Контакт

Соопштенија

Единствена Македонија: Заев лаже дека договорот за промена на името не може да се поништи

Објавено пред

Зоран Заев продолжува да ја лаже јавноста за договорот со Грција за промена на името, па така, и вчера повтори дека договорот со кој се брише сè  што е македонско повеќе не може да се поништи.Заев свесно ја замајува јавноста оти договорот за промена на името е ништовен според домашното и меѓународно право и постои меѓународно правно-призната процедура како може да се поништи, соопшти Единствена Македонија.

„Според Виенската конвенција за договорно право, за валидноста на еден меѓународен договор, за кој се подразбира слободна согласност без уцени и закани, потребно е да бидат исполнети и два општи услови: првиот е да биде склучен од страна на надлежни органи, а Димитров, кој го потпиша договорот, не може да се смета за овластено лице бидејќи вакви договори не може да склучува Владата, туку претседателот на Републиката. Вториот услов е да постои дозволен предмет на преговарање. Договарања за име и идентитет претставуваат недозволен предмет бидејќи според општото меѓународно право и правото на Обединетите нации секоја држава може да носи име по свој избор оти името на една држава е прашање на внатрешните околности, а не на меѓународното право.

Според тоа, договор со Грција за името е ништовен со што се отвора патот на која било идна власт во државата таквиот договор да биде лишен од правно дејство.За Единствена Македонија нема дилема. Прва задача на новата легална власт на Единствена Македонија ќе биде поништување на нелегалниот договор за промена на името, се додава во соопштението.

Соопштенија

ВМРО-ДПМНЕ: Коруптивните шеми на Заев ги исцедија струмичките бизнисмени

Објавено пред

Заев е симбол на криминогено дејствување, тој бараше 200.000 евра за легализација на земјиште, нешто што во согласност со законот треба да го направи, без притоа за тоа да бара мито, се наведува во реакцијата од ВМРО-ДПМНЕ на изјавата на Костадин Костадинов, кој обвини дека кандидатката за претседател, Силјановска, е транзициски профитер.

„Заев во видеото што излезе на интернет-просторот тврди дека сите бизнисмени што во Струмица легализирале градежно земјиште морало да платат мито. Коруптивната шема на Заев ги исцеди струмичките бизнисмени, а Пендаровски е ист како него. Целиот бизнис во Струмица е притиснат од криминогеноста на власта, затоа Заев изгуби гласови во Струмица. Коруптивната шема од Струмица е префрлена на ниво на цела Македонија, затоа власта изгуби на избори“, стои во партиската реакција.

Од ВМРО-ДПМНЕ велат дека власта изгубила затоа што Пендаровски и Заев се исти 102,5 отсто и додаваат дека Пендаровски ќе загуби и во вториот круг.

„Заев тоа го знае и затоа му се бледи и очајни и митинзите. Граѓаните не сакаат криминал. Доаѓа време за право и правда“, истакнуваат од опозициската партија додавајќи дека Гордана Силјановска-Давкова е почеток на промените, а криминалот мора да оди во историјата.

Прикажи повеќе...

Соопштенија

(Видео) Јанушев: СДСМ за две години изгуби 300.000 гласа

Објавено пред

СДСМ за две години со своето погубно владеење, неправдите, криминалот и корупцијата загуби околу 300.000 гласа. Заев и Пендаровски ја уназадуваат Република Македонија и граѓаните тоа го казнија, рече Игор Јанушев, генерален секретар на ВМРО-ДПМНЕ.

„Наместо голи флоскули како СДСМ, ќе презентираме бројки и факти. СДСМ тоне и за тоа нема спас. Коалицијата што ја предводеше СДСМ во 2016 година броеше 14 партии, во 2017 година броеше 24 партии, а сега бројат е над 30. Но, додека бројот на партии расте, бројот на гласови вртоглаво опаѓа. Коалицијата предводена од СДСМ, во која се партиите ДУИ, ДПА, ДОМ, ЛДС, ДП, ВМРО – НП, Обединети за Македонија, и уште 20 други партии, на овие избори освои само 323 илјади гласа, ова е пад од речиси 200.000 гласа на истата оваа гарнитура од политички партии, кои заедно во 2017 година освоија над 523 илјади гласа.  Граѓаните им кажаа ‘не’ на негативните политики, криминалот, корупцијата и непотизмот. А Заев и Пендаровски за само една година паднаа за речиси 200.000 гласа“, рече Јанушев.

