за сите вработени во компанијата, беа собрани повеќе од 750.000 денари, кои му се донираа на „Црвен крст“. Проект кој компанијата ќе го започне периодов е партнерството со организацијата во новиот сервис „Црвен крст – санитетски транспорт за лицата во трето доба“.

Општествената одговорност е нераскинлив дел од деветдецениската историја и традиција на „Алкалоид“. Компанијата и Фондацијата „Трајче Мукаетов“ на разни начини помагаат во развојот на македонското здравство и фармација, културатa, на спортот, образованието и на другите сфери од поширокото опшествено опкружување.

„Помагањето на луѓето на кои им е потребна помош ќе нè направи побогати за едно убаво искуство, а тоа е сознанието дека сме направиле добро дело. Хуманоста, човековата солидарност, емпатијата, меѓусебното разбирање, а во исто време и почитувањето на различностите кај луѓето

се вредности во кои јас сум бил воспитуван и кои ги пренесувам на моите деца“, истакна Мукаетов на крајот на своето обраќање.

На панел-дискусијата учествуваа и министерот за здравство, д-р Фатмир Меџити; министерката за труд и социјална политика, Јована Тренчевска; претседателот на „Црвен крст на Република Србија“, д-р Драган Радовановиќ, и Армен Грегоријан, постојан претставник на УНДП во земјава. Развојната рамка на „Црвен крст на РСМ“ „Трансформација 28“ најави реформи и реорганизација на националното друштво, таргетирајќи четири области: реорганизација на инфраструктурата, односно на организациската поставеност на „Црвен крст“, културолошка трансформација, дигитализација, како и реорганизација на програмите на „Црвен крст“.

(ПР)

Соопштенија

Бекутанова работилница за родители со бренд амбасадорот Тарик Филиповиќ: Секој маж може да стане родител, но не може секој да биде ТАТО

Објавено пред

– Родителството, несомнено, е најважната и најубавата животна улога, проследена со голем број предизвици со кои се соочуваат мајките и татковците од раѓањето на бебето. Таа улога е толку драгоцена со сите свои предизвици, што, иако акцентот за грижата и за негата околу новороденото бебе, главно, е на страната на мајката, сѐ повеќе се согледува важноста на татковците, па се истакнува значењето на нивното активно учество во развојот на бебето од неговото раѓање. Татковците на некој посебен начин се поврзуваат со новороденото бебе, па со своето присуство создаваат нераскинлива поврзаност, која трае цел живот. Сето ова беа темите на овогодишната Бекутанова работилница за родители, која се одржа во прекрасната Magnolia Slastice, со познати татковци и со голем број мајки. Сѐ за најубавата улога во животот, татковската улога, ни раскажаа Стјепан Вукадин, Фабијан Павао Медвешек и д-р Натко Бек, заедно со д-р Диана Пужевски, со модераторот Мирна Медаковиќ Степинац и со специјалниот гостин Тарик Филиповиќ, кој по раѓањето на својот син покажа неизмерна доверба во „Бекутан“ и стана негов горд бренд-амбасадор.

dobivaj vesti na viber

Колку е важна, но и најубава улогата на татко нагласи Тарик Филиповиќ, првиот бренд-амбасадор на „Бекутан“: „Велат дека е лесно маж да стане родител, но треба многу повеќе за да стане ТАТКО! Фигурата која јас ја паметам како најголем морален и човечки авторитет и пример. Сето пропуштено при растењето на детето тешко можеш да го надоместиш, а детето кога ќе стане возрасен човек, ќе памети многу од она што не си го пропуштил. И тоа неретко го формира како личност и го насочува понатаму во животот. Но, со сета должна почит спрема нас татковците и спрема нашите татковци, мојот наклон оди за едната и единствена – МАЈКАТА!“

 Значењето и важноста на рамнотежата во родителството ги нагласи д-р Натко Бек: „Сите ние правиме грешки, но и учиме од грешките и се трудиме да го направиме најдоброто во дадениот момент. Важно е да се едуцираме и да увидуваме каде грешиме бидејќи тоа нѐ прави подобри татковци! Важен е балансот во родителството. Татковците и мајките треба рамноправно да учествуваат во растењето на детето од неговото раѓање.“

„Овогодишната Бекутанова работилница ја имаше темата за улогата на татковците во растењето на децата од првите денови, со акцент врз предизвиците што ги носи родителството, а во контекст на поттикнување позитивно и рамноправно родителство. ’Бекутан’, како и секогаш, е во чекор со времето, па покани и познати татковци за да ги споделат своите искуства со породилното отсуство, но и за да кажат збор-два за поврзувањето со своите деца. Сите беа согласни дека улогата на таткото во растењеето на детето е неизмерно важна“, изјави реномираниот педијатар д-р Диана Пужевски.

