Контакт

Соопштенија

ДС: Последната мега афера ги потврди оценките дека партизацијата на МВР ја загрозува националната безбедност

Објавено пред

Последната мега афера со издавање пасоши на припадници на мафијата и лица опасни по безбедноста само ги потврди оценките дека партизацијата на МВР и другите безбедносни институции директно ја загрозува националната безбедност и ги кочи евроинтеграциските процеси, велат од Демократскиот сојуз.

„Повеќе од 20 години селекцијата за прием во безбедносните служби ја прават партиите и се доминантни при конечната одлука за вработување, без да се почитуваат цврстите критериуми, базбедносните проверки, тестот на интегритет, здравствената состојба и други параметри клучни за конечната оценка дали некој може да биде дел од највиталните институции во државата“, велат од ДС.

Од таму додаваат дека изостануваат контролни механизми во работата на овие сектори и служби, присутно е одлевање на класифицирани информации до криминалните групи, бизнисмени, а најмногу до политичките партии.

Демократскиот сојуз предлага целосна кадровска обнова или ремонт и анализа на можните злоупотреби, при што како приоритети ги нагласува: прво, да се извршат безбедносни проверки за сите вработени во МВР и другите безбедносни сектори, како и тест-интегритет, здравствената способност, проверка на имотната состојба и досегашната работа и резултатите од работата и да се забрани членување во политичка партија на припадници на службите за безбедност.

ДС предлага да се направи ревизија на издадени државјанства, внесени единствени матични броеви, впишувањата во матичните книги на родените, издадени лични карти, возачки и сообраќајни дозволи, дозволи за поседување и носење оружје, како и издадени обични, дипломатски и службени патни исправи и да се зајакне раководниот тим во МВР со врвни професионалци, да се разработат и имплементираат контролни механизми во работата на сите сектори и МВР да се ослобиди од кадрите кои не ги исполнуваат критериумите за работа во оваа институција.

Соопштенија

СДСМ: Со шарената револуција народот си ја спаси државата

Објавено пред

Со шарената револуција илјадници граѓани во речиси сите градови низ државата си ја спасија државата од канџите на режимот на ВМРО-ДПМНЕ, донесоа слобода и демократија кои денес се почитуваат и унапредуваат во континуитет, велат од владејачката партија СДСМ по повод петгодишнината од почетокот на ова граѓанско движење.

„11 години ВМРО-ДПМНЕ ја држеше државата заробена во режим, криминал, корупција и селективна правда сè додека оваа партија не беше поразена од граѓаните“, истакнуваат од СДСМ од каде додаваат дека политиките на Владата од 2017 година па до денес останале доследни во почитувањето на барањата и заложбите на шарената револуција.

„Денес предметите за висока корупција и организиран криминал се живи и тие добиваат и ќе добиваат судски разрешници, се случуваат сериозни реформи во судството, институциите се транспарентни, професионални и секогаш во служба на граѓаните. Процесот за унапредување на човековите права и слободи, за градење еднакво општество продолжуваат во континуитет како врвна заложба на СДСМ“, се наведува во партиското соопштение.

Од СДСМ додаваат дека ВМРО-ДПМНЕ и денеска како партија знае, како што велат, само за режим, само да брани криминал и да шири лажни вести.

„Граѓаните шест пати ги поразуваат ВМРО-ДПМНЕ и Мицкоски и ќе продолжат да ги поразуваат сè додека од белиот дворец освен одбрана на криминал не нудат ништо друго“, посочуваат од владејачката партија.

Прикажи повеќе...

Соопштенија

ВМРО-ДПМНЕ: Во викенд кога умреа 78 лица од Ковид-19, Филипче и Заев се возеа со мотори во Крушево, Охрид, по течението на Радика

Објавено пред

Додека граѓаните умираат и се заразуваат, Зоран Заев и Венко Филипче си тераат прошетки со мотори, обвини ВМРО-ДПМНЕ.

„Во овој викенд, кога 78 фамилии ги изгубија своите најблиски, овие двајца, кои се најодговорни за катастрофата, цело време шетаа на релации од Скопје преку Крушево, по течението на Радика, Охрид и каде ли уште не.

Овој месец изгубени се над 400 животи во Македонија затоа што Филипче и Заев не набавија навремено и доволно вакцини за имунизација на граѓаните.

Над 10.000 има нови заболени затоа што, наместо епидемиолошката слика, на Филипче и Заев им беа битни партиски избори, настани и попис.

И сега како сосема одлепени од реалноста, Филипче и Заев, без око да им трепне, се развозуваат со мотори низ Македонија во еден од најцрните викенди во ковид-епидемијата.

Срамно и бедно. Но, тие очигледно се оперирани од срам и одговорност бидејќи дозволија Македонија да биде на врвот по смртност и на дното по вакцинација во светот“, се додава во партиското соопштение.

Прикажи повеќе...

Соопштенија

СДСМ: Мерките за помош на економијата даваат резултати

Објавено пред

Официјалните статистички податоци потврдуваат дека мерките за надминување на последиците од корона-кризата, креирани и реализирани до институциите предводени од СДСМ даваат резултати, соопшти СДСМ.

„Со четирите пакети мерки 860 милиони евра завршија директно кај граѓаните и во стопанството.

Во јануари е регистрирано зголемување на просечната плата од 2,7 отсто, како и раст од 0,8 отсто на прометот во внатрешната трговија. Се забележува постепено намалување на стапката на невработеност, а вработеноста е соодветно зголемена.