На 5 мај, додаде тој, граѓаните ќе ги поразат Заев и Пендаровски.

„Поразот на Пендаровски е крај за Заев и целата деструктивна и криминогена политика во изминатите две години. ВМРО-ДПМНЕ и Гордана Силјановска-Давкова се за право и правдина за Македонија и во Македонија. Ние се залагаме за подобра иднина, посилна економија, чиста животна средина, зголемена безбедност, депаритизирана администрација, независно судство и буквално, ама буквално, почитување на принципите и вредностите на кои се темелат модерните демократии“, рече Јанушев.

Прикажи повеќе...

Соопштенија

Демократска фракција на ВМРО-ДПМНЕ: Дегутантно е да се наметнува победничка еуфорија

Објавено пред

Сметаме дека е крајно дегутантно изнасилено да се наметнува победничка еуфорија во услови кога партијата ВМРО-ДПМНЕ има освоено најмал број гласови од 2008 година па сè до денес. Овој број на освоени гласови (319.224) е помал дури и од бројот на освоени гласови на минатите локални избори (335.034) кога партијата катастрофално изгуби, а шеф на Изборниот штаб беше токму Христијан Мицкоски, велат од Демократската фракција на ВМРО-ДПМНЕ во отвореното писмо до ВМРО-ДПМНЕ.

Дури и прецизната „Мицкова математика“, додаваат од таму, не може да ги оправда и да ги надомести помалку освоените 130.000 гласа во однос на претходниот резултат на Иванов (449.442 гласа во првиот круг).

„Сакаме да потсетиме дека токму Мицкоски е тој што ветуваше победа со освоени повеќе од 450.000 гласа со Соросовиот претседателски кандидат, за жал, во минатото лесно достижен, а сега само посакуван број гласови. Затоа, за нас оваа вештачка победничка еуфорија, која по наредба ја глумат стотина партиски лица, не може да ја намали одговорноста за неуспехот на овие избори ниту, пак, да ги покрие лошите и штетни досега водени калкулантски политики на наметнатото грујовистичко раководство. Доколку Мицкоски и неговата најблиска партиска братија послушаа барем дел од нашите досегашни добронамерни укажувања и совети, доколку пратениците на ВМРО-ДПМНЕ постапеа по барањето на Фракцијата, навреме да поднест оставки во Собранието на РМ, и доколку Мицкоски при неговата прошетка низ Македонија не бегаше од искажување јасен став за договорот од Преспа и за референдумот, а наместо тоа говореше за загадениот воздух и маглата (читај: му продаваше ветер и магла на чесното членство), немаше да ни се случат преспанскиот договор, распарчување на пратеничкта група, селективната амнестија, како и насилната промена на Уставот и името на нашата држава. Истовремено, ќе имавме можност да победиме на издејствуваните предвремени парламентарни избори, како и да составиме вмровска влада“, се вели во отвореното писмо.

Очигледно, велат од Демократската фракција на ВМРО-ДПМНЕ, дека овие добронамерни совети и укажувања беа послаби од влијанието и советите на бегалецот од Будимпешта, од сервилноста и понизните ветувања пред еврокомесарите во заминување наспроти националното и личното достоинство.