ПР текст

Прикажи повеќе...

Соопштенија

VIVATECH 2024: PEUGEOT со Hypersquare, Peugeot ја дизајнира иднината во насока кон целосно уживање при возењето

Објавено пред

PEUGEOT, главен играч во полето на технолошките иновации, го „електрифицира“ VivaTech со својот смел концепт-автомобил INCEPTION, воведувајќи нова ера на електрична мобилност. На својот штанд, PEUGEOT ќе ја претстави и својата визија за иднината олицетворена преку револуционерниот Hypersquare управувач, кој ќе го редефинира возачкото искуство за во иднината и истиот претставува репрезент на најсовремените иновации денес.

dobivaj vesti na viber

ALLURE: за прв пат пред француската јавност, ќе биде претставен INCEPTION концепт-автомобилот.
EMOTION: Hypersquare управувачот радикално го трансформира искуството и задоволството при возење.
EXCELLENCE: PEUGEOT е лидер во технолошките иновации во Европа.

Надоврзувајќи се на повеќе од 200 години искуство во иновациите, PEUGEOT има за цел повторно да ја оживее одржливата мобилност на иднината, ставајќи ги задоволството при управување со автомобил и емоциите, на прво место кај корисничкото искуство.

На VivaTech 2024, претставници од врвното раководство на брендот PEUGEOT ќе ја презентираат стратегијата за иновации. Средби ќе се одржат четири пати и тоа секој ден на штандот на PEUGEOT, во 10:30, 12:00, 14:30 и 16:00 часот.

Иновацијата на PEUGEOT се однесува на технолошката креативност поврзана со реалноста, задоволување на реалните потреби на клиентите и зголемување на задоволството при возењето. На VivaTech 2024, PEUGEOT ја претставува својата визија за автомобилот на иднината со концепт-автомобилот INCEPTION и неговиот револуционерен управувач Hypersquare.

КОНЦЕПТ-АВТОМОБИЛ PEUGEOT INCEPTION: ЕЛЕКТРИЧНА МОБИЛНОСТ НА ИДНИНАТА

Концепт-автомобилот PEUGEOT INCEPTION е одраз на оптимистичката визија на PEUGEOT за одржлива мобилност во иднината. Претставен беше на CES во Лас Вегас, а сега на VivaTech 2024 ќе биде за прв пат презентиран ѝ пред француската јавност.

PEUGEOT INCEPTION CONCEPT отвора нова ера и ги најавува идните електрични возила на брендот. Создаден со нов дизајнерски јазик, ова возило доминира со лавовски и привлечен став, револуционерен внатрешен дизајн и ветувања за невидени возачки сензации.

PEUGEOT INCEPTION CONCEPT ги реинтерпретира гените на брендот. Тој е поедноставен и поелегантен, со завршна обработка и текстури се достојни за дигиталниот свет. Овој нов дизајн осцилира помеѓу сензуални линии и спортски облини, погеометриски и остри површини.

100% електричниот PEUGEOT INCEPTION CONCEPT е опремен со технологија од 800V. Неговата батерија од 100 kWh му овозможува да помине 800 km само со едно полнење.

Внатрешноста на INCEPTION CONCEPT прикажува низа нови техники кои PEUGEOT ќе ги примени за да ја исполни посветеноста на STELLANTIS да го намали својот јаглероден отпечаток за повеќе од 50% до 2030 година во споредба со 2021, а до 2038 година ќе постане бренд со гама на возила без емисии:

• Ре-произведен текстил: во дизајнерскиот центар за прототипи, исечоци од 100% полиестерска ткаенина поминуваат преку процес на термо-компресија под вакум, со вбризгување на врзивно средство во форма на смола.

• Спој на кадифе и 3D печатење: тапацирот на седиштата и подот е создаден од специјално и 100% рециклирано полиестерско кадифе, испечатено со 3D шари.

• Подлога Air Quilting®: удобноста на седиштата е зголемена со присуството на специјални подлоги кои прецизно можат да се прилагодат на нивото на рамената. Овој електро-тапацир создаден од едно парче на материјал е лесен за рециклирање.

КУЛТНИОТ PEUGEOT i-COCKPIT® ВО СВОЈА УШТЕ ПОНАПРЕДНА ВЕРЗИЈА, ЌЕ ПРОДОЛЖИ ДА ЖИВЕЕ ПРЕКУ HYPERSQUARE

Во изминатите 12 години, преку 12 милиони возила се опремени со PEUGEOT i-Cockpit®. Тој е симбол на иновациите на PEUGEOT и сакан од клинетите, бидејќи им овозможува уживање при возењето. Сето ова е потврдено, преку спектакуларната најнова генерација на панорамскиот i-Cockpit® претставена кај новите PEUGEOT E-3008 и Е-5008.