Во однос на преткризниот период бележиме раст на буџетските приходи. Растот на вкупните приходи е 4,4 отсто, а 5 отсто е растот на даноците и придонесите.

Во јануари извозот има номинален раст од 15,4 отсто на годишна основа, увозот на стоки раст од 5,3 отсто, со што трговскиот дефицит во јануари се намали 29 проценти.

Во согласност со економските показатели и очекувањата предвидено е оваа 2021 година македонската економија да се врати на стабилни стапки на раст, платите да продолжат да растат, а невработеноста да се намалува.

СДСМ продолжува со креирање и реализација на мерки и политики за поддршка и поттикнување на домашната економија“, се наведува во соопштението.

Прикажи повеќе...

Најново

Регион8 часа

(Видео) Суспендирани двајца полицајци кои во Мостар претепаа момче поради кршење на мерките

Главна тема во БиХ деновиве е видеото снимено во Мостар на кое се гледа како двајца полицајци брутално тепаат момче....

Свет9 часа

Директорот на СЗО: Контрола над пандемијата е можна за неколку месеци, ако се почитуваат мерките

Директорот на Светската здравствена организација (СЗО), Тедрос Аданом Гебрејсус, денес изјави дека проблемот со пандемијата на Ковид-19 сè уште не...

Топ11 час

Од автомобил паркиран зад полициска станица украл службени легитимации и картичка за влез во МВР

Скопското основно јавно обвинителство поднесе обвинение против 47-годишник, кој на 28 март извршил тешка кражба во близина на полициската станица...

Македонија12 часа

34 починати и 193 нови случаи на Ковид-19

Од Министерството за здравство информираат дека во последните 24 часа се направени 1.192 тестирања, а регистрирани се 193 нови случаи...

Свет13 часа

Експертите посочуваат дека ни доаѓа нов супер коронавирус, комбинација од 18 мутации

Нов супер сој на коронавирусот во Бразил е комбинација од 18 мутации вклучувајќи ги таканаречените соеви на Бразил, Велика Британија...

Македонија15 часа

Нови 30 дена притвор за Камчев

Основниот кривичен суд Скопје му го продолжи притворот за дополнителни 30 дена на бизнисменот Јордан Камчев. „Кривичниот совет при Основниот...

Свет17 часа

Вакцината на „Фајзер“ помалку ефикасна кај јужноафриканскиот сој, покажува израелска студија

Јужноафриканскиот сој на коронавирус може да ја избегне заштитата обезбедена од вакцината на „Фајзер“ и „Бионтек“ до одреден степен, открива...

Македонија17 часа

Ќе се ограничат цените за лекување пациенти од коронавирус во приватните болници

До Владата ќе биде поднесе предлог за измена на законот со кој ќе се ограничи сумата за лекување пациенти од...

Македонија17 часа

Две илјади кинески вакцини денеска ќе пристигнат во земјата

Две илјади кинески вакцини денеска ќе пристигнат во земјата, најави министерот за здравство, Венко Филипче. Тој рече дека вакцините, кои...

Македонија17 часа

Девет години од петкратното убиство кај Смилковското Езеро

Денеска се навршуваат девет години од петкратното убиство кај Смилковското Езеро. На 12 април 2012 година, на Величетврток, беа убиени...

Свет18 часа

Научниците со охрабрувачки вести: За секој нов сој ќе имаме вакцини

Во тек е трка помеѓу вакцините против Ковид-19 и мутациите на коронавирусот кои се закануваат да ги загрозат, откриле научниците...

Свет18 часа

„Билд“: Меркел го откажала терминот за вакцинирање со „астра зенека“

Германската канцеларка, Ангела Меркел, сè уште не е вакцинирана против коронавирусот, а според весникот „Билд“, таа требало вчера да прими...

Свет19 часа

Поединци немаат чувство за вкус и мирис, дури и една година по заразата од коронавирусот

Три дена по позитивниот тест на коронавирус, сè имаше вкус на картон, се сеќава 38-годишната Елизабет Медина, која го изгубила...

Македонија21 час

Почнува вакцинацијата на новинарите и медиумските работници

Вакцинацијата на новинарите и медиумските работници што се пријавија на повикот и ги исполнија условите за да влезат во првата...

Македонија2 дена

Притвор за шестмината приведени во акцијата со марихуана

Скопскиот кривичен суд определи 30-дневен притвор за шестмината осомничени за шверц на марихуана кои пред два дена беа приведени во...

Македонија2 дена

Првачињата ќе учат по нова наставна програма

На предлог на Бирото за развој на образованието, во петокот Министерството за образование и наука ги усвои новите наставни програми...

Македонија2 дена

Трајче Заев: Комбето не е во сопственост на фирма на Заеви, јас сум на службено патување

Трајче Заев – братучед на премиерот, Зоран Заев, ги отфрла обвинувањата на опозициската ВМРО-ДПМНЕ, за негова поврзаност со акцијата на...

Македонија2 дена

Во болниците се лекуваат 1.699 пациенти со коронавирус, има 340 празни болнички кревети

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и...

Македонија2 дена

(Видео) Милошоски: Македонски пасоши се делеле и на борци на ИСИС

Опозициската ВМРО-ДПМНЕ обвини дека македонски пасоши се делеле и на борци на ИСИС, откако стана извесно дека над 200 македонски...

Свет2 дена

Јужна Кореја со „Астра зенека“ ги вакцинира лицата помеѓу 30 и 60 години

Јужна Кореја продолжува со вакцинацијата на лица под 60-годишна возраст со вакцината на „Астра зенека“. Корејската агенција за контрола и...

Досие