„Калкултантските, непринципиелни и погубни политики на актуелното раководството на ДПМНЕ дојдоа до израз со кандидатурата на либералката Силјановска (поранешен соработник на Б. Црвенковски), а свое финале, по сè изгледа, ќе добијат во вториот круг на претседателските избори. Испиленото кукавичино јајце во гнездото на ДПМНЕ и партиските камикази, учествувајќи во вториот круг на претседателските избори, ќе го запечатат за навек историскиот пораз на ДПМНЕ од Заев и неговите соработници. За да не се случи тоа, деновиве што се пред нас ја даваат последната шанса да се поправи барем дел од лошо водените политики. За свесно и намерно сторените грешки во корист на политичкиот противник, а на штета на државата и партијата, Мицкоски и неговата партиска братија треба да сносат политичка одговорност. Но, поради чесната и искрена желба да се спасат понатамошната деградација и обезличувањето на партијата и државата, како и да се сопре опасноста од апсолутната власт на СДСМ и ДУИ, Демократска фракција јавно му нуди на Мицкоски гаранција за неговата партиска позиција и фотелја во замена за повик на бојкот на вториот круг на изборите. Со повикот на бојкот Мицкоски има шанса од некредибилен и неавторитетен шеф на опозицијата да стане вистински опозициски лидер, да ја обедини партијата и да ја реализира својата премиерска амбиција. Сега е вистински и последен момент со повик за бојкот на вториот круг од изборите ВМРО-ДПМНЕ да издејствува нови претседателски и вонредни парламентарни избори, со цел на нив убедливо да се победи, како и да се спречи сè поголемата уцена од партиите на дел од етничките заедници во државата. Новите претседателски и парламентарни избори се последна шанса партијата да се врати на патот на пристојноста, патриотизмот и достоинството, потпрени на вредносен компас, препознатлив по личната чест и посветеност кон татковината и нацијата, кои ги обединуваат мислата, зборот и делото, а не личните и егоистички или туѓите намери и интереси“, пишува во отвореното писмо.

Прикажи повеќе...

Најново

Македонија6 минути

Ако дозволат временските услови, папата ќе го користи папамобилот

Папата Франциск ќе се вози со папамобилот во зависност од временските услови, а неговата посета во Скопје ќе ја следат...

Македонија35 минути

Прекршочни пријави за претседателот Иванов од антикорупциската

Антикорупциската комисија поведува две прекршочни постапки против претседателот Ѓорге Иванов поради поставувањето генерали во Армијата по распишување на изборите. На...

Избори 20191 час

(Видео) Заев: Нашите гласачи покажаа дека се разочарани од некои функционери

Нашите гласачи покажаа дека се разочарани од некои функционери. Некои се оттуѓија од народот, други не ги извршија очекувањата. Најавив...

Македонија2 часа

(Видео) Заев: За нас, поглавар на ИВЗ е оној што го утврдуваат законите на Заедницата

Премиерот Зоран Заев во врска со проблемите во ИВЗ рече дека негова работа е да им служи на граѓаните, а...

Топ2 часа

Обвиненија за тројца што силувале дете од Гостиварско, еден од нив го наведувал да нуди и секс на интернет

Основното јавно обвинителство од Гостивар поднесе обвиненија против три лица, кои во март и јули минатата година извршиле обљуба врз...

Македонија4 часа

Финансиската полиција денес добила пријава за контрола на работењето во ИВЗ

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека...

Македонија4 часа

Бузаку: Објектот на ИВЗ е под окупација

Самопрогласенот поглавар на Исламската верска заедница, Скендер Бузаку, кој е назначен на оваа функција со решение од судот, во изјава...

Македонија5 часа

ИВЗ: Невозможно е Реџепи да се сретне со Бузаку

Портпаролот на Исламската верска заедница, Агрон Војника, запрашан дали ќе се бара компромисно решение меѓу Сулејман Реџепи и Скендер Бузаку по...

Македонија6 часа

Комисијата за односи со верските заедници демантира вмешаност во превирањата во ИВЗ

Комисијата за односи со верските заедници и религиозни групи демантира каква било вмешаност во настаните во Исламската верска заедница. Од...

Свет6 часа

(Видео) Ким Џонг-ун со блиндиран воз пристигна во Русија

Севернокорејскиот лидер Ким Џонг-ун со блиндиран воз пристигна во Русија, каде што утре во Владивосток ќе се сретне со рускиот...

Македонија20 часа

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет1 ден

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија1 ден

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ1 ден

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ1 ден

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија1 ден

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија1 ден

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет1 ден

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион1 ден

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет1 ден

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Досие