PEUGEOT INCEPTION Concept ја најавува најновата генерација на i-Cockpit®, со целосно осмислена архитектура која ќе ги замени традиционалниот управувач и палките со Hypersquare управувачот, кој е инспириран од дигиталниот и од светот на видео игрите.

Hypersquare ќе допринесе, говорот на телото при управување да биде поедноставен и поинтуитивен. Со едноставно кликнување или допир со врвовите на прстите, без да се отстрануваат рацете од управувачот, возачот ќе може да управува со сите параметри од возилото. Hypersquare е оживеан благодарение на технологијата „steer-by-wire“ што го прави возењето поинстинктивно и поедноставно.

Контролата при управување со Hypersquare е надополнета со флексибилен дисплеј, кој прикажува податоци за возењето или информации од инфозабавниот свиен систем за 360 степени. Овој HALO CLUSTER, преку својот кружен екран, обезбедува информации за возачот и патниците додека се приближуваат до автомобилот. Оваа надворешна комуникација го зајакнува концептот на споделување податоци и создава нова визија за автомобилот.

Hypersquare со дигитални електрични контроли се состои од екран со кружни ќелии на секој од неговите четири агли, кои имаат повеќе функции:

• Целосно природен и универзален стисок на управувачот.
• Удобност при возење со врвовите на прстите.
• Активирање на контролите на возилото со едноставни импулси на палецот.

Возачот ќе открие гестикулации слични на тие кај паметните телефони. Овој интуитивен аспект води до повисоко ниво на безбедност.

Центарот на Hypersquare управувачот се состои од екран како таблет, посветен на прикажување податоци за контролите. Различните функционалности како на пример: клима, јачина на звук на радио, системи за помош при возење и тн., се прикажани на двата странични дела, со цел да се олесни пристапот до командата која се избира. Командите вгнездени внатре во кружните ќелии се достапни преку едноставно движење само на палецот и без ослободување на управувачот. За уште поголема удобност при возењето, обложувањето на Hypersquare управувачот е направено со 3D печатење, додека пак дигиталниот стаклен екран дава високотехнолошки и луксузен изглед.

PEUGEOT Hypersquare управувачот и најновата генерација на i-Cockpit®, кои ќе предизвикаат револуција кај емоциите и зголемено задоволство при возењето, ќе бидат имплементирани ѝ во претстојните возила на брендот PEUGEOT до 2026 година.

ПОДАТОЦИ И ПОВРЗАНИ УСЛУГИ СО MOBILISIGHTS
На својот штанд на VivaTech 2024, PEUGEOT ќе им посака добредојде на Mobilisights. Овој оддел на групацијата Stellantis, специјализиран за дата-податоци (DaaS), обезбедува пристап до податоците од далечина, од поврзаните возила на PEUGEOT и други брендови на групацијата.

Податоците колектирани од Mobilisights овозможуваат персонализирање на искуството на возачот преку иновативни услуги и апликации од партнерски еко-систем од трето лице, со цел да се подобри секојдневниот живот на возачите, секогаш и само со нивна согласност.

На пример, податоците на Mobilisights може да се користат за развивање интуитивни апликации за сопствениците на електрични возила кои го поедноставуваат полнењето, овозможуваат прецизно следење на трошоците на возилото, а истовремено го подобруваат корисничкото искуство.

„ДАЛЕЧИНСКО ВОЗЕЊЕ“ СО VAY

PEUGEOT исто така, ќе го претстави својот партнер “scale-up Vay“ на штандот на VivaTech 2024, со кој PEUGEOT ги истражува потенцијалните апликации за „далечинско возење“.

„Далечинското возење“ се однесува на управување од далечина и функционирањето на возилото. Оваа технологија овозможува ефикасно управување со повеќе возила со само еден возач лоциран во далечина, користејќи мобилно поврзување и сензори како камери интегрирани во возилата.

На VivaTech 2024, PEUGEOT ќе го претстави и „telestation“ на својот штанд, кој ќе им овозможи на висококвалификуваните и сертифицирани „телевозачи“ на “scale-up Vay“ да возат на далечина управувајќи со: управувачот, сопирањето и забрзувањето на возилото. Телестаницата обезбедува преглед во реално време на околината околу возилото, обезбедувајќи целосно извонредна и одговорна контрола.

Оваа технологија овозможува зголемена ефикасност на операциите за испорака, на услугите „кликнете копче, добијте автомобил“, за споделување автомобили и изнајмување автомобили и им овозможува на сопствениците на приватни автомобили од далечина да го преместат своето возило во време и на локација која е потребна.

ПР текст

Прикажи повеќе...

Соопштенија

„Тиквеш“: Продолжува интензивната соработка со лозарите која гарантира висок квалитет и напредок на лозарството и винската индустрија

Објавено пред

Преку интензивна континуирана комуникација и соработка, како и реализација на низа конкретни активности, винарската визба „Тиквеш“ продолжува да го унапредува и зајакнува стратешко партнерство со лозарите, со крајна цел – натамошно подигнување на квалитетот на грозјето и виното, како и унапредување на целокупното лозарство во земјата.

dobivaj vesti na viber

Во рамки на веќе воспоставената платформа за стратешката соработка со лозарите, денеска во „Тиквеш“ се одржа нова средба на која присуствуваа над 150 производители на грозје од тиквешкиот регион.

На овој настан беа презентирани најновите стандарди и техники кои се применуваат во современиот концепт на прецизно лозарство, а кои произлегуваат од податоците што се добиваат од веќе воспоставениот систем за мониторинг и дигитализација во лозарството на „Тиквеш“ и „М6 Аграр“, вклучувајќи и употреба на технологија на вештачка интелигенција (AI), како и од други релевантни меѓународни истражувања.

„Вие лозарите ни требате нам на производителите на вино, но истовремено ние ви требаме вам. Во нас имате искрени партнери кои се подготвени за соработка и со вас ние ги споделуваме сите информации и знаење околу тоа како да се произведе што подобро грозје, а со тоа и подобро вино што ќе се продаде подобро и ќе донесе добивка за двете страни. Нашата заедничка цел е да бидеме што е можно подобар вински регион во светот. Тоа е единствениот пат по кој треба да се движиме“, порача пред лозарите претседателот на Управниот одбор на ВВ „Тиквеш” Светозар Јаневски.

Инаку, на оваа средба лозарите се запознаа со најновите техники за формирање и одржување на лозови насади и управување со т.н. зелена резидба, понатаму со правилната и навремената заштита на лозовите насади од болести и штетници, како и со правилното и прецизно одредување на потребна количина на вода и други практични детали кои се особено важни во процесот на наводнување на насадите.

За сите овие аспекти говореа реномираните меѓународни експерти од оваа проблематика, агрономите Матео Франдоли (Matteo Frandoli) и Карлос Лухан (Carlos Lujan), од консултантската компанија Перлеуве од Италија, како и раководителката на одделот за управување со лозови насади во „Тиквеш“, Александра Ристова. Во оваа прилика таа нагласи: „Ваквите техники и практики кои се темелат на наука, меѓународни стандарди и податоци кои се добиваат од прецизни мерења, ќе овозможат поквалитетно грозје, што е еден од основните предуслови за производство на вино со премиум квалитет по кој се познати и препознаени нашите вина и кој го бараат потрошувачите на домашниот и на високо конкурентните пазари во странство. Истовремено, како водечка винарница во земјата и пошироко, со имплементацијата на современите агрономски техники и практики, даваме придонес и за одржливиот развој на целокупното лозарство во нашата земја, што веруваме дека ќе донесе долгорочни придобивки за сите и ќе го поттикне развојот на целата домашна винска индустрија“.

Покрај едукацијата и стручните совети за постапките во процесот на одгледување и заштита на лозјата, што се одвива во текот на целата година, платформата за стратешката соработка со лозарите на „Тиквеш“ вклучува и други активности, како што се обезбедување заштитни средства со пониски цени, бесплатни анализи на почвата на лозовите насади и долгорочни договори за откуп со стимулативни цени за оние производители кои ги применуваат стандардите и критериумите кои обезбедуваат одгледување грозје со висок квалитет.

ПР текст

Прикажи повеќе...

Најново

Македонија13 часа

Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен

Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот...

Македонија16 часа

Понижувани сме и навредувани, стравуваме дека прозивките ќе преминат во лични напади, реагираат Даштевски и уште петмина од ДИК

Претседателот на Државната изборна комисија (ДИК), Александар Даштевски, и членовите Радица Ристеска, Оливер Ристовски, Борис Кондарко, Бобан Стојаноски и Абдуш...

Македонија16 часа

Рама до Бугарија: Ја блокирате Северна Македонија за да покажете дома колку сте силни, политиката е антиевропска

Албанскиот премиер Еди Рама упати критики до официјална Софија и до сите ЕУ-членки што користат билатерални прашања за блокади на...

Македонија17 часа

Кривичен суд го добил барањето од Палевски за адвокат

Кривичниот суд го добил барањето од Истражниот затвор „Скопје“ во Шуто Оризари за ангажирање адвокат што ќе го застапува осомничениот...

Топ17 часа

Екстрадиран Бесим Красниќи

Министерството за внатрешни работи ја известува јавноста дека полициски службеници од Секторот за меѓународна полициска соработка при МВР и Единицата...

Македонија18 часа

„Европскиот фронт“: Ниту една влада не може да го раскине договорот со конзорциумот „Бехтел и Енка“

„Европскиот фронт“ смета дека е неприфатлив и невозможен чин раскинувањето на договорот со „Бехтел и Енка“. „Ниедна влада не може...

Македонија20 часа

Грчкиот министер: Договорот од Преспа е текст со огромни проблеми, лага е дека сум учествувал во изготвувањето

Грчкиот министер за надворешни работи, Јоргос Герапетритис, негира дека тој или неговата правна канцеларија го подготвиле или учествувале во изготвувањето...

Топ20 часа

Пронашле граната од Првата светска војна и ја однеле во Полициската станица Берово

Регионалниот ЦУК Штип известува дека, вчера, во 12.30 часот, во станицата на Полициската станица Берово беше донесено неексплодирано убојно средство,...

Свет20 часа

Извикал „Робо, дај ми рака“, па пукал кон словачкиот премиер – кој е човекот што стои зад атентатот на Фицо

Словачкиот премиер Роберт Фицо, кој беше застрелан во средата, сѐ уште е во тешка состојба. Според словачките медиуми, се очекува тој...

Свет21 час

(Видео) Напад на синагога во Франција, полицијата го уби напаѓачот

Француската полиција уби вооружен маж, кој се обиде да запали синагога во северозападниот град Руан, соопшти францускиот министер за внатрешни...

Европа22 часа

Орбан: Фицо е меѓу животот и смртта

Словачкиот премиер Роберт Фицо е меѓу животот и смртта два дена по атентатот што ја шокира Европа, изјави унгарскиот премиер...

Свет22 часа

(Видео) Огромно невреме во Хјустон, четворица мртви, градот во мрак: „Не излегувајте“

Силна бура со урагански ветрови го зафати Хјустон вчера, однесе најмалку четири животи, искрши прозорци на облакодери и остави 800.000...

Свет23 часа

Моќната сестра на Ким Џонг-ун за испраќањето оружје во Русија: Тоа е фикција

Ким Јо Јонг, моќната сестра на севернокорејскиот лидер Ким Џонг-ун, повторно негира дека разменилe оружје со Русија, објави државната новинска...

Европа23 часа

(Видео) Украинците ги нападнаа Крим и два руски града, одекнуваат експлозии, избувнуваат пожари

Пристанишниот град Севастопол на окупираниот Крим е нападнат трета ноќ по ред. Десетици беспилотни летала го нападнаа Севастопол и блискиот...

Македонија1 ден

Управен оформи предмети за седумте тужби на „Европскиот фронт“ против решенијата на ДИК

Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК)...

Македонија2 дена

Демири не кажа дали договорците од Токсикологија се стручни: „Тоа прашање требаше да го поставите лани“

Министерот за здравство, Илир Демири не кажа дали осумнаесетте договорци од Токсикологија се стручни, туку рече дека бил загрижен за 18-те...

Македонија2 дена

Разговорите помеѓу ВМРО-ДПМНЕ и Вреди за составот на новата Влада ќе продолжат и во наредниот период

Денес се одржа работна средба помеѓу работните групи на ВМРО-ДПМНЕ и коалицијата Вреди во просториите на седиштето на ВМРО-ДПМНЕ. Од...

Македонија2 дена

Мицкоски: Во моментот ВМРО-ДПМНЕ има консолидирано точно 61 пратеник

При денешното обраќање во рамки на Самитот Македонија 2025 којшто се одржува во хотел Мериот во Скопје претседателот на ВМРО-ДПМНЕ...

Македонија2 дена

Ахмети најнеомилен, а Димитриевски ги надмина Мицкоски и Ковачевски по популарност, според последните анкети

Според објавената анкета на Центарот за aнкетни истражувања на Меѓународниот републикански институт, Максим Димитриевски е политичарот за кој 48 отсто...

Економија2 дена

Германските компании ги испорачаа своите желби до новата влада: „Бизнис-климата е добра, но недостигот на стручни кадри е најголем ризик за инвестирање

Бизнис-климата во земјата е добра или многу добра, но има тренд на благо намалување на планираните инвестиции, а една од...